ເຊັນສັນຍາ ວ່າດ້ວຍການ ຊື້ - ຂາຍ ເບ້ຍໄມ້ ແລະ ຝຸ່ນ


...

07.08.2019 8:38     

   ກຸ່ມບໍລິສັດພົງສະຫວັນ ຈໍາກັດ ແລະ ວິສາຫະກິດສ່ວນບຸກຄົນ ກິມລ໋ອງ ກໍໍ່ສ້າງ ແລະ ການຄ້າ ແຂວງເຊິນລາ ສສ ຫວຽດນາມ ໄດ້ຈັດພິທີເຊັນສັນຍາ ວ່າດ້ວຍການຊື້-ຂາຍເບ້ຍໄມ້ກະສິກໍາ, ເບ້ຍໄມ້ອຸດສາຫະກໍາ ແລະ ຝຸ່ນ ໃນວັນທີ 5 ສິງຫາ ຜ່ານມາ ທີ່ສູນກາງແນວລາວສ້າງຊາດ (ສນຊ). ເບ້ຍໄມ້ອຸດສາຫະກໍາ ແລະ ຝຸ່ນ ລະຫວ່າງ ກຸ່ມບໍລິສັດພົງສະຫວັນ ຈໍາກັດ, ວິສາຫະກິດ ສ່ວນບຸກຄົນ ກິມລ໋ອງ ກໍໍ່ສ້າງ ແລະ ການຄ້າ ແຂວງເຊິນລາ ສສ ຫວຽດນາມ ແລະ ແນວລາວສ້າງຊາດ ແຂວງໄຊສົມບູນ, ເປົ້າໝາຍປູກເປັນສວນທົດລອງຢູ່ໂຄງການສ້າງຄອບຄົວ ແລະ ບ້ານສາມັກຄີປອງດອງຂອງແນວລາວສ້າງຊາດ ເຂດຈຸດສຸມ 516 ບ້ານແກ່ວສາມີ, ເມືອງລ້ອງຊານ, ແຂວງໄຊສົມບູນ. ເປັນກຽດເຂົ້າ ຮ່ວມ ໃນພິທີເຊັນສັນຍາຄັ້ງນີ້ ໂດຍທ່ານ ໄຊສົມພອນ ພົມ ວິຫານ ກໍາມະການກົມການ ເມືອງສູນກາງພັກ ປະທານ ສນຊ, ມີຮອງປະທານ ສນຊ, ເຈົ້າເມືອງລ້ອງຊານ, ປະທານ ໃຫຍ່ ຂາຮຸ້ນ ກຸ່ມບໍລິສັດພົງສະ ຫວັນ ຈໍາກັດ ພ້ອມຄະນະ. ເບ້ຍໄມ້ກິນໝາກທີີ່ຈະນໍາ ມາປູກ ໃນສວນທົດລອງແບບ ຢ່າງມີ 7 ປະເພດ, ປູກໃນເນື້ອທີີ່ 20 ເຮັກຕາ ຂອງໂຄງການ, ໃນນັ້ນມີ ຕົ້ນໝາກມ່ວງ 1.800 ເບ້ຍ, ອາໂວກາໂດ 1.500 ເບ້ຍ, ໝາກໝັ້ນ 1.200 ເບ້ຍ, ລໍາໄຍ 1.800 ເບ້ຍ, ຕົ້ນສະໝຸນໄພ (ໂສມ) 4.000 ເບ້ຍ, ຕົ້ນໄມ້ອຸດ ສາຫະກໍາ 1.000 ເບ້ຍ, ຕົ້ນໝາກພຸກ 1.800 ເບ້ຍ. ເປົ້າໝາຍປູກເປັນສ່ວນຕົວແບບຈາກນັ້ນຈະຂະຫຍາຍໄປປູກໃນແຂວງອື່ນໆ ຕາມຄວາມສາ ມາດ ພ້ອມທັງສ້າງເປັນສູນ ເພາະພັນທົດລອງກ້າເບ້ຍໄມ້ເພື່ອຈໍາໜ່າຍໃຫ້ແຂວງອື່ນໆ ພາຍໃນປະເທດ. ເຕັກນິກການປູກແມ່ນມີຊ່ຽວຊານຈາກວິສາຫະກິດສ່ວນບຸກຄົນ ກິມລ໋ອງ ກໍໍ່ສ້າງ ແລະ ການຄ້າ ແຂວງເຊີນລາ ສສ ຫວຽດນາມ ມາສິດສອນ ພ້ອມທັງຈັດສົົ່ງພະນັກງານເຕັກນິກການປູກ, ບົວລະບັດຮັກສາ 2 ຄົນ ມາປະຈໍາຢູ່ໂຄງການ ພ້ອມ ທັງສິດສອນໃຫ້ຄົນລາວໄປ ພ້ອມ. ຫຼັງຈາກນັ້ນ, ມອບໃຫ້ວິ ຊາການຄົນລາວສືບຕໍໍ່ຄຸ້ມຄອງ ແລະ ປົກປັກຮັກສາຕໍໍ່ໄປ. ສຳລັບຜົນຂອງການຜະ ລິດເບ້ຍໄມ້ທາງບໍລິສັດແມ່ນ ຈະເກັບຊື້ຄືນທັງໝົດຕາມລາ ຄາທ້ອງຕະຫຼາດ. ໂຄງການດັ່ງ ກ່າວໄດ້ຮັບການສະໜັບສະ ໜູນທຶນຮອນຈາກກຸ່ມບໍລິສັດພົງສະຫວັນ ຈໍາກັດ. ໂຄງການສ້າງຄອບຄົວ ແລະ ບ້ານສາມັກຄີປອງດອງຂອງແນວລາວສ້າງຊາດ ເຂດຈຸດສຸມ 516 ເມືອງລ້ອງຊານ ຂອງກຸ່ມບໍລິສັດພົງສະຫວັນ ຈໍາກັດ ເປັນການສ້າງເຂດທົດລອງ ໃນເຂດເມືອງລ້ອງຊານ ແຂວງໄຊສົມບູນໃຫ້ເປັນແບບ ຢ່າງ ໃນການພັດທະນາ ແລະ ເປັນສູນຮຽນຮູ້ດ້ານກະສິກໍານັບແຕ່ການປູກ, ການບໍາລຸງຮັກ ສາ, ການເກັບກ່ຽວຜົນຜະລິດ, ການຈໍາໜ່າຍ ແລະ ການແປຮູບເປັນຜະລິດຕະພັນຕ່າງໆ ພ້ອມກັນນັ້ນຍັງເຮັດໃຫ້ປະ ຊາຊົນສາມາດຮຽນຮູ້ດ້ານເຕັກ ນິກວິຊາການ, ສາມາດກຸ້ມຕົນ ເອງ ໃນການປະກອບອາຊີບ ແລະ ສ້າງລາຍຮັບໃຫ້ແກ່ຄອບ ຄົວ ເພື່ອຍົກລະດັບຊີວິດການ ເປັນຢູ່ຂອງປະຊາຊົນບັນດາ ເຜົ່າໃຫ້ດີຂຶ້ນເທື່ອລະກ້າວຕາມ ນະໂຍບາຍການແກ້ໄຂຄວາມ ທຸກຍາກຂອງພັກ ແລະ ລັດຖະບານ. ຮ່ວມລົງນາມ ໃນສັນຍາຄັ້ງ ນີ້, ມີທ່ານ ສີວິໄລ ພົມມະຈັກ ຮັກສາການຜູ້ອຳນວຍການໃຫຍ່ ກຸ່ມບໍລິສັດ ພົງສະຫວັນ ຈຳກັດ, ທ່ານ ລໍ່ ວັນ ຢຸງ ປະທານສະພາບໍລິຫານ ອຳນວຍການວິສາຫະກິດສ່ວນບຸກຄົນ ກິມລ໋ອງ ກໍ່ສ້າງ ແລະ ການຄ້າ, ທ່ານ ເລັ່ງຊົງ ປະ ທານແນວລາວສ້າງຊາດແຂວງ ໄຊສົມບູນ. (ຂ່າວ: ກຸ່ມບໍລິສັດພົງສະ ຫວັນ ຈຳກັດ)