ພິທີມອບ - ຮັບເງິນເຂົ້າໂຄງການທຳມະຍາດຕາ 5 ແຜ່ນດິນ

...

01.11.2019 9:13     

  ສູນກາງແນວລາວສ້າງຊາດ (ສນຊ) ໄດ້ຈັດພິທີມອບ-ຮັບເງິນ ຈໍານວນ 40 ລ້ານກີບ, ເພື່ອນໍາໃຊ້ເຂົ້າໃນໂຄງການທໍາມະຍາດຕາ 5 ແຜ່ນດິນລຸ່ມແມ່ນໍ້າຂອງຂຶ້ນໃນວັນທີ 26 ຕຸລາຜ່ານມາ ໂດຍການກ່າວມອບຂອງທ່ານ ນາງ ວຽງສະໄໝ ຜູ້ ຕາງໜ້າ ບໍລິສັດ ລາວລໍ້ແອນ ຄອນເຊົາແຕນຊີກຣຸບ ແລະ ກ່າວຮັບໂດຍທ່ານ ນາງ ຄໍາຈັນ ພົມແສງສະຫວັນ ຮອງປະທານ ສູນກາງແນວລາວສ້າງຊາດ, ມີພະນັກງານທີ່ກ່ຽວຂ້ອງທັງສອງຝ່າຍເຂົ້າຮ່ວມ. ທ່ານຮອງປະທານສູນກາງແນວລາວສ້າງຊາດ ໄດ້ກ່າວສະແດງຄວາມຂອບໃຈເປັນຢ່າງສູງຕໍ່ທ່ານຜູ້ຕາງໜ້າ ບໍລິສັດ ລາວລໍ້ແອນ ຄອນເຊົາແຕນຊີກຣຸບ ທີ່ມີນໍ້າໃຈເອື້ອ ເຟື້ອເຜື່ອແຜ່ໃຫ້ການອຸປະຖໍາ ແລະ ເຫັນໄດ້ຄວາມສໍາຄັນຂອງວຽກງານດັ່ງກ່າວ ຊຶ່ງເງິນຈໍານວນດັ່ງກ່າວແມ່ນນໍາໄປໝູນໃຊ້ເຂົ້າໃນກິດຈະກໍາຕ່າງໆຂອງໂຄງການທໍາມະຍາດຕາ 5 ແຜ່ນດິນລຸ່ມແມ່ນໍ້າຂອງໃຫ້ເກີດຜົນປະໂຫຍດສູງສຸດ. (ຂ່າວ-ພາບ: ສນຊ)