ໜ່ວຍຊາວໜຸ່ມສະພາປະຊາຊົນ ແຂວງສາລະວັນ ຖືກຮັບຮອງ ເປັນໜ່ວຍ 4 ບຸກ ຄັ້ງທີ IV

...

25.11.2019 9:14     

  ໜ່ວຍຊາວໜຸ່ມສະພາປະ ຊາຊົນແຂວງສາລະວັນໄດ້ຈັດ ພິທີຮັບຮອງ ແລະ ປະກາດເປັນ ໜ່ວຍ 4 ບຸກ ຄັ້ງທີ IV ຕໍ່ເນື່ອງ ຕິດພັນກັບການເປີດຂໍ້ແຂ່ງຂັນ 4 ບຸກ ປີ 2020, ພິທີຮັບຮອງໄດ້ຈັດຂຶ້ນໃນວັນທີ 20 ພະຈິກຜ່ານມາ ໂດຍໃຫ້ກຽດເຂົ້າຮ່ວມຂອງ ທ່ານ ຈັນເພັງ ສາຍທຳມະວົງ ຮອງເລຂາຄະນະບໍລິຫານງານ ຊາວໜຸ່ມແຂວງ ພາຍໃຕ້ການເປັນປະທານຂອງທ່ານ ຈັນປະຖົມ ກວດແກ້ວມະນີ ເລຂາໜ່ວຍຊາວໜຸ່ມສະພາປະຊາຊົນ, ມີບັນດາໜ່ວຍອ້ອມຂ້າງ ແລະ ສະມາຊິກຊາວໜຸ່ມພາຍໃນເຂົ້າຮ່ວມ. ທ່ານ ນາງ ສຸກສະໄໝ ແສງຄຳໃບ ຕາງໜ້າຄະນະໜ່ວຍຊາວໜຸ່ມໄດ້ຜ່ານບົດສະ ຫຼຸບການປະຕິບັດຂໍ້ແຂ່ງຂັນ 4 ບຸກຂອງໜ່ວຍ ໃນໄລຍະ 1 ປີ ຜ່ານມາ, ໄດ້ເອົາໃຈໃສ່ການສຶກ ສາອົບຮົມການເມືອງແນວຄິດ, ເຊື່ອມຊຶມບັນດານິຕິກຳ, ຄຳສັ່ງ ແລະ ມູນເຊື້ອວັນສຳຄັນຕ່າງໆຂອງພັກຂອງຊາດ ເຮັດໃຫ້ສະ ມາຊິກມີຄວາມຮັບຮູ້, ເຂົ້າໃຈຢ່າງ ເລິກເຊິ່ງ ແລະ ກວ້າງຂວາງ ສາ ມາດຕີລາຄາໄດ້ 98%, ນອກນັ້ນໄດ້ປຸກລະດົມການຄົ້ນຄວ້າຮ່ຳຮຽນໃນດ້ານວຽກງານວິຊາສະເພາະ, ແບບແຜນວິທີເຮັດວຽກ ແລະ ພາສາຕ່າງປະເທດ, ທັງລະບົບໄອທີ ກວມເອົາ 98%, ໄດ້ມີການປັບປຸງການຈັດຕັ້ງ, ແບ່ງວຽກຄວາມຮັບຜິດຊອບໃຫ້ສະມາຊິກໃນແຕ່ລະໜ້າວຽກ ເຊັ່ນ: ວຽກງານ 4 ບຸກ, ຂະບວນການ ແລະ ອື່ນໆ. ນອກນັ້ນຍັງໄດ້ ຊຸກຍູ້ໃຫ້ສະມາຊິກທີ່ມີຄວາມ ກ້າວໜ້າໃຫ້ກາຍເປັນມະຫາ ຊົນ ແລະ ເຂົ້າອົງການຈັດຕັ້ງພັກ ຊຶ່ງເຂົ້າພັກສຳຮອງແລ້ວ 4 ສະຫາຍ ຍິງ 3 ສະຫາຍສາ ມາດຕີລາຄາໄດ້ 98% ສຳລັບດ້ານວຽກເຮັດງານທຳບັນດາສະມາຊິກແມ່ນມີຄວາມຕັ້ງ ໜ້າ, ຫ້າວຫັນ ແລະ ບຸກບືນ ໂດຍສະເພາະການສ້າງອາຊີບ ເສີມ, ສ້າງລາຍໄດ້ເຂົ້າຄອບຄົວ ເປັນຕົ້ນການຕັດຫຍິບ, ກະສິກຳ ແລະ ອື່ນໆ ຄຽງຄູ່ກັບການດຳ ລົງຊີວິດດ້ວຍຄວາມປອດໃສ, ຂາວສະອາດ ແລະ ໄດ້ເຂົ້າ ຮ່ວມຂະບວນການຕ່າງໆຢ່າງກວ້າງຂວາງ ກວມເອົາ 98%. ຈາກນັ້ນກໍໄດ້ມອບໃບຍ້ອງຍໍສະມາຊິກຜູ້ດີເດັ່ນໃນການປະ ຕິບັດຂໍ້ແຂ່ງຂັນ 4 ບຸກ ປະຈຳປີ 2019 ຈຳນວນ 32 ສະຫາຍ ແລະ ມອບໃບຢັ້ງຢືນຮັບຮອງເອົາໜ່ວຍຮາກຖານຊາວໜຸ່ມສະພາປະຊາຊົນແຂວງ ເປັນໜ່ວຍຕົວແບບ 4 ບຸກ ຄັ້ງທີ IV ຕໍ່ເນື່ອງ, ມອບໂດຍທ່ານ ຈັນເພັງ ສາຍທຳມະວົງ ຮອງເລຂາຊາວໜຸ່ມແຂວງສາລະວັນ, ຮັບໂດຍ ທ່ານ ຈັນປະຖົມ ກວດແກ້ວມະນີ ເລຂາໜ່ວຍຊາວໜຸ່ມສະພາປະ ຊາຊົນແຂວງ ພ້ອມດ້ວຍຄະ ນະ. ໜ່ວຍຊາວໜຸ່ມສະພາປະ ຊາຊົນແຂວງ ມີສະມາຊິກທັງໝົດ 32 ສະຫາຍ ຍິງ 21 ສະ ຫາຍ ໃນນັ້ນມີສະມາຊິກພັກ 12 ສະຫາຍ ຍິງ 8 ສະຫາຍ, ເປັນສະມາຊິກກຳມະບານ 32 ສະຫາຍ ແລະ ສະມາຊິກແມ່ຍິງ 21 ສະຫາຍ. (ຂ່າວ-ພາບ: ວິໄລວອນ ສິດທິໄຊ)