ຮອງປະທານ ສນຊ ພົບປະໂອ້ລົມ ປະຊາຊົນ ບ້ານຊຽງດາ

...

01.11.2019 9:13     

  ທ່ານ ເຍ່ຍເກີຢ່າ ໜໍຈໍຈົງຕົວ ຮອງປະທານສູນກາງແນວລາວສ້າງຊາດ (ສນຊ) ໄດ້ເຄື່ອນໄຫວຢ້ຽມຢາມ ແລະ ພົບປະໂອ້ລົມປະຊາຊົນບ້ານຊຽງດາ ເມືອງໄຊເສດຖາ ນະຄອນຫຼວງວຽງຈັນ, ເປັນກຽດເຂົ້າຮ່ວມມີທ່ານ ບຸນທ່ຽງ ຂຸນສີ ຄະນະປະຈຳພັກ ປະທານແນວລາວສ້າງຊາດ ນະຄອນຫຼວງວຽງຈັນ ເມື່ອວັນທີ 29 ຕຸລາຜ່ານມາ. ໂອກາດນີ້, ທ່ານຮອງປະ ທານ ສນຊ ໄດ້ເຂົ້າພົບປະຄະ ນະພັກ, ຄະນະປະຈຳຂອງເມືອງ ຊຶ່ງໄດ້ຮັບຟັງການລາຍງານ ການ ເຄື່ອນໄຫວວຽກງານແນວລາວ ສ້າງຊາດຂອງເມືອງ ໃນໄລຍະຜ່ານມາ ໂດຍຫຍໍ້ຈາກ ທ່ານ ຄຳສະຫວັນ ໂຄດໄສ ຮອງເລຂາພັກເມືອງ ຮອງເຈົ້າເມືອງໆໄຊເສດຖາ ພ້ອມກັນນີ້, ທ່ານ ເຍ່ຍເກີຢ່າ ໜໍຈໍຈົງຕົວ ພ້ອມຄະນະໄດ້ໄປຢ້ຽມຢາມປະຊາ ຊົນ ບ້ານຊຽງດາ ແລະ ໄດ້ຮັບ ຟັງການລາຍງານກ່ຽວກັບຜົນ ງານການເຄື່ອນໄຫວວຽກງານ ໃນໄລຍະຜ່ານມາຂອງບ້ານໂດຍຫຍໍ້ ຈາກທ່ານ ພັນໂທ ອຸທອນ ວິໄລສັກ ຮອງຫົວໜ້າກອງບັນຊາການທະຫານເມືອງໄຊເສດຖາ ທັງເປັນເລຂາພັກບ້ານນາຍບ້ານ ບ້ານຊຽງດາ ຊຶ່ງ ທ່ານໄດ້ຍົກໃຫ້ເຫັນວ່າ: ໃນໄລ ຍະຜ່ານອົງການປົກຄອງບ້ານ ໄດ້ຈັດຕັ້ງເຜີຍແຜ່ແນວທາງນະ ໂຍບາຍຂອງພັກ, ລະບຽບກົດ ໝາຍຂອງລັດໃຫ້ປະຊາຊົນໄດ້ຮັບຮູ້ ແລະ ເຂົ້າໃຈຢ່າງເລິກເຊິ່ງ, ໄດ້ຈັດຕັ້ງປະຕິບັດວຽກງານຕາມ 4 ເນື້ອໃນ 4 ຄາດໝາຍ, ເຮັດຕາມພາລະບົດບາດ, ສິດ ແລະ ໜ້າທີ່ຂອງຄະນະບ້ານ ແລະ ໄດ້ເອົາໃຈໃສ່ຊີ້ນຳ-ນຳ ພາປັບປຸງແບບແຜນວິທີເຮັດວຽກຂອງອົງການປົກຄອງບ້ານ, ເຕົ້າໂຮມຄວາມສາມັກຄີປອງດອງ ແລະ ປຸກລະດົມປະຊາ ຊົນບັນດາເຜົ່າໃຫ້ຮັກສາວັດ ທະນະທຳຮີດຄອງປະເພນີອັນດີງາມຂອງແຕ່ລະເຜົ່າ. ໃນໂອກາດນີ້, ທ່ານຮອງ ປະທານ ສນຊ ສະແດງຄວາມ ຍ້ອງຍໍຊົມເຊີຍຕໍ່ຜົນງານການ ເຄື່ອນໄຫວຂອງເມືອງ ແລະ ບ້ານ ໃນໄລຍະຜ່ານມາ ແລະ ທ່ານໄດ້ມີບາງຄຳເຫັນໂອ້ລົມ ຕື່ມວ່າ: ໃຫ້ສືບຕໍ່ຈັດຕັ້ງເຜີຍ ແຜ່ແນວທາງນະໂຍບາຍຂອງພັກ, ລະບຽບກົດໝາຍຂອງລັດ ແລະ ເລົ່າມູນເຊື້ອວັນສຳຄັນຕ່າງໆຂອງພັກ, ຂອງລັດ, ຂອງຊາດ ໃຫ້ປະຊາຊົນ ແລະ ລູກຫຼານໄດ້ຮັບຮູ້, ເຂົ້າໃຈຢ່າງເລິກ ເຊິ່ງ ແລະ ກວ້າງຂວາງຂຶ້ນຕື່ມ; ສືບຕໍ່ສົ່ງເສີມໃຫ້ປະຊາຊົນບັນ ດາເຜົ່າປົກປັກຮັກສາວັດທະນະ ທຳຮີດຄອງປະເພນີອັນດີງາມ ຂອງແຕ່ລະເຜົ່າ. ພະນັກງານແນວລາວສ້າງຊາດບ້ານໃຫ້ຄົ້ນ ຄວ້າບັນດາວຽກງານຂອງແນວລາວສ້າງຊາດ ເປັນຕົ້ນແມ່ນວຽກງານສາສະໜາ, ວຽກງານຊົນເຜົ່າ ແລະ ວຽກງານຊັ້ນຄົນ ອົງການຈັດຕັ້ງສັງຄົມໃຫ້ສາ ມາດກຳແໜ້ນ, ເຂົ້າໃຈຕໍ່ວຽກງານຂອງແນວລາວສ້າງຊາດ ແລະ ເປັນໃຈກາງເຕົ້າໂຮມຄວາມ ສາມັກຄີພາຍໃນບ້ານໃຫ້ເປັນປຶກແຜ່ນແໜ້ນໜາ, ມີການຊ່ວຍເຫຼືອຊຶ່ງກັນ ແລະ ກັນ; ໃຫ້ເອົາໃຈໃສ່ໃນການຈັດຕັ້ງປະ ຕິບັດຂະບວນການສ້າງຄອບ ຄົວ ແລະ ບ້ານສາມັກຄີປອງ ດອງ, ຊຸກຍູ້ປະຊາຊົນທຳການຜະລິດກະສິກຳເປັນສິນຄ້າສົ່ງອອກສູ່ຕະຫຼາດ, ເອົາໃຈໃສ່ຕໍ່ ວຽກງານສິ່ງແວດລ້ອມເປັນຕົ້ນ ບໍ່ຖິ້ມ ແລະ ຈູດຂີ້ເຫຍື້ອຊະຊາຍ, ສົ່ງເສີມໃຫ້ລູກຫຼານເຂົ້າໂຮງ ຮຽນຕາມເກນອາຍຸ, ເປັນເຈົ້າການເກັບກຳຫາງສຽງຂອງປະ ຊາຊົນ, ຊ່ວຍກັນສະກັດກັ້ນ ແລະ ຕ້ານປະກົດການຫຍໍ້ທໍ້ຕ່າງໆທີ່ເກີດຂຶ້ນໃນສັງຄົມໃຫ້ຫຼຸດໜ້ອຍຖອຍລົງເປັນກ້າວໆ. (ຂ່າວ-ພາບ: ສນຊ)