ທ່ານ ນາງ ເຂັມມະນີ ພົນເສນາ ເຄ່ືອນໄຫວເຮັດວຽກ ຢູ່ເຊກອງ


...

29.08.2019 11:13     

   ວັນທີ 27 ສິງຫາຜ່ານມາ ນີ້, ທ່ານນາງ ເຂັມມະນີ ພົນເສນາ ກຳມະການສູນກາງພັກ ເລຂາຄະນະພັກ ລັດຖະມົນຕີກະຊວງອຸດສາຫະກຳ ແລະ ການຄ້າພ້ອມດ້ວຍຄະນະໄດ້ເຄື່ອນ ໄຫວຢ້ຽມຢາມ ແລະ ເຮັດວຽກ ຢູ່ແຂວງເຊກອງ ໂດຍໄດ້ຮັບການຕ້ອນຮັບຈາກທ່ານ ຄໍາເຜີຍ ບຸດດາວຽງ ເລຂາພັກແຂວງເຈົ້າ ແຂວງເຊກອງ, ມີຫົວໜ້າຫ້ອງ ການອຸດສາຫະກຳ ແລະ ການຄ້າ 4 ເມືອງ ພ້ອມດ້ວຍຄະນະພັກ-ຄະນະພະແນກ ແລະ ພະ ນັກງານລັດຖະກອນພະແນກດັ່ງກ່າວເຂົ້າຮ່ວມ.
ທ່ານ ພັນສອນ ແສນສົ່ງເສີມ ຫົວໜ້າພະແນກອຸດ ສາຫະກຳ ແລະ ການຄ້າແຂວງ ເຊກອງໄດ້ລາຍງານສະພາບ ທີ່ຕັ້ງ, ຈຸດພິເສດ, ທ່າແຮງ ແລະ ສະພາບລວມຂອງແຂວງກໍຄືສະພາບລວມຂອງພະແນກ ແລະ ການຈັດຕັ້ງປະຕິບັດການ ພັດທະນາເສດຖະກິດ-ສັງຄົມຂອງແຂວງ ແລະ ການພັດທະ ນາວຽກງານອຸດສາຫະກຳປຸງແຕ່ງ ແລະ ການຄ້າ ໃນຊຸມປີ ຜ່ານມາ ຊຶ່ງໃຫ້ຮູ້ວ່າ: ການພັດ ທະນາເສດຖະກິດ-ສັງຄົມຂອງ ແຂວງເຊກອງຂະຫຍາຍຕົວ ຢ່າງຕໍ່ເນື່ອງ ຊຶ່ງການຂະຫຍາຍ ຕົວຂອງ GDP ຢູ່ໃນລະດັບ 7-9% ຕໍ່ປີ, ສະເລ່ຍລາຍຮັບປະມານ 14 ລ້ານກີບ/ຄົນ/ປີ, ຂະແໜງອຸດສາຫະກຳເພີ່ມຂຶ້ນ 8%, ກວມເອົາ 22,9% ຂອງ GDP ສໍາລັບການພັດທະນາ ແລະ ການຈັດຕັ້ງປະຕິບັດວຽກງານຂະແໜງອຸດສາຫະກຳ ແລະ ການຄ້າ ໃນໄລຍະຊຸມປີຜ່ານ ມາ ເຫັນວ່າມີການຂະຫຍາຍ ຕົວໄວຕໍ່ເນື່ອງ ຊຶ່ງມາຮອດປັດ ຈຸບັນທົ່ວແຂວງມີໂຮງງານອຸດ ສາຫະກຳ ແລະ ຫັດຖະກຳມີທັງ ໝົດ 372 ຫົວໜ່ວຍ, ມີມູນຄ່າການລົງທຶນທັງໝົດ 239,18 ຕື້ກີບ, ມີແຮງງານມາອອກແຮງງານ 2.057 ຄົນ, ມີໂຮງງານປຸງແຕ່ງໄມ້ ແລະ ເຟີນີເຈີ 33 ໂຮງ (ເຟີນີເຈີ 22 ໂຮງ), ໂຮງງານອົບແຫ້ງສາລີ 1 ໂຮງ, ອົບແຫ້ງ ກາເຟ 1 ໂຮງ, ໂຮງງານປຸງແຕ່ງ ມັນຕົ້ນ 1 ໂຮງ ແລະ ໂຮງງານ ຜະລິດນໍ້າຕານອໍແກນິກ 1 ໂຮງ, ເຫັນວ່າໂຮງງານປຸງແຕ່ງຜົນຜະລິດກະສິກຳ, ອຸດສາຫະກຳ ປຸງແຕ່ງ, ຫັດຖະກຳອື່ນໆມີທ່າ ອ່ຽງເພີ່ມຂຶ້ນ, ໂຮງງານປຸງແຕ່ງ ໄມ້ ນັບມື້ຫຼຸດລົງ, ໄດ້ລຶບລ້າງໄປນໍາ ແລະ ຢຸດເຊົາເອງ ໃນຕົວ ນອກນີ້ຍັງໄດ້ເອົາໃຈໃສ່ຈັດຕັ້ງປະຕິບັດຄໍາສັ່ງເລກທີ 15/ນຍ ຢ່າງເຂັ້ມງວດ ແລະ ໄດ້ເຜີຍແຜ່ ເຊື່ອມຊຶມໃຫ້ຄະນະສະເພາະກິດຜັນຂະຫຍາຍໃຫ້ພະນັກ ງານ, ປະຊາຊົນ, ນັກທຸລະກິດ ຮັບຮູ້ ແລະ ຈັດຕັ້ງປະຕິບັດນິຕິ ກຳລຸ່ມຄໍາສັ່ງ 15 ເປັນຕົ້ນກວດ ກາ, ແກ້ໄຂການດຳເນີນທຸລະ ກິດໄມ້ຜິດກົດໝາຍຕິດພັນກັບການຄຸ້ມຄອງໂຮງງານ, ການປັບ ປຸງດັດສົມໂຮງງານ, ການປຸງແຕ່ງ, ການສົ່ງອອກຜະລິດຕະ ພັນໄມ້ໃຫ້ຖືກຕາມລະບຽບກົດ ໝາຍຢ່າງເຂັ້ມງວດ, ຮັດກຸມ; ພ້ອມດຽວກັນນີ້, ບັນດາຫົວໜ້າ ກົມ-ຮອງກົມກໍໄດ້ແລກປ່ຽນຄໍາ ເຫັນກັບຂະແໜງອຸດສາຫະ ກຳ ແລະ ການຄ້າຂັ້ນແຂວງ ແລະ ເມືອງ ພ້ອມທັງຕອບຂໍ້ຊັກຖາມເຈາະຈີ້ມກ່ຽວກັບຂໍ້ ຂາດຕົກບົກຜ່ອງໃນການຈັດ ຕັ້ງປະຕິບັດວຽກງານການຄ້າ ໃນໄລຍະຜ່ານມາ ເພື່ອນໍາໄປ ປັບປຸງແກ້ໄຂວຽກງານ ໃນຕໍ່ ໜ້າໃຫ້ດີຂຶ້ນກວ່າເກົ່າ.
ໂອກາດນີ້ ທ່ານນາງ ເຂັມມະນີ ພົນເສນາ ໄດ້ໂອ້ລົມໃຫ້ທິດຊີ້ນໍາພະນັກງານການນຳພະແນກອຸດສາຫະກໍາ ແລະ ການຄ້າຕັ້ງໜ້າປະຕິບັດຄໍາສັ່ງເລກທີ 15/ນຍ ໃຫ້ເຂັ້ມງວດ ເພື່ອແກ້ໄຂການດຳ ເນີນທຸລະກິດໄມ້ຜິດກົດໝາຍໃຫ້ຫຼຸດລົງ ຫຼື ບໍ່ ໃຫ້ມີເລີຍ ຍິ່ງເປັນການດີທີ່ສຸດ, ຮຽກຮ້ອງໃຫ້ ສືບຕໍ່ເຮັດແນວໃດ ເພື່ອໃຫ້ອໍານວຍຄວາມສະດວກທາງດ້ານການຄ້າ-ການບໍລິການອື່ນໆ ໃຫ້ມີຄວາມແກ້ງແຍ້ງແຂ່ງຂັນທຽບທັນກັບຊາດອື່ນ, ເອົາໃຈໃສ່ລະ ດົມນັກທຸລະກິດພາຍໃນ ແລະ ຕ່າງປະເທດເຂົ້າມາລົງທຶນໃນ ແຂວງຂອງຕົນໃຫ້ຫຼາຍຂຶ້ນ ກວ່າເກົ່າ, ເອົາໃຈໃສ່ປຸກລະ ດົມນັກທຸລະກິດ, ຜູ້ປະກອບການເຮັດແນວໃດຈະເຮັດໃຫ້ ການຜະລິດເປັນສິນຄ້າເພີ່ມຂຶ້ນ ແລະ ເປັນທີ່ຍອມຮັບ ແລະ ມີຄວາມຕ້ອງການຂອງຕະຫຼາດ ຫຼາຍຂຶ້ນ.
(ຂ່າວ-ພາບ: ພຸດທະສອນ)