ກອງທຶນ 1 ດວງໃຈບໍລິຄຳໄຊ ຊ່ວຍບູລະນະອາຄານໂຮງຮຽນ ມສ ບໍລິຄັນ ຈຳນວນ 2 ຫຼັງ

...

22.11.2019 9:32     

  ພິທີມອບ-ຮັບການບູລະ ນະສ້ອມແປງອາຄານໂຮງຮຽນ ມສ ບໍລິຄັນ ຈຳນວນ 2 ຫຼັງໄດ້ຈັດຂຶ້ນເມື່ອບໍ່ດົນຜ່ານມາ ຢູ່ໂຮງຮຽນມັດທະຍົມສົມ ບູນບໍລິຄັນ ເມືອງບໍລິຄັນ ແຂວງ ບໍລິຄຳໄຊ ລະຫວ່າງກອງທຶນ 1 ດວງໃຈບໍລິຄຳໄຊຊ່ວຍເຫຼືອສັງຄົມ ແລະ ອຳນາດການປົກຄອງເມືອງ ໂດຍການກ່າວມອບຂອງທ່ານ ນາງ ແອງ ໄຊສົງຄາມ ປະ ທານກອງທຶນ 1 ດວງໃຈບໍລິຄຳ ໄຊຊ່ວຍເຫຼືອສັງຄົມ ກ່າວຮັບໂດຍທ່ານ ສະຫວນ ສະຫວ່າງ ຮອງເຈົ້າເມືອງບໍລິຄັນ. ທ່ານ ອາຈານ ຄຳສອນ ສິດທິປັນຍາ ຜູ້ອຳນວຍການໂຮງຮຽນມັດທະຍົມສົມບູນບໍລິຄັນໄດ້ສະຫຼຸບຄືນການຈັດຕັ້ງປະຕິບັດບັນດາໜ້າວຽກການບູລະນະສ້ອມແປງອາຄານໂຮງ ຮຽນແຫ່ງດັ່ງກ່າວ ຊຶ່ງຍົກໃຫ້ເຫັນຂໍ້ສະດວກ, ຂໍ້ຫຍຸ້ງຍາກ. ອາຄານໂຮງຮຽນ ມສ ບໍລິຄັນປະ ກອບມີອາຄານຮຽນທັງໝົດ 5 ຫຼັງ, ມີຫ້ອງຮຽນ 30 ຫ້ອງ.ໃນນັ້ນ ກອງທຶນ 1 ດວງໃຈບໍລິ ຄໍາໄຊຊ່ວຍເຫຼືອສັງຄົມໄດ້ປະ ກອບສ່ວນບູລະນະສ້ອມແປງຄືນໃໝ່ຈຳນວນ 2 ຫຼັງ, ຫຼັງທີ 1 ມີຂະໜາດກວ້າງ 9 ແມັດ, ຍາວ 80 ແມັດ, ຫຼັງທີ 2 ກວ້າງ 8,5 ແມັດ, ຍາວ 40 ແມັດ ສຳລັບບັນດາໜ້າວຽກທີ່ບູລະນະສ້ອມ ແປງຄືນໃໝ່ແມ່ນຕິດຕັ້ງເພ ດານ, ມຸງຫຼັງຄາຄືນໃໝ່ຈາກສັງ ກະສີທີ່ເກົ່າຊຸດໂຊມມາເປັນອາລູຊີງ ໂດຍໄດ້ເລີ່ມຕົ້ນການກໍ່ສ້າງມາແຕ່ກາງເດືອນສິງຫາ 2019 ມາຮອດທ້າຍເດືອນຕຸລາ 2019 ແມ່ນສຳເລັດ 100%, ລວມມູນຄ່າເຄື່ອງອຸປະກອນການກໍ່ສ້າງທີ່ທາງກອງທຶນ 1 ດວງໃຈບໍລິຄຳໄຊຊ່ວຍເຫຼືອສັງ ຄົມ ປະກອບສ່ວນທັງໝົດ 87 ລ້ານກວ່າກີບ ສຳລັບຄ່າແຮງງານນາຍຊ່າງຮັບເໝົາກໍ່ສ້າງຈຳນວນ 46 ລ້ານກີບ ແມ່ນການປະກອບສ່ວນຈາກອຳນາດການປົກຄອງບ້ານ 10 ບ້ານເທດສະບານຄື: ບ້ານຫາດດອນຄູນ, ນາໂອ, ໂພນຂາມ, ຫາດໂພ, ນາແຫນ, ວັດທາດ,ໂພນມຸງຄຸນ, ສີສະຫວາດ,ໂນນສົມ ບູນ ແລະ ບ້ານໂພນທອງ. ໂອກາດນີ້, ທ່ານ ນາງ ແອງ ໄຊສົງຄາມ ໄດ້ມອບຂອງຂວັນໃຫ້ນັກຮຽນ ໃນແຕ່ລະຊັ້ນຮຽນທີ່ມີຜົນງານດີເດັ່ນ ໃນການຮໍ່່າຮຽນຕະຫຼອດໄລຍະຜ່ານມາ ພ້ອມຍົກໃຫ້ເຫັນ ຜົນງານການປະກອບສ່ວນຂອງກອງທຶນ 1 ດວງໃຈບໍລິຄຳໄຊຊ່ວຍເຫຼືອສັງ ຄົມຕະຫຼອດໄລຍະຜ່ານມາ ກອງທຶນ 1 ດວງໃຈບໍລິຄຳໄຊ ຊ່ວຍເຫຼືອສັງຄົມແມ່ນໄດ້ລະ ດົມທຶນຈາກສັງຄົມຊ່ວຍເຫຼືອ ສັງຄົມ ເພື່ອເປັນການປະກອບ ສ່ວນໃນການສ້າງສາພັດທະນາ ເສດຖະກິດ-ສັງຄົມຂອງແຂວງ ບໍລິຄຳໄຊ ໂດຍສະເພາະແມ່ນການສຶກສາ, ສາທາລະນະສຸກ ມາຮອດປັດຈຸບັນນີ້ກອງທຶນ 1 ດວງໃຈບໍລິຄຳໄຊຊ່ວຍເຫຼືອສັງ ຄົມແມ່ນໄດ້ປະກອບສ່ວນບູລະ ນະສ້ອມແປງ, ປຸກອາຄານໂຮງ ຮຽນອະນຸບານ, ຊັ້ນປະຖົມ ແລະ ມັດທະຍົມທົ່ວແຂວງບໍລິ ຄຳໄຊ ສຳເລັດແລ້ວຈຳນວນ 49 ຫຼັງ. ໃນນັ້ນປຸກໃໝ່ 20 ຫຼັງ ພ້ອມຮຽກຮ້ອງໃຫ້ອຳນາດການ ປົກຄອງຂັ້ນເມືອງ, ຜູ້ບໍລິຫານ ການສຶກສາ, ອຳນາດການປົກ ຄອງບ້ານຕະຫຼອດຮອດນັກ ຮຽນ ຈົ່ງໄດ້ຮັກສາ, ບົວລະບັດ ນຳໃຊ້ອາຄານໂຮງ ຮຽນແຫ່ງດັ່ງກ່າວເຂົ້າໃນການຮຽນ-ການສອນໃຫ້ເກີດປະໂຫຍດສູງສຸດ. (ຂ່າວ-ພາບ: ສາຍສະໝອນ)