ໂຮງໝໍມິດຕະພາບໄດ້ຈັດຝຶກອົບຮົມຈັນຍາບັນ-ຈັນຍາທຳແພດ

...

...

26.11.2019 11:46     

  ໂຮງໝໍມິດຕະພາບໄດ້ຈັດຝຶກອົບຮົມຈັນຍາບັນ-ຈັນ ຍາທຳແພດ ຂຶ້ນໃນວັນທີ 21 ພະຈິກຜ່ານມາ ທີ່ສະໂມສອນ ໂຮງໝໍດັ່ງກ່າວ ພາຍໃຕ້ການ ເປັນປະທານຂອງທ່ານ ສະ ໜອງ ທອງຊະນະ ຄະນະພັກ ກະຊວງສາທາລະນະສຸກຜູ້ອຳ ນວຍການໂຮງໝໍມິດຕະພາບ ຊຶ່ງມີພະນັກງານນຳພາ ແລະ ວິຊາການອ້ອມຂ້າງເຂົ້າຮ່ວມ. ທ່ານ ສະໜອງ ທອງຊະນະ ໄດ້ເນັ້ນໜັກເຖິງຄວາມໝາຍ ແລະ ຄວາມສຳຄັນຂອງການ ຝຶກອົບຮົມແມ່ນອີງໃສ່ນະໂຍ ບາຍຂອງກະຊວງ ສາທາລະນະສຸກໃນການ ປັບປຸງ ການບໍລິການ ສຸຂະພາບໃຫ້ນັບມື້ດີຂຶ້ນ ແລະ ເພື່ອຈັດຕັ້ງປະຕິບັດນະໂຍບາຍ 5 ດີ 1 ພໍໃຈໃຫ້ປະກົດຜົນເປັນ ຈິງ ແລະ ອີກດ້ານໜຶ່ງກໍເພື່ອ ແນໃສ່ ໃນການສ້າງຈິດສຳນຶກ ພະນັກງານ-ລັດຖະກອນໃຫ້ມີຄວາມຮູ້ ຄວາມເຂົ້າໃຈກ່ຽວກັບ ຈັນຍາບັນ-ຈັນຍາທຳຂອງແພດ ໃຫ້ມີຄວາມເສຍສະຫຼະ, ຄວາມ ອົດທົນໃນການຮັບໃຊ້ຄົນເຈັບຢ່າງມີຄວາມຮັບຜິດຊອບສູງ ແລະ ສ້າງຄຸນສົມບັດສິນທຳປະຕິວັດຂອງພະນັກງານສາທາ ລະນະສຸກກໍຄືພະນັກງານລັດ ຖະກອນ ໃນໂຮງໝໍໃຫ້ມີຄວາມສາມາດນຳເອົາໄປຈັດຕັ້ງປະຕິ ບັດເຂົ້າໃນໜ້າທ່ີວຽກງານຂອງຕົນຮັບຜິດຊອບ ແລະ ແນໃສ່ເຮັດໃຫ້ວຽກງານການບໍລິການດ້ານສຸຂະພາບແກ່ປະຊາຊົນ ພ້ອມທັງເປັນການຕອບສະ ໜອງກັບຄວາມຮຽກຮ້ອງຕ້ອງ ການຂອງຜູ້ມາຮັບໃຊ້ໃນສັງຄົມໃຫ້ດີຂຶ້ນເລື້ອຍໆ. (ຂ່າວ: ຕຸໄລເພັດ ພິມເມືອງ)