ຮອງປະທານ ສນຊ ຕ້ອນຮັບຄະນະຜູ້ແທນມາເລເຊຍ

...

28.10.2019 9:00     

   ທ່ານ ຈັນທະວົງ ແສນອາມາດມົນຕີ ຮອງປະທານສູນກາງແນວລາວສ້າງຊາດ (ສນຊ) ໄດ້ຕ້ອນຮັບການເຂົ້າຢ້ຽມຂ່ຳນັບຂອງທ່ານ Francis Phee ຫົວໜ້າເຈົ້າໜ້າທີ່ທາງການ ບໍລິສັດ Endeq Limited Holdings ພ້ອມດ້ວຍຄະນະ ເມື່ອວັນທີ 24 ຕຸລາຜ່ານມານີ້, ທ່ີ ສນຊ. ທ່ານຮອງປະທານ ສນຊ ໄດ້ສະແດງຄວາມຍິນດີຕ້ອນ ຮັບອັນອົບອຸ່ນຕໍ່ ທ່ານ Francis Phee ພ້ອມດ້ວຍຄະນະ ທີ່ມາຢ້ຽມຢາມ ສປປ ລາວ ໃນຄັ້ງ ນີ້ ຊຶ່ງເປັນການປະກອບສ່ວນອັນສຳຄັນຕໍ່ການເພີ່ມທະວີຄວາມສາມັກຄີມິດຕະພາບ ແລະ ການຮ່ວມມືລະຫວ່າງ ສປປ ລາວ-ມາເລເຊຍ ໂດຍສະເພາະແມ່ນນັກທຸລະກິດມາເລເຊຍມາລົງທຶນຢູ່ລາວ. ໂອກາດນີ້, ທ່ານ Francis Phee ໄດ້ສະແດງຄວາມຂອບໃຈເປັນຢ່າງຍິ່ງຕໍ່ ທ່ານ ຈັນທະວົງ ແສນອາມາດມົນຕີ ທີ່ໄດ້ຕ້ອນຮັບຢ່າງອົບອຸ່ນ ແລະ ໄດ້ແຈ້ງຈຸດປະສົງການມາ ຢ້ຽມ ຢາມ ສປປ ລາວ ໃນຄັ້ງນີ້ ໃຫ້ທ່ານ ຮອງປະທານ ສນຊ ໄດ້ຮັບຊາບ ພ້ອມກັນນີ້, ກໍໄດ້ມີການປຶກສາຫາລື ກ່ຽວກັບວຽກງານການຄ້າ ແລະ ການລົງທຶນ ຕື່ມອີກ. (ຂ່າວ-ພາບ: ສນຊ) ອັດຕະປື-ກອນຕູມ ສືບຕໍ່ຊອກຄົ້ນອັດຖິທະຫານອາສາສະໝັກ ແລະ ຊ່ຽວຊານຫວຽດນາມ ກອງປະຊຸມຜ່ານແຜນ ການປະສານສົມທົບຊອກຫາ, ຂຸດຄົ້ນອັດຖິທະຫານອາສາ ສະໝັກ ແລະ ຊ່ຽວຊານຫວຽດ ນາມ ທີ່ເສຍສະຫຼະຊີວິດໃນປາງ ສົງຄາມຢູ່ແຂວງອັດຕະປືປະ ຈຳສົກປີ 2019-2020 ໄດ້ຈັດ ຂຶ້ນໃນວັນທີ 22 ຕຸລາຜ່ານມາ ຢູ່ຫ້ອງປະຊຸມກອງບັນຊາການທະຫານແຂວງອັດຕະປື ໂດຍໃຫ້ກຽດເຂົ້າຮ່ວມຂອງ ທ່ານ ອຸ່ນຫຼ້າ ໄຊຍະສິດ ຮອງເຈົ້າແຂວງ ຫົວໜ້າຄະນະປະຕິບັດງານພິເສດແຂວງອັດຕະປື ສປປ ລາວ, ມີທ່ານ ພັອ ໂຮ່ແອັງຕ໋ວນ ຫົວໜ້າການເມືອງ ກອງບັນຊາການທະຫານແຂວງກອນຕູມ ສສ ຫວຽດນາມ ພ້ອມດ້ວຍຄະນະທັງສອງຝ່າຍເຂົ້າຮ່ວມ. ໃນກອງປະຊຸມ ທ່ານ ພັອ ໂຊກໄຊ ພິມມະລາ ເລຂາຄະນະພັກຮາກຖານກອງບັນ ຊາການ ຫົວໜ້າການເມືອງກອງບັນຊາການທະຫານແຂວງໄດ້ຜ່ານແຜນການເຄື່ອນໄຫວ, ຂຸດຄົ້ນອັດຖິທະຫານອາສາສະໝັກ ແລະ ຊ່ຽວຊານຫວຽດ ນາມ ທີ່ເສຍສະຫຼະຊິວິດໃນປາງສົງຄາມຢູ່ແຂວງອັດຕະປື ປະຈຳສົກປີ 2019-2020. ອີງຕາມເນື້ອໃນບົດບັນທຶກກອງປະຊຸມ ຄັ້ງທີ 24 ລະຫວ່າງຄະນະປະຕິບັດງານພິເສດ ລັດຖະບານແຫ່ງ ສປປ ລາວ ແລະ ຄະນະປະຕິບັດງານພິເສດລັດຖະບານແຫ່ງ ສສ ຫວຽດນາມ, ໄດ້ລົງນາມໃນຄັ້ງວັນທີ 2 ກໍລະກົດ 2019, ທີ່ນະຄອນ-ຫຼວງພະບາງ ສປປ ລາວ. ກ່ຽວກັບວຽກງານສືບຕໍ່ຊອກຫາຂຸດຄົ້ນ ແລະ ເຄື່ອນຍ້າຍອັດຖິທະຫານອາສາສະ ໝັກ ແລະ ຊ່ຽວຊານຫວຽດ ນາມ ທີ່ເສຍສະຫຼະຊີວິດໃນປາງສົງຄາມຢູ່ລາວກັບຄືນປະເທດ. ໃນການພົວພັນຮ່ວມມືຂອງທັງສອງຝ່າຍຄັ້ງນີ້ສືບຕໍ່ປະສານສົມທົບຮ່ວມມືໃຫ້ແໜ້ນແຟ້ນ ໂດຍສະເພາະແມ່ນກອງປະຕິບັດງານພິເສດ ກາ 53 (K53) ທີ່ມາປະຕິບັດໜ້າທີ່ຢູ່ແຂວງອັດຕະປື. ສືບຕໍ່ເອົາໃຈໃສ່ໃນການຊອກຫາຂໍ້ມູນແຫຼ່ງຂ່າວຫຼຸມຝັງສົບຈາກທ້ອງຖິ່ນ ແລະ ຮາກຖານປະຊາຊົນບັນ ດາເຜົ່າຂະແໜງການ ແລະ ບັນ ດາຫົວໜ່ວຍທຸລະກິດຕ່າງໆ ໃຫ້ມີສ່ວນຮ່ວມໃນການເກັບ ກຳຂໍ້ມູນ, ປ້ອນແຫຼ່ງຂ່າວໃຫ້ ລະອຽດຊັດເຈນຂຶ້ນຕື່ມ, ສືບ ຕໍ່ປະສານສົມທົບພົວພັນແລກ ປ່ຽນບົດຮຽນຊຶ່ງກັນ ແລະ ກັນລະຫວ່າງຄະນະປະຕິບັດງານພິເສດແຂວງອັດຕະປື ກັບຄະ ນະປະຕິບັດງານພິເສດຂອງກອນຕູມ ໃຫ້ຕໍ່ເນື່ອງ ແລະ ມີປະສິດທິຜົນສູງ. ບັນດາພື້ນທີ່ ຈຸດສຸມທີ່ຈະຕ້ອງໄດ້ຊອກຫາ ແລະ ຂຸດຄົ້ນໃນຄັ້ງນີ້ມີ 5 ເມືອງ, 10 ກຸ່ມບ້ານ ແລະ 22 ບ້ານ ເຂດພັດທະນາວັງຕັດ. ຄາດໝາຍສູ້ຊົນໃນສົກປີ 2019-2020 ການຊອກຄົ້ນໃຫ້ສາມາດບັນລຸໄດ້ 1-3 ສົບ.ຈາກນັ້ນກອງປະຊຸມທັງສອງຝ່າຍໄດ້ລົງນາມເຊັນບົດບັນທຶກຮ່ວມກັນໃນການຈັດຕັ້ງປະຕິບັດເຄື່ອນໄຫວວຽກງານດັ່ງກ່າວ. ໃນໂອກາດນີ້, ທ່ານ ພັອ ໂຮ່ແອັງຕ໋ວນ ໄດ້ຕາງໜ້າໃຫ້ຄະນະພັກ-ຄະນະນຳ ແຂວງກອນຕູມມອບເງິນຈຳນວນ 500 ລ້ານດົງ, ຊ່ວຍເຫຼືອຜູ້ປະສົບໄພພິບັດນ້ຳຖ້ວມຢູ່ແຂວງອັດຕະປືຕື່ມອີກ. (ຂ່າວ-ພາບ: ຂ. ອັດຕະປື)