ບໍລິສັດ ຊີເນັກ ມອບເຄື່ອງໃຊ້ຫ້ອງການໃຫ້ແກ່ເມືອງຫົງສາ

...

22.11.2019 9:30     

  ບໍລິສັດ ຊີເນັກ ໃນໂຄງການ ໄຟຟ້າພະລັງງານປາກບໍ່ແຮ່ຫົງສາ ໄດ້ນຳເອົາອຸປະກອນເຄື່ອງໃຊ້ເກົ່າສຳລັບຫ້ອງການເຊັ່ນ: ໂຕະຍາວໃນຫ້ອງປະຊຸມ 4 ໜ່ວຍ, ຕັ່ງອີ້ (ມີລໍ້) 30 ໜ່ວຍ, ຕູ້ເຫຼັກໃສ່ເອກະສານ 2 ຊຸດ, ແຟ້ມເອກະສານ 100 ອັນ, ກັບເຈ້ຍໃສ່ເອກະສານ 500 ອັນ, ໜ້າຈໍໂທລະທັດຂະໜາດໃຫຍ່ 5 ໜ່ວຍ, ຄອມພິວເຕີ້ຕັ້ງໂຕະ 3 ໜ່ວຍ, ໄຟສາຍໃຫຍ່ 20 ໜ່ວຍ, ໂຄມໄຟສາຍນ້ອຍ 20 ໜ່ວຍ, ຜ້າຫົ່ມ 15 ຜືນ, ໝອນ 15 ໜ່ວຍ, ຜ້າປູເສື່ອ 15 ຜືນ, ຜ້າຮອງເສື່ອ 15 ຜືນ ແລະ ສາດຢາງ 4 ກໍ້ໃຫຍ່ ມອບໃຫ້ແກ່ເມືອງຫົງສາ ແຂວງໄຊຍະບູລີ ໃນວັນທີ 19 ພະຈິກຜ່ານມາ ຢູ່ເດ່ີນກິລາຂອງບໍລິສັດດັ່ງ ກ່າວ. ກ່າວມອບ ໂດຍທ່ານນາງ ເຢົາ ວີຈຽນ ຜູ້ອຳນວຍການບໍລິ ສັດ ຊີເນັກ ພ້ອມດ້ວຍພະນັກ ງານວິຊາການຂອງບໍລິສັດ ແລະ ກ່າວຮັບ ໂດຍທ່ານ ແຫຼ້ ອ່ອນສົມບູນ ຫົວໜ້າຫ້ອງວ່າການເມືອງຫົງສາ ພ້ອມດ້ວຍພະ ນັກງານຂອງເມືອງຈຳນວນໜຶ່ງເຂົ້າຮ່ວມ. ໃນໂອກາດນີ້, ທ່ານ ແຫຼ້ ອ່ອນສົມບູນ ກໍໄດ້ກ່າວສະແດງຄວາມຂອບໃຈຕໍ່ກັບບໍລິສັດຊີເນັກ ທີ່ໄດ້ເຫັນຄວາມສຳ ຄັນໃນວຽກງານຕ່າງໆຢູ່ພາຍໃນເມືອງ ຊຶ່ງໃນການປະກອບສ່ວນຄັ້ງນີ້, ເປັນການປະກອບສ່ວນສຳຄັນເຂົ້າໃນການພັດທະນາ ແລະ ສົ່ງເສີມສາຍພົວພັນຮ່ວມມືອັນດີງາມ ລະຫວ່າງ ບໍລິສັດ ກັບ ເມືອງ ແລະ ສັນຍາວ່າຈະນຳໃຊ້ເຄື່ອງອຸປະກອນດັ່ງກ່າວນີ້ ໄປນຳໃຊ້ໃຫ້ເກີດປະໂຫຍດສູງສຸດ ແລະ ຈະຈັດແບ່ງຕາມຄວາມເໝາະສົມໃຫ້ແກ່ກົມກອງ, ຫ້ອງການ ແລະ ໂຮງຮຽນຢູ່ພາຍໃນເມືອງໃຫ້ທົ່ວເຖິງ ແລະ ສອດຄ່ອງກັບສະພາບຕົວຈິງ. (ພາບ-ຂ່າວ: ກິດຕິສັກ ບົວໄລ)