ອົງການຈັດຕັ້ງກຳມະບານລາວທຸກຂັ້ນ ຈົ່ງເພີ່ມທະວີຄວາມສາມັກຄີເປັນປຶກແຜ່ນ

...

05.11.2019 9:06     

  ກອງປະຊຸມເປີດກວ້າງຄົບຄະນະບໍລິຫານງານສູນກາງສະຫະພັນກຳມະບານລາວ (ສກລ) ຄັ້ງທີ 5 ສະໄໝທີ VII ໄດ້ຈັດຂຶ້ນເມື່ອວັນທີ 4 ພະຈິກນີ້, ທີ່ສຳນັກງານ ສກລ ພາຍໃຕ້ການເປັນປະທານຂອງ ທ່ານ ປ້ານ ນ້ອຍມະນີ ກຳມະການສູນກາງພັກ ປະທານສູນກາງສະຫະພັນກຳມະບານລາວ ໂດຍໃຫ້ກຽດເຂົ້າຮ່ວມຂອງ ທ່ານ ບຸນທອງ ຈິດມະນີ ກຳ ມະການກົມການເມືອງສູນກາງພັກ ຄະນະເລຂາທິການສູນກາງພັກ ຮອງນາຍົກລັດຖະມົນຕີ ປະທານຄະນະກວດກາສູນກາງພັກ ແລະ ອົງການກວດກາລັດຖະບານ ຫົວໜ້າອົງການຕ້ານການສໍ້ລາດບັງຫຼວງຂັ້ນສູນກາງ, ມີຄະນະບໍລິຫານງານສູນກາງສະຫະພັນກຳມະບານລາວ, ປະທານສະຫະພັນກຳມະບານກະຊວງ, ອົງການ, ແຂວງ ແລະ ນະຄອນຫຼວງວຽງຈັນເຂົ້າຮ່ວມ. ກອງປະຊຸມຄັ້ງນີ້ໄດ້ສະ ຫຼຸບການຈັດຕັ້ງປະຕິບັດມະຕິກອງປະຊຸມຄົບຄະນະບໍລິຫານງານສູນກາງສະຫະພັນກຳມະ ບານລາວຄັ້ງທີ 4 ສະໄໝທີ VII, ວາງທິດທາງແຜນການປີ 2020, ຜ່ານຮ່າງບົດສຳຫຼວດການນຳພາຂອງຄະນະບໍລິຫານງານສູນກາງສະຫະພັນກຳມະ ບານລາວ, ຮ່າງບົດລາຍງານການເມືອງກອງປະຊຸມໃຫຍ່ຜູ້ແທນສະຫະພັນກຳມະບານລາວທົ່ວປະເທດ ຄັ້ງທີ VIII, ຮ່າງຍຸດທະສາດ ແລະ ແຜນພັດທະນາກຳມະບານລາວ 5 ປີ(2021-2026), ຮ່າງກົດລະ ບຽບສະຫະພັນກຳມະບານລາວສະໄໝທີ VIII, ຮ່າງປັບປຸງເນື້ອໃນຂໍ້ແຂ່ງຂັນ 5 ເປັນເຈົ້າຂອງສະຫະພັນກຳມະບານລາວ. ບັນດາຜູ້ແທນເຂົ້າຮ່ວມກອງປະຊຸມໄດ້ພ້ອມກັນປະ ກອບຄຳຄິດຄຳເຫັນໃສ່ບົດລາຍງານການເມືອງ, ຮ່າງແຜນຍຸດ ທະສາດ, ຮ່າງກົດລະບຽບ ແລະ ຮ່າງປັບປຸງເນື້ອໃນຂໍ້ແຂ່ງຂັນ 5 ເປັນເຈົ້າ ຂອງສະຫະພັນກຳ ມະບານລາວແນໃສ່ເພື່ອກ້າວໄປໃນການຈັດຕັ້ງປະຕິບັດວຽກກຳມະບານໃນຕໍ່ໜ້າໃຫ້ໄດ້ຮັບຜົນສຳເລັດຕາມລະດັບຄາດ ໝາຍທີ່ກຳນົດໄວ້. ໃນໂອກາດເຂົ້າຮ່ວມກອງປະຊຸມຄັ້ງນີ້ ທ່ານ ບຸນທອງ ຈິດມະນີ ໄດ້ເປັນກຽດໂອລົມຕໍ່ກອງປະຊຸມ ໂດຍໄດ້ສະແດງຄວາມຍ້ອງຍໍຊົມເຊີຍຕໍ່ຜົນ ສຳເລັດຂອງສະຫະພັນກຳມະ ບານລາວທຸກຂັ້ນທີ່ຍາດມາໄດ້ໃນໄລຍະຜ່ານມາ ແລະ ເພື່ອເປັນເຂັມຊີ້ທິດເຍືອງທາງທິດທາງວຽກງານໃນຕໍ່ໜ້າໃຫ້ໄດ້ຮັບຜົນສຳເລັດເປັນກ້າວໆ ທ່ານໄດ້ເນັ້ນຕື່ມໃຫ້ເອົາໃຈໃສ່ຄື: ການນຳກຳມະບານແຕ່ລະຂັ້ນຕ້ອງເອົາໃຈໃສ່ສືບຕໍ່ຄົ້ນຄ້ວາຮູບແບບການໂຄສະນາສຶກສາອົບຮົມໃຫ້ຖືກຕ້ອງສອດຄ່ອງກັບແຕ່ລະກຸ່ມເປົ້າໝາຍ ເພື່ອຫັນເອົາແນວທາງນະໂຍບາຍຂອງພັກ, ກົດໝາຍຂອງລັດ, ລະບຽບການ ແລະ ແຜນພັດ ທະນາເສດຖະກິດສັງຄົມຂອງລັດລົງປຸກລະດົມສະມາຊິກກຳມະບານ, ກຳມະກອນ ແລະ ຊາວຜູ້ອອກແຮງງານໃຫ້ມີຈິດ ໃຈຟົດຟື້ນປະຕິວັດ ມີຄວາມເຊື່ອໝັ້ນຕໍ່ການນຳພາຂອງພັກ, ມີນໍ້າໃຈຮັກຊາດ, ມີສະຕິເຄົາ ລົບກົດໝາຍ ແລະ ມີລະບຽບວິໄນການອອກແຮງງານ, ສືບຕໍ່ເອົາໃຈໃສ່ຂະຫຍາຍການຈັດ ຕັ້ງ ແລະ ສະມາຊິກກໍາມະບານຢູ່ໃນບັນດາຫົວໜ່ວຍແຮງງານຕ່າງໆ ແນໃສເຕົ້າໂຮມຜູ້ອອກ ແຮງງານ ເຂົ້າໃນການຈັດຕັ້ງກໍາມະບານ ເພື່ອປົກປ້ອງສິດ ແລະ ຜົນປະໂຫຍດອັນຊອບທໍາ ໃຫ້ແກ່ເຂົາເຈົ້າ, ເພີ່ມທະວີການປົກປ້ອງສິດ ແລະ ຜົນປະໂຫຍດອັນຊອບທໍາຂອງສະມາຊິກກໍາມະບານ, ກໍາມະກອນ ແລະ ຊາວຜູ້ອອກແຮງງານ ໃຫ້ທົ່ວເຖິງ ແລະ ເປັນທໍາ ໂດຍສະເພາະແມ່ນ ຜູ້ອອກແຮງງານທີ່ເຮັດວຽກຢູ່ຂົງເຂດກະສິກໍາ ແລະ ການບໍລິການ, ເພີ່ມທະວີການສ້າງຂະບວນການແຂ່ງຂັນ 5 ເປັນເຈົ້າ ຂອງສະຫະພັນກໍາມະບານລາວວາງອອກ ໂດຍຕິດພັນກັບຂໍ້ແຂ່ງຂັນຮັກຊາດ ແລະ ພັດ ທະນາ ໃຫ້ເປັນຂະບວນຟົດຟື້ນ ແລະ ກວ້າງຂວາງ, ການແຂ່ງ ຂັນຕ້ອງເລັ່ງໃສ່ການເຮັດສໍາເລັດໜ້າທີ່ວິຊາສະເພາະ, ເສີມຂະຫຍາຍຫົວຄິດປະດິດສ້າງຂອງສະມາຊິກກໍາມະບານ, ກໍາມະກອນ ແລະ ຜູ້ອອກແຮງງານ; ຍົກສູງສະມັດຖະພາບການຜະລິດໃຫ້ມີຄຸນນະພາບສູງ, ຊອກໃຫ້ເຫັນກົມກອງ ແລະ ບຸກຄົນດີເດັ່ນໃນຂະບວນການດັ່ງກ່າວ, ໃນຕໍ່ໜ້າໃຫ້ຄົ້ນຄວ້າຄືນເນື້ອໃນຂໍ້ແຂ່ງຂັນຂອງສະ ຫະພັນກໍາມະບານລາວ ເພື່ອໃຫ້ແທດເໝາະກັບສະພາບຄວາມເປັນຈິງໃນໄລຍະໃໝ່, ເອົາໃຈໃສ່ເສີມຂະຫຍາຍການພົວພັນຮ່ວມມືກັບຕ່າງປະເທດ ບົນພື້ນຖານແນວທາງການຕ່າງປະເທດຂອງພັກ ເພື່ອເຮັດໃຫ້ບົດບາດຂອງສະຫະພັນກໍາມະບານລາວໃນເວທີພາກພື້ນ ແລະ ສາກົນ ເພື່ອຍາດແຍ່ງເອົາການຊ່ວຍເຫຼືອທາງດ້ານທຶນ ຮອນ, ບົດຮຽນ ແລະ ວິຊາການ ເພື່ອມາພັດທະນາວຽກງານກໍາມະບານລາວ, ການນໍາກໍາມະບານແຕ່ລະຂັ້ນ ຕ້ອງໄດ້ເອົາໃຈໃສ່ນໍາພາການເຄື່ອນໄຫວວຽກງານກໍາມະບານ ຕາມຫຼັກການລວມສູນປະຊາທິປະໄຕ, ມີລະບອບປະຊຸມສ່ອງແສງເປັນປົກກະຕິ, ມີການປຶກສາຫາລືຢ່າງປະຊາທິປະໄຕ ແລະ ມີຄວາມເປັນເອກະພາບກັນ ເພື່ອຊອກໃຫ້ເຫັນດ້ານດີ ແລະ ຂໍ້ ຄົງຄ້າງ ທີ່ຈະຕ້ອງໄດ້ສືບຕໍ່ແກ້ໄຂ ພ້ອມກັນນັ້ນກໍຕ້ອງໄດ້ລາຍງານ ແລະ ຂໍທິດຊີ້ນໍາຈາກຄະນະພັກ, ຄະນະນໍາເປັນປົກກະຕິ, ຄະນະກວດກາກໍາມະບານ ຕ້ອງເອົາໃຈໃສ່ຕິດຕາມ, ກວດກາ ການເຄື່ອນ ໄຫວວຽກ ງານກໍາມະບານແຕ່ລະຂັ້ນ, ການຄຸ້ມຄອງລັດ, ຄຸ້ມຄອງເສດຖະກິດສັງຄົມ ແລະ ຫົວໜ່ວຍແຮງງານ, ເຂົ້າຮ່ວມຕິດຕາມການເຄື່ອນໄຫວຂອງສະມາຊິກສະພາແຫ່ງຊາດ, ສະພາປະ ຊາຊົນຂັ້ນແຂວງ ແລະ ສະມາ ຊິກຂອງສະພາດັ່ງກ່າວ, ຄະນະບໍລິຫານງານສູນກາງສະຫະພັນກໍາມະບານລາວ ຈົ່ງເອົາໃຈໃສ່ໃນການກະ ກຽມດໍາເນີນກອງປະຊຸມໃຫຍ່ຜູ້ແທນສະຫະພັນກໍາມະບານລາວ ທົ່ວປະເທດ ຄັ້ງທີ VIII ເປັນຕົ້ນ ລາຍງານການເມືອງ, ບຸກຄະລາກອນ, ອົງການຈັດຕັ້ງມະຫາຊົນທຸກຂັ້ນ, ສະມາຊິກກໍາມະບານ, ກໍາມະກອນ ແລະ ຊາວຜູ້ອອກ ແຮງງານຈົ່ງເພີ່ມທະວີຄວາມສາມັກຄີເປັນປຶກແຜ່ນພາຍໃຕ້ການນໍາພາຂອງພັກ, ເຊີດຊູຄວາມຮັບຜິດຊອບໃນໜ້າທີ່ການເມືອງຂອງຕົນ, ປະກອບ ສ່ວນຢ່າງຕັ້ງໜ້າເຂົ້າໃນພາ ລະກິດປົກປັກຮັກສາ ແລະ ສ້າງສາພັດປະເທດຊາດ ໃຫ້ຈະເລີນຮຸ່ງເຮືອງ. (ຂ່າວພາບ: ສຳນານ)