ດາໜັງ ຊ່ວຍສ້າງປະຕູໂຂງ, ເຮືອນພັກ ໃຫ້ໂຮງຮຽນ ການທະຫານສາລະວັນ

...

01.11.2019 9:13     

  ພິທີມອບ-ຮັບ ແລະ ເປີດນຳໃຊ້ປະຕູໂຂງ, ເຮືອນພັກປ້ອງ ກັນໃຫ້ໂຮງຮຽນການທະຫານ ທ້ອງຖິ່ນແຂວງສາລະວັນ, ໄດ້ຈັດຂຶ້ນໃນວັນທີ 29 ຕຸລາຜ່ານມາ ທີ່ໂຮງຮຽນດັ່ງກ່າວ ໂດຍການເຂົ້າຮ່ວມຂອງສະຫາຍ ພົນຈັດຕະວາ ພູວຽງ ລ່ຽມມະວົງສາ ຄະນະປະຈຳພັກແຂວງ ເລຂາຄະນະພັກ ຫົວໜ້າການທະຫານກອງບັນຊາການທະຫານແຂວງສາລະວັນ ແລະ ສະຫາຍ ພັນເອກ ດ່ວານ ຢຸຍ ເຕິນ ຮອງເລ ຂາຄະນະປະຈຳພັກ ຫົວໜ້າການເມືອງທະຫານນະຄອນດາໜັງ ສສ ຫວຽດນາມ ພ້ອມຄະນະເຂົ້າຮ່ວມ. ສະຫາຍ ພັນຕີ ພອນແກ້ວ ແຫຼມສິງທອງ ຄະນະພັກຮາກຖານ ຮອງຫ້ອງພະລາທິການ ທະຫານ ແຂວງສາລະວັນ ໄດ້ລາຍງານໃຫ້ຮູ້ວ່າ: ໂຄງການກໍ່ ສ້າງປະຕູໂຂງ ແລະ ເຮືອນພັກປ້ອງກັນໂຮງຮຽນການທະຫານທ້ອງຖິ່ນໄດ້ເລີ່ມລົງມືກໍ່ສ້າງມາ ແຕ່ວັນທີ 20 ພຶດສະພາ 2019 ແລະ ໄດ້ສຳເລັດ 100% ໃນ ວັນທີ 10 ຕຸລາ 2019 ໂດຍແມ່ນທຶນຊ່ວຍເຫຼືອຈາກກອງບັນຊາການທະຫານນະຄອນດາໜັງ ສສ ຫວຽດນາມ, ເຮືອນພັກປ້ອງກັນເປັນອາຄານຊັ້ນດຽວ ໂຄງສ້າງເບຕົງເສີມເຫຼັກ, ແບບຖາວອນຄົບຊຸດ, ປະກອບມີ 2 ຫ້ອງນອນໃຫຍ່, ມີລະບົບໄຟຟ້າ-ນໍ້າປະປາຄົບຊຸດ ແລະ ປະຕູໂຂງຂະໜາດ 4,5x17 ແມັດ, ໂຄງສ້າງເບຕົງເສີມເຫຼັກ, ມີ 3 ຫ້ອງຍາມ, ປະຕູເຂົ້າ-ອອກ 2 ທາງ ລວມມູນຄ່າການກໍ່ສ້າງທັງໝົດ 1 ຕື້ກວ່າກີບ ຊຶ່ງແມ່ນບໍລິສັດດາວເຮືອງເປັນຜູ້ຮັບເໝົາກໍ່ສ້າງ. ໃນໂອກາດນີ້, ສະຫາຍພັນ ເອກ ດ່ວານຢຸຍເຕິນ ກໍໄດ້ ກ່າວມອບ ແລະ ກ່າວຮັບໂດຍ ສະຫາຍ ພົນຈັດຕະວາ ພູວຽງ ລ່ຽມມະວົງສາ ພ້ອມທັງກ່າວສະແດງຄວາມຂອບອົກຂອບ ໃຈຢ່າງສູງຕໍ່ຄະນະຜູ້ແທນກອງບັນຊາການທະຫານນະຄອນດາໜັງ ສສ ຫວຽດນາມ ທີ່ໄດ້ ໃຫ້ການຊ່ວຍເຫຼືອ ໃນຄັ້ງນີ້ ແລະ ມອບຕໍ່ໃຫ້ໂຮງຮຽນການທະຫານທ້ອງຖິ່ນເປັນຜູ້ນຳໃຊ້ ແລະ ປົກປັກຮັກສາ. ໂອກາດດຽວກັນນັ້ນ, ສະ ຫາຍ ພັນເອກ ດ່ວານຢຸຍເຕິນ ພ້ອມຄະນະໄດ້ເຄື່ອນໄຫວຢ້ຽມ ຢາມ ແລະ ມອບເງິນຊ່ວຍເຫຼືອໃຫ້ແກ່ຄອບຄົວພະນັກງານ ທະຫານ ຈຳນວນ 5 ຄອບຄົວ ໂດຍມອບເງິນໃຫ້ຄອບຄົວລະ 10 ລ້ານດົງ (ສະກຸນເງິນຫວຽດ ນາມ). (ຂ່າວ: ວິໄລວອນ ສິດທິໄຊ, ພາບ: ຖາວອນ)