ສ.ເກົາຫຼີ ສະໜອງທຶນ 1 ລ້ານກວ່າໂດລາ ຟື້ນຟູຫຼັງໄພພິບັດນາໍ້ຖ້ວມ ທີ່ເມືອງສະໜາມໄຊ


...

12.08.2019 11:55     

   ກະຊວງແຮງງານ ແລະ ສະຫວັດດີການສັງຄົມ (ຮສສ) ແລະ ອົງການຮ່ວມມືສາກົນ ສ.ເກົາຫຼີ ປະຈຳ ສປປ ລາວ ໄດ້ເຊັນສັນຍາຂໍ້ຕົກລົງການສະ ໜອງທຶນຈຳນວນ 1.200.000 ໂດລາ ເພື່ອນຳໃຊ້ເຂົ້າໃນກິດ ຈະກຳ ປີ 2019 ພາຍໃຕ້ "ແຜນ ງານຟື້ນຟູຫຼັງໄພພິບັດແບບ ປະສົມປະສານທີ່ແຂວງອັດຕະ ປື", ທີ່ໄດ້ຮັບຜົນກະທົບຈາກ ໄພພິບັດນ້ຳຖ້ວມທີ່ສາເຫດມາຈາກອຸບັດເຫດສັນເຂື່ອນເຊປຽນ-ເຊນ້ຳນ້ອຍແຕກ ໃນປີ 2018 ຊຶ່ງເປົ້າໝາຍຂອງໂຄງ ການດັ່ງກ່າວແມ່ນເລັ່ງໃສ່ພັດ ທະນາຟື້ນຟູຊີວິດການເປັນຢູ່ ຂອງປະຊາຊົນຜູ້ທີ່ໄດ້ຮັບຜົນກະທົບໄດ້ມີຊີວິດການເປັນຢູ່ທີ່ດີຂຶ້ນເລື້ອຍໆ.
ພິທີເຊັນຂໍ້ຕົກລົງດັ່ງກ່າວ ໄດ້ຈັດຂຶ້ນໃນວັນທີ 9 ສິງຫາຜ່ານມາ ທີ່ກະຊວງ ຮສສ ຊຶ່ງຕາງໜ້າຝ່າຍລາວແມ່ນທ່ານ ວິໄລພົງ ສີສົມຫວັງ ວ່າການຫົວໜ້າກົມສັງຄົມສົງເຄາະ ກະ ຊວງ ຮສສ ແລະ ຝ່າຍ ສ.ເກົາຫຼີ ແມ່ນທ່ານ ຊັງຊູ ໂອ ຜູ້ຕາງໜ້າອົງການຮ່ວມມືສາກົນ ສ.ເກົາຫຼີ (ກອຍກາ) ໂດຍຊ້ອງໜ້າທ່ານ ຄຳແພງ ໄຊສົມແພງ ລັດຖະ ມົນຕີກະຊວງແຮງງານ ແລະ ສະຫວັດດີການສັງຄົມ, ມີທ່ານ ຊິນ ຊອງ ຊຸນ ເອກອັກຄະລັດຖະ ທູດ ສ.ເກົາຫຼີ ປະຈຳລາວ ພ້ອມ ພາກສ່ວນກ່ຽວຂ້ອງທັງສອງ ຝ່າຍເຂົ້າຮ່ວມເປັນສັກຂີພິຍານ.
(ຂ່າວ-ພາບ: ບຸນທົງ)