ວາງສີລາລືກ ໂຄງການພັດທະນາສວນວັດທະນະທຳລ້ານຊ້າງ


...

12.08.2019 11:55     

   ພິທີວາງສີລາລືກໂຄງການ ພັດທະນາສວນວັດທະນະທຳ ລ້ານຊ້າງໄດ້ຈັດຂຶ້ນໃນວັນທີ 9 ສິງຫາ ຜ່ານມາ ທີ່ບ້ານດົງສ້າງຫີນ ເມືອງໄຊທານີ ນະຄອນຫຼວງ ວຽງຈັນ ໂດຍການເປັນກຽດ ເຂົ້າຮ່ວມຂອງທ່ານ ສອນໄຊ ສີພັນດອນ ຮອງນາຍົກລັດຖະ ມົນຕີ, ທ່ານ ບໍ່ແສງຄຳ ວົງດາລາ ລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງ ທ່ຽວ (ຖວທ), ມີຮອງລັດຖະມົນຕີ, ຫົວໜ້າກົມ-ຮອງກົມ, ແຂກຖືກ ເຊີນ ແລະ ພາກສ່ວນກ່ຽວຂ້ອງ ເຂົ້າຮ່ວມ.ທ່ານ ຄອນຄຳ ອິນທະວົງ ປະທານບໍລິສັດໂອເຊຍໂນ ຈຳກັດ ກ່າວລາຍງານວ່າ: ໂຄງ ການພັດທະນາສວນວັດທະ ນະທຳລ້ານຊ້າງເປັນແນວຄວາມຄິດຂອງນັກພັດທະນາທາງພາກລັດ ແລະ ພາກທຸລະ ກິດ ເວົ້າລວມ, ເວົ້າສະເພາະ ກະຊວງຖະແຫຼງຂ່າວ, ວັດທະ ນະທຳ ແລະ ທ່ອງທ່ຽວຮ່ວມ ກັບບໍລິສັດໂອເຊຍໂນ ຈຳກັດ, ປັດຈຸບັນທາງບໍລິສັດແມ່ນມີ ຄວາມພ້ອມທາງດ້ານທຶນຮອນ, ອຸປະກອນກົນຈັກ, ເຄື່ອງມືຮັບໃຊ້ ແລະ ເຕັກນິກວິຊາການຕ່າງໆເຂົ້າໃນໂຄງການ ຊຶ່ງມີມູນຄ່າການລົງທຶນເບື້ອງຕົ້ນທັງໝົດປະມານ 80 ລ້ານໂດລາ, ຄາດວ່າຈະໃຊ້ເວລາໃນການກໍ່ສ້າງ 9 ປີ ໂດຍແບ່ງອອກເປັນ 3 ໄລຍະກໍ່ສ້າງ ຊຶ່ງປະກອບດ້ວຍຫຼາຍກິດຈະກຳເປັນຕົ້ນຕໍຄື: ເຂດສວນສະນຸກ, ສວນນໍ້າ ແລະ ສວນວັດທະນະ ທຳ, ເຂດສວນພຶກສາ ແລະ ສວນ ສັດ, ເຂດສູນການຄ້າ, ໂຮງແຮມ, ເຂດບ້ານຈັດສັນ ແລະ ພື້ນຖານໂຄງລ່າງ ພ້ອມທັງສິ່ງອຳນວຍ ຄວາມສະດວກ ໃນໂຄງການ ສຳລັບແຜນການກໍ່ສ້າງເບື້ອງຕົ້ນທາງບໍລິສັດຈະເລີ່ມລົງມືກໍ່ສ້າງເຂດສວນສະນຸກ, ສວນນໍ້າ, ໂຮງແຮມ, ການກໍ່ສ້າງຈະໃຊ້ເວລາ 3 ປີໃຫ້ສຳເລັດ ພ້ອມເລີ່ມເປີດບໍລິການ. ຫຼັງຈາກນັ້ນແມ່ນຈະສືບຕໍ່ກໍ່ສ້າງບັນດາກິດ ຈະການຕ່າງໆຕາມບົດວິພາກ ແລະ ສັນຍາທີ່ເຊັນໄວ້ກັບລັດຖະບານ.
ການດຳເນີນການພັດທະ ນາກໍ່ສ້າງສວນວັດທະນະທຳລ້ານຊ້າງແຫ່ງນີ້ ເພື່ອໃຫ້ກາຍ ເປັນແຫຼ່ງທ່ອງທ່ຽວວັດທະນະ ທຳ ແລະ ທຳມະຊາດທີ່ສາມາດ ດຶງດູດນັກທ່ອງທ່ຽວ ທັງພາຍ ໃນ ແລະ ຕ່າງປະເທດ ເຂົ້າມາ ທ່ອງທ່ຽວ ໃນ ສປປ ລາວ ໂດຍສະເພາະແມ່ນນະຄອນຫຼວງວຽງຈັນໃຫ້ນັບມື້ນັບຫຼາຍຂຶ້ນ.
ທ່ານ ບົວເງິນ ຊາພູວົງ ຮອງລັດຖະມົນຕີກະຊວງ ຖວທ ໄດ້ກ່າວເປີດພິທີວ່າ: ໂຄງການ ພັດທະນາສວນວັດທະນະທຳ ລ້ານຊ້າງມີເປົ້າໝາຍພັດທະ ນາໃຫ້ເປັນບ່ອນພັກຜ່ອນຢ່ອນ ອາລົມ ແລະ ຮຽນຮູ້ຊຸມຊົນ ພ້ອມ ທັງເປັນການອະນຸລັກທາງດ້ານທຳມະຊາດ ແລະ ຄວາມຫຼາກ ຫຼາຍທາງດ້ານຮີດຄອງປະເພ ນີ, ວັດທະນະທຳຂອງປະຊາຊົນ ບັນດາເຜົ່າ ເພື່ອສະແດງເຖິງປະ ຫວັດອັນຍາວນານ ແລະ ຄວາມ ອຸດົມຮັ່ງມີໃນຄວາມຫຼາກຫຼາຍ ທາງດ້ານມູນເຊື້ອວັດທະນະ ທຳອັນດີງາມຂອງຊາດລາວ, ສວນວັດທະນະທຳແຫ່ງນີ້ຈະກາຍເປັນແຫຼ່ງຄວາມສວຍງາມ ມ່ວນຊື່ນ ແລະ ສີວິໄລທາງວັດ ຖຸ ແລະ ຈິດໃຈ ເພື່ອໄວ້ເປັນມໍ ລະດົກໃຫ້ຄົນຮຸ່ນລູກຮຸ່ນຫຼານໄດ້ຊົມໃຊ້ຕະຫຼອດໄປ ແລະ ເຮັດ ໃຫ້ສວນວັດທະນະທຳລ້ານຊ້າງ ກາຍເປັນແຫຼ່ງທ່ອງທ່ຽວທີ່ໂດດ ເດັ່ນແຫ່ງໜຶ່ງຂອງ ສປປ ລາວ.
ໃນໂອກາດດັ່ງກ່າວ ທ່ານ ສອນໄຊ ສີພັນດອນ ກໍໄດ້ໃຫ້ກຽດລັ່ນຄ້ອງ 9 ບາດ ເພື່ອເປັນສິລິມົງຄຸນໃຫ້ແກ່ພິທີວາງສີລາລືກໂຄງການພັດທະນາສວນວັດ ທະນະທຳລ້ານຊ້າງອີກດ້ວຍ.
(ຂ່າວ: ບຸນອູ້ມ, ພາບ: ສຳນານ)