ທ່ານ ສົມດີ ດວງດີ ເຂົ້າຮ່ວມງານວາງສະແດງສິນຄ້າ ຈີນ-ອາຊຽນ ຄັ້ງທີ 15


...

05.11.2018 10:46     

   ທ່ານ ສົມດີ ດວງດີ ຮອງ ນາຍົກລັດຖະມົນຕີ ລັດຖະມົນ ຕີກະຊວງການເງິນ ໄດ້ນຳພາ ຄະນະຜູ້ແທນຂັ້ນສູງຂອງ ສປປ ລາວ ເດີນທາງເຂົ້າຮ່ວມ ງານວາງສະແດງສິນຄ້າຈີນ-ອາຊຽນ ຄັ້ງທີ 15 ຊຶ່ງຈັດຂຶ້ນ ແຕ່ວັນທີ 12- 15 ກັນຍາ 2018 ທີ່ນະຄອນໜານໜິງແຂວງ ກວາງຊີ ສປ ຈີນ ເພື່ອເປັນ ການສືບຕໍ່ເສີມຂະຫຍາຍສາຍ ພົວພັນອັນດີ ລະຫວ່າງ ລັດຖະ ບານສອງປະເທດ ແລະ ປະ ຊາຊົນສອງຊາດ ລາວ-ຈີນ ໃຫ້ ແໜ້ນແຟ້ນຍິ່ງຂຶ້ນ. ງານວາງສະແດງສິນຄ້າ ຄັ້ງນີ້ ຈັດຂຶ້ນພາຍໃຕ້ຄຳຂວັນ: "ການຮ່ວມມືກັນສ້າງເສັ້ນທາງ ສາຍໄໝແຫ່ງສະຕະວັດທີ 21, ເພື່ອສົ່ງເສີມປະຊາຄົມແຫ່ງ ນະວັດຕະກຳ ຈີນ ແລະ ອາ ຊຽນ". ພ້ອມກັນນີ້ ງານວາງສະ ແດງສິນຄ້າ ຈີນ-ອາຊຽນ ປະ ຈຳປີຄັ້ງນີ້ ເປັນປີທີ່ມີຄວາມ ໝາຍສຳຄັນເປັນພິເສດ ເນື່ອງ ຈາກເປັນປີແຫ່ງການສະເຫຼີມ ສະຫຼອງການເປັນຄູ່ຮ່ວມຍຸດ ທະສາດອາຊຽນ ແລະ ສປ ຈີນ ຄົບຮອບ 15 ປີ ແລະ ຍັງເປັນ ປີແຫ່ງການຮ່ວມມືດ້ານນະວັດ ຕະກຳລະຫວ່າງອາຊຽນ ແລະ ສປ ຈີນ ຊຶ່ງອາຊຽນ ແລະ ສປ ຈີນ ກໍຈະໄດ້ແລກປ່ຽນບົດຮຽນ ແລະ ຮ່ວມມືກັນ ໂດຍຜ່ານ ການຈັດຕັ້ງປະຕິບັດບັນດາກິດ ຈະກຳຕ່າງໆ ເພື່ອເປັນການ ເພີ່ມທະວີການຮ່ວມມືໃນຂົງ ເຂດເຕັກໂນໂລຊີທັນສະໄໝ ແລະ ເສດຖະກິດດີຈີຕອນ. ໃນໂອກາດເຂົ້າຮ່ວມ ງານວາງສະແດງ ທ່ານຮອງ ນາຍົກລັດຖະມົນຕີ ໄດ້ພົບປະ ສອງຝ່າຍກັບທ່ານ ຫາງເຈີ້ງ (Han Zheng) ຮອງນາຍົກ ລັດຖະມົນຕີ ແຫ່ງ ສປ ຈີນ ຊຶ່ງ ທັງສອງຝ່າຍໄດ້ຕີລາຄາສູງຕໍ່ ການພົວພັນແບບຄູ່ຮ່ວມມືຍຸດ ທະສາດຮອບດ້ານລະຫວ່າງ ສປປ ລາວ-ສປ ຈີນ. ພ້ອມກັນ ນີ້ ກໍໄດ້ປຶກສາຫາລືການຮ່ວມ ມືສອງຝ່າຍດ້ານເສດຖະກິດ, ການຄ້າ, ການລົງທຶນ, ວັດທະ ນະທຳ-ສັງຄົມ, ການທ່ອງທ່ຽວ ແລະ ການຊ່ວຍເຫຼືອເພື່ອການ ພັດທະນາ. ທ່ານຮອງນາຍົກລັດຖະ ມົນຕີ ຍັງໄດ້ໄປຢ້ຽມຢາມຮ້ານ ວາງສະແດງແຫ່ງຊາດຂອງ ລາວ ຊຶ່ງໃນປີນີ້ ແມ່ນແຂວງ ວຽງຈັນ ຖືກຄັດເລືອກເປັນ ເມືອງແຫ່ງສະເໜ່ຂອງ ສປປ ລາວ. ນອກຈາກຄະນະຜູ້ແທນ ທາງການແລ້ວ ຍັງມີພາກສ່ວນ ທຸລະກິດຂອງ ສປປ ລາວ ເຂົ້າ ຮ່ວມໃນງານວາງສະແດງອີກ ດ້ວຍ. ສຳລັບປີນີ້ ໄດ້ມີຮ້ານ ວາງສະແດງທັງໝົດ 82ຮ້ານ ຈາກ 52 ບໍລິສັດ ແລະ ຜະລິດ ຕະພັນສິນຄ້າສ່ວນໃຫຍ່ຂອງ ສປປ ລາວ ປະກອບມີຜະລິດ ຕະພັນໄມ້ແກະສະຫຼັກ, ເຄື່ອງ ເຟີນີເຈີ, ຜະລິດຕະພັນເຄື່ອງ ປະດັບ, ເຄື່ອງຫັດຖະກຳ, ເຄື່ອງ ອຸດສາຫະກຳ ແລະ ການໂຄ ສະນາການທ່ອງທ່ຽວ. ງານວາງສະແດງສິນຄ້າ ຈີນ-ອາຊຽນ ແມ່ນຈັດຂຶ້ນທຸກໆ ປີ ນັບຕັ້ງແຕ່ປີ 2004 ເປັນຕົ້ນ ມາ ຊຶ່ງໄດ້ປະກອບສ່ວນອັນສຳ ຄັນໃຫ້ແກ່ການຮັດແໜ້ນການ ຮ່ວມມືທາງດ້ານເສດຖະກິດ ແລະ ການຄ້າ ແລະ ການຂະ ຫຍາຍຕົວທາງດ້ານການລົງ ທຶນ, ພ້ອມທັງປະກອບສ່ວນ ໃຫ້ແກ່ການຣັດແໜ້ນການ ຮ່ວມມື ແລະ ການ ເປັນຄູ່ຮ່ວມ ຍຸດທະສາດລະຫວ່າງອາຊຽນ ແລະ ຈີນ. (ຂ່າວ: ກົມການຂ່າວ)