ອັດຕະປື ຍັງຕ້ອງການຄວາມຊ່ວຍເຫຼືອເພື່ອແກ້ໄຂຊີວິດການເປັນຢູ່ ຂອງປະຊາຊົນ


...

16.09.2019 9:06     

   ໃນວັນທີ 12 ກັນຍາຜ່ານມາ ທ່ານ ວຽງໄຊ ໄຊສົມບັດ ຫົວໜ້າຫ້ອງການແຂວງອັດຕະປືໄດ້ແຈ້ງໃຫ້ຮູ້ວ່າ: ແຂວງອັດຕະປືແມ່ນໄດ້ຮັບຜົນກະທົບຈາກພາຍຸດີເປຣເຊິນ ແຕ່ວັນ 3-5 ກັນຍາເປັນຕົ້ນມາ ຊຶ່ງເປັນສາເຫດເຮັດໃຫ້ແມ່ນ້ຳເຊກອງ ແລະ ແມ່ນ້ຳອື່ນໆໄຫຼນອງຖ້ວມບ້ານເຮືອນຂອງປະຊາຊົນໃນ 5 ເມືອງ, 86 ບ້ານ, 13.323 ຄອບຄົວ ໂດຍໄດ້ສ້າງຄວາມເສຍຫາຍຢ່າງຫຼວງຫຼາຍຕໍ່ຊີວິດການເປັນຢູ່ຂອງປະຊາຊົນ. ຕໍ່ບັນຫາດັ່ງກ່າວອົງການກາແດງແຂວງອັດຕະປື ກໍໄດ້ປະສານສົມທົບກັບຄະນະກຳ ມະການໄພພິບັດຂັ້ນແຂວງ, ພະແນກແຮງງານ-ສະຫວັດດີການສັງຄົມແຂວງ ແລະ ໄດ້ຈັດສົ່ງເຮືອໄປຍົກຍ້າຍປະຊາ ຊົນອອກຈາກເຂດນ້ຳຖ້ວມມາຢູ່ທີ່ເຂດປອດໄພ ແລະ ຂົນເຄື່ອງຂອງໄດ້ 30 ຄອບຄົວ ໃນລະຫວ່າງວັນທີ 4-5 ກັນຍາ 2019 ແລະ ເຝົ້າລະວັງ ຕະຫຼອດ 24 ຊົ່ວ ໂມງ , ຕັ້ງຈຸດຮັບເຄື່ອງບໍລິຈາກ ຈາກບັນດາພໍ່ແມ່ປະ ຊາຊົນ ແມ່ຄ້າຊາວຂາຍ ນັກທຸ ລະກິດກັບພະແນກແຮງງານແຂວງ ໄດ້ຈຳນວນຫຼວງ ຫຼາຍແຕ່ບໍພຽງພໍ, ເກັບກໍາຂໍ້ມູນຜົນເສຍຫາຍຈາກພະແນກການກ່ຽວຂ້ອງແຂວງ ເຊັ່ນ: ພະແນກ ແຮງງານແຂວງ ແລະ ໜ່ວຍງານອື່ນໆ, ນອກນັ້ນຍັງເຂົ້າຮ່ວມປະຊຸມກັບຄະ ນະກຳມະການໄພພິບັດຂັ້ນແຂວງ ເພື່ອຕິດ ຕາມ ແລະ ວາງແຜນຮັບມື. ໃນປັດຈຸບັນນີ້ກາແດງ ແຂວງ ອັດຕະປືຍັງມີຄວາມຕ້ອງ ການອັນຮີບດ່ວນ ແລະ ຈໍາເປັນເພື່ອ ແກ້ໄຂຊີວິດການເປັນຢູ່ຂອງປະຊາຊົນສິ່ງສຳຄັນແມ່ນເຂົ້າ ສານ 150 ໂຕນ, ອາຫານແຫ້ງ, ມຸ້ງ, ສາດ, ຜ້າຫົ່ມ ແລະ ອື່ນໆ.