ເພີ່ມທະວີການນຳໃຊ້ເຕັກໂນໂລຊີທັນສະໄໝ ເພື່ອຫັນເປັນອຸດສາຫະກຳ ແລະ ທັນສະໄໝ


...

16.09.2019 8:42     

   ທ່ານ ບໍ່ວຽງຄຳ ວົງດາລາ ລັດຖະມົນຕີກະຊວງວິທະ ຍາສາດ ແລະ ເຕັກໂນໂລຊີ (ກວຕ) ໄດ້ຖະແຫຼງຕໍ່ສື່ມວນຊົນ ໃນວັນທີ 13 ກັັນຍາຜ່ານມາ ກ່ຽວກັບກອງປະ ຊຸມສຳມະນາການຮ່ວມມືພັດ ທະນາອຸດສາຫະກຳເຕັກໂນໂລຊີລະດັບສູງ ລາວ-ຈີນ ຄັ້ງທີ I ປີ 2019 ທີ່ຈະເປີດຂຶ້ນລະຫວ່າງວັນທີ 11-16 ຕຸລາ ໜ້ານີ້ ທີ່ຫໍປະຊຸມແຫ່ງຊາດ ນະຄອນຫຼວງວຽງຈັນ. ກອງປະຊຸມຄັ້ງນີ້ ມີຫຼາຍກິດຈະກໍາ ທີ່ສຳຄັນເຊັ່ນ: ກອງປະຊຸມສຳມະນາ ກ່ຽວກັບການຮ່ວມມືພັດທະນາອຸດສາຫະກຳເຕັກໂນໂລຊີລະດັບສູງ ລາວ-ຈີນ ຄັ້ງທີ I, ກອງປະຊຸມວຽກງານວິທະຍາສາດ ແລະ ເຕັກໂນໂລຊີ ທົ່ວປະເທດ ຄັ້ງທີ III, ກອງປະຊຸມສຳມະນາລະດັບຊາດກ່ຽວກັບການພັດທະນາວິທະຍາສາດ ແລະ ເຕັກໂນໂລຊີ ໃນຍຸກອຸດສາຫະກຳ 4.0, ງານສະເຫຼີມສະຫຼອງສັບປະດາວິທະຍາສາດແຫ່ງຊາດ, ງານປະກວດແນວຄວາມຄິດສ້າງ ສັນສິ່ງປະດິດສ້າງ ແລະ ງານສະແດງຜົນງານການຄົ້ນ ຄວ້າ ແລະ ຜະລິດຕະພັນເຕັກໂນໂລຊີທີ່ທັນສະໄໝ. ກອງປະຊຸມສຳມະນາ ກ່ຽວກັບການຮ່ວມມືພັດທະ ນາອຸດສາຫະກຳເຕັກໂນໂລຊີລະດັບສູງ ລາວ-ຈີນ ຄັ້ງທີ I ຈັດຂຶ້ນ ໂດຍການຮ່ວມມືລະຫວ່າງກະຊວງວິທະຍາສາດ ແລະ ເຕັກໂນໂລຊີ ແລະ ຫ້ອງການຜູ້ຕາງໜ້າສະພາສົ່ງເສີມການ ຄ້າສາກົນ ສປຈີນ ຂະແໜງອຸດ ສາຫະກຳການກໍ່ສ້າງ ປະຈຳ ສປປ ລາວ, ບໍລິສັດທີ່ປຶກສາການລົງທຶນ ແລະ ກໍ່ສ້າງເຂື່ອນໄຟຟ້າຈຳກັດຜູ້ດຽວ (IHC)ແລະ ບໍລິສັດພັດທະນາວິທະ ຍາສາດເຕັກນິກປັກກິ່ງ ເຈີ່ນຕີ, ຜູ້ປະກອບການທຸລະກິດ, ບັນດາບໍລິສັດ ແລະ ຫ້າງຮ້ານຕ່າງໆຈາກພາຍໃນ ແລະ ຈາກຕ່າງປະເທດ ຊຶ່ງເປັນກອງປະ ຊຸມຮ່ວມມືກ່ຽວກັບການພັດ ທະນາເຂດເຕັກໂນໂລຊີ ຄັ້ງທໍາອິດ ຢູ່ ສປປ ລາວ ເປັນເຫດການປະຫວັດສາດທີ່ສໍາຄັນຂອງການຮ່ວມມືແລກປ່ຽນ ແລະ ເລືອກເຟັ້ນເອົາເຕັກໂນໂລຊີ ທີ່ກ້າວໜ້າທັນສະໄໝ ແລະ ເໝາະສົມ ເພື່ອດຶງດູດການລົງທຶນເຂົ້າໃນການພັດທະນາ ເຂດເຕັກໂນໂລຊີ ລະດັບສູງ ຢູ່ ສປປ ລາວ ປະກອບສ່ວນໃນການພັດທະນາພື້ນຖານໂຄງລ່າງດ້ານວິທະຍາສາດ ແລະ ເຕັກໂນໂລຊີໃຫ້ມີລັກສະນະເປັນລະບົບ ຄົບຊຸດ ເປັນຕົ້ນ ການຄົ້ນຄ້ວາ ແລະ ພັດທະນາ, ການເຜີຍແຜ່ສົ່ງເສີມການນໍາໃຊ້ຜົນການຄົ້ນຄ້ວາວິທະຍາ ສາດ ແລະ ເຕັກໂນໂລຊີ, ການພັດທະນາອຸດສາຫະກໍາການຜະລິດ, ການບໍລິການຕິດພັນກັບການພັດທະນາຊັບພະຍາ ກອນມະນຸດດ້ານວິທະ ຍາສາດ ແລະ ເຕັກໂນໂລຊີ ດ້ວຍການສ້າງສະຖາບັນການສຶກສາ,ສູນ ຝຶກອົບຮົມ, ການເຕົ້າໂຮມເອົາ ບັນດາເຕັກໂນໂລຊີທີ່ກ້າວ ໜ້າ ທັນສະໄໝທີ່ຕິດພັນກັບເຕັກໂນໂລຊີໃນແຕ່ລະຍຸກ (ອຸດສາຫະກໍາ 4.0), ແລະ ສູນວິທະຍາ ສາດ, ເຕັກໂນໂລຊີ ແລະ ນະວັດ ຕະກໍາຕ່າງໆເພື່ອສົ່ງເສີມຜະ ລິດຕະພັນທ້ອງຖິ່ນ. ໃນກອງປະ ຊຸມດັ່ງກ່າວ ຈະໄດ້ຈັດງານວາງ ສະແດງຜົນງານການຄົ້ນຄ້ວາ, ຜະລິດຕະພັນເຕັກໂນໂລຊີ, ການເລີ່ມກິດຈະການນະວັດຕະກໍາໃໝ່ (startup) ຈາກບັນດາມະຫາວິທະຍາໄລ, ສະຖາບັນ ຄົ້ນຄ້ວາ, ບັນດາກະຊວງ, ຂະ ແໜງການ, ຕ່າງປະເທດ ສປ ຈີນ, ປະເທດໄທ ປະມານ 100 ກ່ວາຮ້ານວາງສະແດງ (ບູດ) ຊຶ່ງຈະມີເຕັກໂນໂລຊີທີ່ທັນສະ ໄໝໃນຍຸກການພັດທະນາ ເຕັກ ໂນໂລຊີ 4.0 ຫຼື ອຸດສາຫະກຳ 4.0, ເປັນຕົ້ນເຕັກໂນໂລຊີ ຊີ ວະພາບ, ເຕັກໂນໂລ ຊີຂໍ້ມູນຂ່າວສານ ກໍຄືການນຳ ໃຊ້ເຕັກໂນໂລຊີ ດີຈີຕອນ Big data, Internet of thing (IOT) ແລະ ປັນຍາປະດິດ(AI). ໃນໄລຍະງານມະຫະກຳດັ່ງກ່າວນີ້,ຍັງຈະໄດ້ຈັດບັນດາກອງປະຊຸມເຊັ່ນ: ກອງປະຊຸມວຽກງານວິທະຍາສາດ ແລະ ເຕັກໂນໂລຊີ ທົ່ວປະເທດ ຄັ້ງ ທີ III, ກອງປະຊຸມສຳມະນາລະດັບຊາດກ່ຽວກັບການ ພັດທະນາວິທະຍາສາດ ແລະ ເຕັກໂນໂລຊີໃນຍຸກ 4.0 ເພື່ອ ເຜີຍແຜ່ຄວາມຮູ້ຄວາມໝາຍຄວາມສຳຄັນກ່ຽວກັບວຽກງານ ວິທະຍາສາດ ແລະ ເຕັກ ໂນໂລຊີ ໃນຍຸກອຸດສາຫະກໍາ 4.0 ໃຫ້ແກ່ບັນດາຂະແໜງການ, ພາກສ່ວນທຸລະກິດ ແລະ ນັກຮຽນນັກສຶກສາຈາກພາກສ່ວນຕ່າງໆ, ກອງປະຊຸມສຳມະນາກ່ຽວກັບ ການຮ່ວມມື ການຄົ້ນຄວ້າ ແລະໂຄງການແລກປ່ຽນທາງດ້ານວິ ທະຍາສາດ ແລະ ເຕັກໂນໂລຊີ ທີ່ສະໜັບສະໜູນໂດຍປະເທດຍີ່ປຸ່ນ, ງານສະເຫຼີມສະຫຼອງສັບປະດາວິທະຍາສາດແຫ່ງຊາດ, ງານປະກວດແນວຄວາມຄິດສ້າງສັນ ສິ່ງປະດິດ ແລະ ງານວາງສະແດງຜົນງານການຄົ້ນຄວ້າ ແລະ ຜະລິດຕະພັນເຕັກໂນໂລຊີທີ່ທັນສະໄໝ. ຂ້າພະເຈົ້າເຊື່ອໝັ້ນວ່າ ກອງປະຊຸມສຳມະນາ ແລະ ການວາງສະແດງເຕັກໂນໂລຊີ ຄັ້ງນີ້ ຈະເປັນເວທີແລກປ່ຽນການຮ່ວມມືທາງດ້ານການຄົ້ນຄ້ວາ ແລະ ເປັນເວທີການຮ່ວມມືລົງທຶນທາງດ້ານວິທະຍາ ສາດ ແລະ ເຕັກໂນໂລຊີ ລະຫວ່າງພາກລັດ, ເອກະຊົນ, ສະຖາບັນຄົ້ນຄ້ວາ, ມະຫາວິທະຍາໄລ, ພາກທຸລະກິດ ແລະ ຜູ້ປະກອບການ ທັງພາຍໃນ ແລະ ຕ່າງປະ ເທດ ແນໃສ່ສົ່ງເສີມການນຳໃຊ້ເຕັກໂນໂລຊີລະດັບສູງ ເຂົ້າໃນການຊຸກຍູ້ການພັດທະນາເສດຖະກິດ-ສັງຄົມ ຢູ່ ສປປ ລາວ ເຮັດໃຫ້ວຽກງານວິທະຍາສາດ ແລະ ເຕັກໂນໂລຊີ ເປັນກຳ ລັງຂັບເຄື່ອນທີ່ເຂັ້ມແຂງປະ ກອບສ່ວນເຂົ້າໃນການພັດທະ ນາເສດຖະກິດ - ສັງຄົມ, ເປົ້າ ໝາຍການພັດທະນາຂອງປະ ເທດ ການຫັນເປັນອຸດສາຫະກຳ ແລະ ທັນສະ ໄໝ, ການແກ້ໄຂຄວາມທຸກຍາກ ແລະ ບັນລຸເປົ້າໝາຍການພັດທະນາແບບຍືນຍົງSDGs. ຂ້າພະເຈົ້າຂໍເຊີນຊວນບັນດາຂະແໜງການພາກລັດ, ສະຖາບັນຄົ້ນຄ້ວາ, ສະຖາບັນການສຶກສາ, ມະຫາວິທະຍາໄລ, ພາກທຸລະກິດ ເອກະຊົນ ແລະ ຜູ້ປະກອບການ ທັງພາຍໃນ ແລະ ຕ່າງປະເທດປະກອບສ່ວນ ເຂົ້າຮ່ວມໃນງານມະຫະກໍາວິທະຍາສາດ ແລະ ເຕັກໂນໂລຊີ ເປັນຕົ້ນງານວາງສະແດງຜົນງານຂອງການຄົ້ນຄ້ວາ ແລະ ຜະລິດຕະພັນເຕັກໂນໂລຊີ ທີ່ທັນສະໄໝ ຢ່າງຟົດຟື້ນ.