ຫົວພັນ-ແທັງຮວາ ແລກປ່ຽນວິຊາການຖະແຫຼງຂ່າວ-ສ່ືມວນຊົນ

...

26.11.2019 11:46     

  ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງຫົວພັນ ແຫ່ງ ສປປ ລາວ ແລະ ພະແນກຖະແຫຼງຂ່າວ ແລະ ການສື່ສານ ແຂວງແທັງຮວາ ແຫ່ງ ສສ ຫວຽດນາມໄດ້ ຈັດກອງປະຊຸມພົບປະແລກ ປ່ຽນບົດຮຽນດ້ານວິຊາການສື່ມວນຊົນຂຶ້ນໃນວັນທີ 21 ພະ ຈິກຜ່ານມາ ຢູ່ຫໍວັດທະນະທຳແຂວງຫົວພັນ. ຝ່າຍແຂວງຫົວ ພັນນຳໂດຍສະຫາຍ ຄຳສິງ ລາດດາວົງ ຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງຫົວພັນພ້ອມດ້ວຍຄະນະ, ຝ່າຍແຂວງແທັງຮວາ ນຳໂດຍສະຫາຍ ໂດ່ຮິວກວຽດ ຫົວໜ້າພະແນກຖະ ແຫຼງຂ່າວ ແລະ ການສື່ສານແຂວງແທັງຮວາ ພ້ອມດ້ວຍຄະນະເຂົ້າຮ່ວມ. ໃນກອງປະຊຸມສອງຝ່າຍ ໄດ້ຜັດປ່ຽນກັນລາຍງານ ໂດຍ ຫຍໍ້ກ່ຽວກັບສະພາບຈຸດພິເສດ ທີ່ຕັ້ງຂອງແຂວງ, ພາລະບົດ ບາດ, ສິດ, ໜ້າທີ່, ກົງຈັກການ ຈັດຕັ້ງ ແລະ ການເຄື່ອນໄຫວວຽກງານວິຊາສະເພາະແຕ່ລະດ້ານໃຫ້ກັນ ແລະ ກັນຊາບ. ພ້ອມນັ້ນກໍໄດ້ພ້ອມກັນປຶກສາຫາລືແລກປ່ຽນຄຳຄິດຄຳເຫັນກ່ຽວກັບວຽກງານຖະແຫຼງຂ່າວ ແລະ ສື່ມວນຊົນຂອງສອງຝ່າຍ. ສຳລັບການຮ່ວມມືໃນຕໍ່ ໜ້າທັງສອງຝ່າຍໄດ້ເປັນເອກະ ພາບກັນເຊັນບົດບັນທຶກຊ່ວຍ ຈຳການຮ່ວມມືໄລຍະປີ 2019 -2021 ຄື: ສອງຝ່າຍຈະປະ ສານສົມທົບປະຕິບັດວຽກງານ ຖະແຫຼງຂ່າວ ແລະ ການສື່ສານ ທີ່ເປັນມູນເຊື້ອອັນດີງາມລະ ຫວ່າງສອງແຂວງ ຫົວພັນ-ແທັງຮວາ; ເພີ່ມທະວີການຮ່ວມມື ແລະ ແລກປ່ຽນບົດຮຽນນຳກັນ ປີລະຄັ້ງຜັດປ່ຽນກັນເປັນເຈົ້າ ພາບ ເພື່ອສ້າງສາຍພົວພັນຮ່ວມມືຂອງສອງພະແນກໃຫ້ເຂົ້າສູ່ລ່ວງເລິກ, ມີປະສິດທິຜົນ ແລະ ປະກົດຜົນເປັນຈິງ. (ຂ່າວ-ພາບ: ໄອແກ້ວ)