ອັດຕະປື ປະດັບຫຼຽນ ແລະ ຍ້ອງຍໍຜົນງານດີເດ່ັນ ໃນງານວາງສະແດງສິນຄ້າ ຈີນ-ອາຊຽນ


...

30.08.2019 9:00     

   ເພື່ອສືບຕໍ່ປຸກລະດົມນ້ຳໃຈຮັກຊາດຕໍ່ບຸກຄົນ ແລະ ກົມກອງໃນແຂວງອັດຕະປືທີ່ໄດ້ປະກອບສ່ວນໃຫ້ການຈັດ ງານວາງສະແດງຈີນ-ອາຊຽນ ໃນຄັ້ງທີ 13 ປະຈຳປີ 2016 ຜ່ານມາ ທີ່ນະຄອນໜານໜິງ ເຂດປົກຄອງຕົນເອງເຜົ່າ ຈ້ວງກວາງຊີ ສປ ຈີນ ຊຶ່ງໃນວັນທີ 27 ສິງຫາຜ່ານມາທີ່ຮ້ານອາຫານ 3 ຊໍ ແຂວງອັດຕະ ປື ກະຊວງອຸດສາຫະກຳ ແລະ ການຄ້າຮ່ວມກັບຂະແໜງການ ກ່ຽວຂ້ອງ ໃນແຂວງອັດຕະປື ໄດ້ຈັດພິທີປະດັບຫຼຽນໄຊ ແຮງງານຊັ້ນ III, ຍ້ອງຍໍບຸກຄົນ ແລະ ກົມກອງຂອງລັດຖະ ບານທີ່ມີຜົນງານດີເດັ່ນໃນການປະກອບສ່ວນດ້ານເຫື່ອ ແຮງ, ສະຕິປັນຍາກະກຽມ ແລະ ເຂົ້າຮ່ວມວາງສະແດງ ສິນຄ້າຈີນ-ອາຊຽນໄດ້ຮັບຜົນ ສຳເລັດເປັນຢ່າງດີ ຊຶ່ງຜົນ ງານດັ່ງກ່າວເປັນການປະ ກອບສ່ວນອັນສຳຄັນໃນການພັດທະນາປະເທດຊາດ.
ທ່ານ ອຸນຫຼ້າ ໄຊຍະສິດ ຮອງເຈົ້າແຂວງອັດຕະປື ຜູ້ຮັບ ຜິດຊອບກອງເລຂາຂັ້ນແຂວງກ່ຽວກັບການກະກຽມເຂົ້າຮ່ວມງານສະເເດງສິນຄ້າ ຈີນ-ອາຊຽນ ໄດ້ຍົກໃຫ້ເຫັນວ່າ: ງານສະແດງສິນຄ້າສາກົນຈີນ-ອາຊຽນ ທີ່ ສປ ຈີນ ແມ່ນໄດ້ເປີດ ຂຶ້ນໃນລະຫວ່າງ ວັນທີ 11-14 ກັນຍາ 2016 ໃນນັ້ນ ແຂວງອັດຕະປືໄດ້ຮັບການຄົ້ນຄວ້າດ້ານທ່າເເຮງຂອງແຂວງ ເພື່ອປະກອບສ່ວນໂຄ ສະນາໃນຮູບຈຳລອງ ເຫັນວ່າໄດ້ຖືກຄັດເລືອກເປັນເມືອງແຫ່ງສະເໜ່ຂອງ ສປປ ລາວ ຢ່າງເປັນທາງການຈາກນັ້ນ ໄດ້ຖືກຮັບກຽດເຂົ້າຮ່ວມງານ ວາງສະແດງສິນຄ້າສາກົນ ຈີນ-ອາຊຽນ ຄັ້ງທີ 13, ຢູ່ໃນ ຫ້ອງວາງສະແດງແຫ່ງຊາດ ລາວໄດ້ຮັບການອອກແບບ ຢ່າງສວຍງາມ ແລະ ສະທ້ອນໃຫ້ເຫັນເຖິງສະຖາປະຕິຍະກຳທີ່ເປັນເອກະລັກຂອງແຂວງອັດຕະປືກໍຄື ສປປ ລາວ ຊຶ່ງໄດ້ກຳນົດເອົາການຈຳລອງອາຮາມວັດຫຼວງພະເຈົ້າໄຊຍະເສດຖາທິລາດ ເຫັນວ່າໄດ້ຮັບການຄັດເລືອກ ຈາກຄະນະກຳມະການ ແລະ ກອງເລຂາວາງສະແດງຈີນ-ອາຊຽນໃຫ້ລາງວັນຫ້ອງ ວາງສະແດງແຫ່ງຊາດເມືອງ ແຫ່ງສະເໜ່ດີເດັ່ນ ພ້ອມນີ້ ການວາງສະແດງສິນຄ້າ ແຂວງອັດຕະປື ມີຫຼາຍປະ ເພດໃນຈຳນວນ 63 ຮ້ານ ວາງສະແດງຍັງເປັນທີ່ສົນໃຈຂອງຫຼາຍໆຄົນທີ່ມາຢ້ຽມຢາມ ແລະ ຊື້ສິນຄ້າ ໂດຍ ສະເພາະແມ່ນຜະລິດຕະພັນໄມ້ແກະສະຫຼັກ ແລະ ເຟີນີເຈີ.ໃນງານສະແດງສິນຄ້າສາກົນ ຈີນ-ອາຊຽນຖືເປັນເວທີທີ່ສຳຄັນ ໃນການຮັດແໜ້ນສາຍພົວພັນ ແລະ ຮ່ວມມືລະຫວ່າງ ສປ ຈີນ ແລະ ອາຊຽນ ກັບ ສປປ ລາວ ເປັນການສານຕໍ່ສ້າງເຂດການຄ້າເສລີ ຈີນ-ອາຊຽນໃຫ້ປະກົດຜົນເປັນຈິງ ແລະ ເປັນໄປຕາມແຜນທີ່ໄດ້ກຳນົດໄວ້ ສະນັ້ນ ຜູ້ທີ່ມີຜົນງານດີເດັ່ນຂອງແຂວງ ອັດຕະປືທີ່ໄດ້ເຂົ້າຮ່ວມໃນງານວາງສະແດງສິນຄ້າ ຈີນ-ອາຊຽນແມ່ນໄດ້ຖືກບັນທຶກໄວ້ໃນປະຫວັດສາດແຫ່ງຊາດລາວ ຕະຫຼອດໄປ ຊຶ່ງໄດ້ ຮັບຫຼຽນໄຊອິດສະຫຼະຊັ້ນ III ມີ 4 ທ່ານ, ໄດ້ຮັບການຍ້ອງຍໍລັດຖະບານຈຳນວນ 5 ກົົມກອງຄື: ບໍລິສັດຄໍາທະນາ ພອນຄວັດແກະສະຫຼັກໄມ້ຄົບ ວົງຈອນ; ບໍລິສັດ ເຊັນເຈີລີ; ໂຮງງານປຸງແຕ່ງໄມ້ເມືອງພູ ວົງ; ບໍລິສັດບົວລະພາພັດທະ ນາກະສິກຳຂາອອກ-ຂາເຂົ້າຈຳກັດຜູ້ດຽວ ແລະ ບໍລິສັດ ເຄຫາພັນສິນ ພ້ອມນີ້ຍັງໄດ້ຮັບໃບຍ້ອງຍໍປະເພດບຸກຄົນດີເດັ່ນນຳອີກຈໍານວນ 11 ທ່ານ ຊຶ່ງເປັນກຽດມອບໂດຍມີທ່ານ ນາງ ເຂັມມະນີ ພົນເສນາ ກຳ ມະການສູນກາງພັກ ລັດຖະ ມົນຕີກະຊວງອຸດສາຫະກຳ ແລະ ການຄ້າ.
(ຂ່າວ: ມາລາທິບ)