ປະທານ ສນຊ ເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງບໍ່ແກ້ວ


...

02.08.2019 9:26     

   ທ່ານ ໄຊສົມພອນ ພົມວິ ຫານ ກໍາມະການກົມການ ເມືອງສູນກາງພັກ ປະທານສູນກາງແນວລາວສ້າງຊາດ (ສນຊ) ພ້ອມດ້ວຍຄະນະໄດ້ເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງບໍ່ແກ້ວ ໂດຍການຕ້ອນຮັບຂອງທ່ານ ບົວຄົງ ນາມມະວົງ ກໍາມະການສໍາ ຮອງສູນກາງພັກ ເລຂາພັກແຂວງ ເຈົ້າແຂວງໆບໍ່ແກ້ວ ໃນ ລະຫວ່າງທ້າຍເດືອນກໍລະກົດ ຜ່ານມາ ໃນວາລະການເຄື່ອນ ໄຫວປະທານ ສນຊ ໄດ້ພົບປະ ແລະ ເຮັດວຽກກັັບຄະນະນຳຂັ້ນແຂວງ, ແນວລາວສ້າງຊາດ ແລະ ອົງການຈັດຕັ້ງມະຫາຊົນຂອງແຂວງ ທີ່ຫໍວັດທະນະທໍາ ແຂວງບໍ່ແກ້ວ.ການເຄື່ອນໄຫວດັ່ງກ່າວ, ປະ ທານ ສນຊ ໄດ້ໂອ້ລົມ ແລະ ມີ ຄໍາຄິດເຫັນບາງບັນຫາຕໍ່ຄະນະ ພັກ-ຄະນະນຳ, ແນວລາວສ້າງຊາດ, ອົງການຈັດຕັ້ງມະຫາ ຊົນ, ອົງການຈັດຕັ້ງພາຄີ ແລະ ພະນັກງານຫຼັກແຫຼ່ງ ຊຶ່ງກ່ອນອື່ນທ່ານໄດ້ຍ້ອງຍໍຊົມເຊີຍ ແລະ ຕີລາຄາສູງຕໍ່ຜົນງານທີ່ແຂວງຍາດມາໄດ້ ໃນໄລຍະຜ່ານມາພ້ອມທັງໄດ້ຫວນຄືນມູນເຊື້ອອັນສະຫງ່າລາສີ, ຜົນງານທີ່ພົ້ນເດັ່ນ, ພາລະບົດບາດ, ສິດ ແລະ ໜ້າທີ່ຂອງແນວລາວສ້າງຊາດ; ພ້ອມດຽວກັນນັ້ນ, ປະທານ ສນຊ ຍັງໄດ້ເນັ້ນຫຼາຍບັນຫາໃຫ້ບັນດາການນໍາແຂວງບໍ່ແກ້ວ ຈົ່ງເພີ່ມທະວີກ້ອນກຳລັງມະຫາສາມັກຄີທຸກຊົນເຜົ່າ, ຊັ້ນຄົນ, ສາສະໜາ, ເພດ, ໄວໃຫ້ໜັກແໜ້ນ ຄຽງຄູ່ກັນນັ້ນຕ້ອງຮັບປະກັນສະຖຽນລະພາບທາງດ້ານການເມືອງ, ຄວາມສະຫງົບສຸກຂອງສັງຄົມ; ເອົາໃຈໃສ່ໂຄສະນາປຸກລະດົມ, ເສີມຂະຫຍາຍສິດເປັນເຈົ້າຂອງປະຊາຊົນ ໃນການປະຕິບັດແນວທາງນະໂຍບາຍຂອງພັກ ແລະ ແຜນພັດທະນາເສດຖະກິດ-ສັງຄົມແຫ່ງຊາດ ຄັ້ງທີ VIII, ຄົ້ນຄວ້າຜັນຂະຫຍາຍບັນດາແນວທາງນະໂຍບາຍຂອງພັກ -ລັດ ແລ້ວຫັນເປັນແຜນງານ, ເປັນໂຄງການລະອຽດທີ່ແທດ ເໝາະກັບສະພາບຕົວຈິງ ແລະ ທ່າແຮງບົ່ມຊ້ອນຂອງແຂວງ; ພ້ອມນັ້ນ ແຂວງຕ້ອງຖືສໍາຄັນໃນການຫັນລົງທ້ອງຖິ່ນຮາກຖານ ແລະ ເອົາໃຈໃສ່ວຽກງານສຶກສາອົບຮົມການເມືອງ-ແນວຄິດຂອງຖັນແຖວພະນັກງານຫຼັກແຫຼ່ງ, ສະມາຊິກພັກໃຫ້ກຳແໜ້ນ ແລະ ເຊື່ອມຊຶມແນວທາງນະໂຍບາຍຂອງພັກຢ່າງເລິກເຊິ່ງ, ເອົາໃຈໃສ່ວຽກ ງານປ້ອງກັນຊາດ-ປ້ອງກັນ ຄວາມສະຫງົບ ການແກ້ໄຂປະກົດການຫຍໍ້ທໍ້ໃນສັງຄົມ ບໍ່ວ່າຈະເປັນການສະກັດກັ້ນການຄ້າຂາຍເຖື່ອນ, ການຄ້າຢາເສບຕິດ, ບັນຫາການຄ້າມະນຸດ, ບັນຫາຕາມເຂດຊາຍແດນ ແລະ ບັນຫາອື່ນໆໃຫ້ໝົດໄປ; ຄຽງຄູ່ກັນນັ້ນ, ຕ້ອງມີສະຕິລະວັງຕົວຕໍ່ການເຄື່ອນໄຫວຂອງກຸ່ມຄົນທີ່ບໍ່ຫວັງດີທີ່ສວຍໃຊ້ວຽກງານຊົນເຜົ່າ, ສາສະໜາ ເພື່ອແບ່ງແຍກຄວາມສາມັກ ຄີ ພ້ອມກັນນີ້, ທ່ານຍັງໄດ້ຮຽກ ຮ້ອງໃຫ້ຄະນະພັກເອົາໃຈໃສ່ຊີ້ນໍາ-ນໍາພາກະກຽມຮອບດ້້ານ ໃຫ້ແກ່ກອງປະຊຸມໃຫຍ່ 3 ຂັ້ນ; ສືບຕໍ່ເອົາໃຈໃສ່ກໍາແໜ້ນ ແລະ ສຶກສາອົບຮົມປະຊາຊົນລາວບັນດາເຜົ່າ ປະຕິບັດຕາມແນວທາງນະໂຍບາຍຂອງພັກ, ລະບຽບກົດໝາຍ, ໂຄສະນາມູນເຊື້ອຄວາມສາມັກຄີ, ມູນ ເຊື້ອທາງວັດທະນະທໍາທີ່ເປັນເອກະລັກຂອງຊົນເຜົ່າຕ່າງໆ ເພື່ອສ້າງໃຫ້ເຂົາເຈົ້າມີຄວາມທະນົງໃຈ ແລະ ພູມໃຈໃນຄວາມ ເປັນຊົນເຜົ່າຂອງຕົນເອງ ເວົ້າລວມ, ເວົ້າສະເພາະ, ໃຫ້ຄະນະກໍາມະການແນວລາວສ້າງຊາດແຕ່ລະຂັ້ນ, ພະນັກງານຫຼັກແຫຼ່ງ, ຜູ້ຊົງຄຸນວຸດທິ, ພະນັກງານປະ ຕິວັດ, ທະຫານ, ຕໍາຫຼວດ ຈົ່ງເຊີດຊູຄວາມຮັບຜິດຊອບ ໃນໜ້າທີ່ການເມືອງຂອງຕົນ, ເຕົ້າ ໂຮມຄວາມສາມັກຄີເປັນປຶກແຜ່ນ ແລະ ຕັ້ງໜ້າປຸກລະດົມຂົນຂວາຍປະຊາຊົນບັນດາເຜົ່າ ໃນການເຂົ້າຮ່ວມຂະບວນການຕ່າງໆທີ່ສຳຄັນຂອງຊາດ ແລະ ປະກອບສ່ວນຢ່າງຕັ້ງໜ້າຈັດຕັ້ງແຜນພັດທະນາເສດຖະກິດ-ສັງຄົມຂອງແຂວງໃຫ້ບັນລຸຕາມຄາດໝາຍກໍຄືວຽກງານແນວລາວສ້າງຊາດໃຫ້ມີການປ່ຽນແປງໃໝ່ທີ່ຕັ້ງໜ້າ ແລະ ນັບມື້ດີຂຶ້ນເທື່ອລະກ້າວ. ພ້ອມດຽວກັນນັ້ນ, ປະທານ ສນຊ ພ້ອມຄະນະ ຍັງໄດ້ໂອ້ລົມປະຊາຊົນຢູ່ ເມືອງ ຕົ້ນເຜິ້ງ ແລະ ຢ້ຽມຢາມ ດ່ານສາກົນຂົວມິດຕະພາບລາວ-ໄທ ແຫ່ງທີ 4 ຕື່ມອີກ.
(ຂ່າວ-ພາບ: ສນຊ)