8 ເດືອນ ດ່ານພາສີສາກົນນ້ຳເງິນ ສ້າງລາຍຮັບເຂົ້າ ງົບປະມານໄດ້ 165 ຕື້ກວ່າກີບ


...

13.09.2019 9:44     

   ທ່ານ ສອນເພັດ ຜົນວິຈິດ ຫົວໜ້າດ່ານພາສີສາກົນນ້ຳເງິນ ເມືອງເງິນ ແຂວງໄຊຍະບູລີ ໃຫ້ສຳພາດຕໍ່ນັກຂ່າວ ເມື່ອທ້າຍອາທິດຜ່ານມາ ພາຍໃຕ້ການຊີ້ນໍາໆພາຂອງຄະນະພັກ, ຄະນະກົມພາສີ, ຄະນະກອງຄຸ້ມຄອງ ພາສີ III ອຳນາດການປົກຄອງ ທ້ອງຖິ່ນ. ດ່ານພາສີສາກົນນ້ຳເງິນພວກເຮົາໄດ້ເອົາໃຈໃສ່ເພີ່ມ ທະວີການຊີ້ນໍາໆພາການຮ່ວມ ຊີວິດການເມືອງ, ປັບປຸງແບບ ແຜນວິທີເຮັດວຽກເປັນບັນຫາ ສຳຄັນ, ການຈັດຕັ້ງວຽກງານ ວິຊາສະເພາະ, ມີການປະສານ ສົມທົບກັບອຳນາດການປົກ ຄອງທ້ອງຖິ່ນ, ສາຍຕັ້ງ ແລະ ສາຍຂວາງ ໃນການລາຍງານ ຢ່າງເປັນປົກກະຕິ. ສະແດງ ອອກການຈັດຕັ້ງວຽກງານວິຊາສະເພາະກໍຄືການຈັດຕັ້ງປະຕິ ບັດ ໃນການຈັດເກັບລາຍຮັບ ພາສີ-ອາກອນ ແລະ ພັນທະ ອື່ນໆໃນ 8 ເດືອນຜ່ານມາປະຕິ ບັດໄດ້ 165 ຕື້ 932 ລ້ານກວ່າ ກີບ ທຽບໃສ່ແຜນການປີປະຕິ ບັດໄດ້ 56,34 % ທຽບໃສ່ໄລ ຍະດຽວກັນ 65,06% ຫຼຸດລົງ 8,52%. ລາຍຮັບສ່ວນໃຫຍ່ແມ່ນໄດ້ມາຈາກການນໍາເຂົ້າ ນໍ້າມັນເຊື້ອໄຟ, ເຄື່ອງກໍ່ສ້າງ, ເຄື່ອງອຸປະໂພກ, ເຄື່ອງບໍລິ ໂພກ, ຄ່າທຳນຽມຕ່າງໆ. ທ່ານຫົວໜ້າດ່ານພາສີສາ ກົນນ້ຳເງິນ ຍັງໃຫ້ຮູ້ອີກວ່າ: ສາ ເຫດທີ່ພາໃຫ້ການຈັດລາຍຮັບ ເຂົ້າງົບປະມານຫຼຸດແຜນການ ແມ່ນຍ້ອນການຂຶ້ນແຜນຮັບ ຮອງໂຕເລກລາຍຮັບຍັງບໍ່ທັນສອດຄ່ອງກັບຄວາມສາມາດຈັດເກັບຕົວຈິງ, ຜົນກະທົບຂອງການຫຼຸດຜ່ອນພາສີຈຳນວນ ໜຶ່ງ, ລາຄານ້ຳມັນເຊື້ອໄຟກໍຍັງມີການ ຜັນຜວນ. ທິດທາງສູ້ຊົນ 4 ເດືອນ ທ້າຍປີ 2019 ຄາດວ່າຈະສາ ມາດເກັບລາຍຮັບເຂົ້າງົບປະ ມານໃຫ້ໄດ້ 94 ຕື້ 230 ລ້ານກີບ. ສະເລ່ຍລາຍຮັບໝົດປີຈະໃຫ້ໄດ້ 260.162.133.800 ກີບ (ຂ່າວ-ພາບ: ອິນແປງ ແຫວນຄຳ)