ຫຼາຍພາກສ່ວນມອບເງິນຊ່ວຍຜູ້ປະສົບໄພນຳ້ຖ້ວມ ຢູ່ເມືອງວຽງໄຊ


...

13.08.2019 8:40     

   ສະມາຄົມມິດຕະພາບລາວ-ເຢຍລະມັນ ແລະ ກອງທຶນປົກປັກຮັກສາສິ່ງແວດລ້ອມ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມໄດ້ມອບເງິນຊ່ວຍເຫຼືອຜູ້ປະ ສົບໄພນໍ້າຖ້ວມຢູ່ເມືອງວຽງໄຊ ແຂວງຫົວພັນພາກສ່ວນລະ 10 ລ້ານກີບ. ພິທີມອບ-ຮັບການຊ່ວຍ ເຫຼືອດັ່ງກ່າວ ໄດ້ມີຂຶ້ນໃນວັນທີ 12 ສິງຫານີ້ ທີ່ສະພາແຫ່ງຊາດ, ຕາງໜ້າສະມາຄົມມິດຕະພາບລາວ-ເຢຍລະມັນ ກ່າວມອບໂດຍທ່ານ ສົມອົກ ກິ່ງສະດາ ປະທານສະມາຄົມມິດຕະພາບ ລາວ-ເຢຍລະມັນ, ຕາງໜ້າໃຫ້ກອງທຶນປົກປັກຮັກສາສິ່ງ ແວດລ້ອມກ່າວມອບໂດຍທ່ານ ສີພັນດອນ ສີຫາວົງ ຫົວ ໜ້າຫ້ອງການກອງທຶນປົກປັກຮັກສາສິ່ງແວດລ້ອມ ແລະ ກ່າວຮັບໂດຍທ່ານ ທັນຕາ ກອງຜາລີ ຮອງປະທານ ກຳມາທິການແຜນ ການ, ການເງິນ ແລະ ກວດສອບສະພາແຫ່ງຊາດ, ທ່ານ ນາງ ມະນີວັນ ເຢຍປາວເຮີ ຮອງປະ ທານກຳມາທິການວັດທະນະ ທຳ-ສັງຄົມ ສະພາແຫ່ງຊາດ ເພື່ອນຳໄປມອບໃຫ້ແກ່ພໍ່ແມ່ ປະຊາຊົນເມືອງວຽງໄຊ ແຂວງຫົວພັນຜູ້ທີ່ໄດ້ຮັບຜົນກະທົບຈາກໄພພິບັດທາງທຳມະຊາດ (ນໍ້າຖ້ວມ) ໃນລະຫວ່າງວັນທີ 2-5 ສິງຫາ ທີ່ຜ່ານມາ.
    ເງິນທີ່ນຳມາມອບໃນຄັ້ງນີ້ ລວມທັງໝົດ 20 ລ້ານກີບ ຊຶ່ງໄດ້ມາຈາກການລະດົມຂົນ ຂວາຍຂອງສະມາຊິກສະມາ ຄົມມິດຕະພາບ ລາວ-ເຢຍລະມັນ ແລະ ກອງທຶນປົກປັກຮັກສາ ສິ່ງແວດລ້ອມກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ. (ຂ່າວ-ພາບ : ສຸກສາຄອນ)