ເຮັສພີຊີ ປະກັນໄພ ຈະພັດທະນາທຸລະກິດ ໃຫ້ແທດເໝາະກັບສັງຄົມລາວ


...

09.07.2019 9:50     

    ບໍລິສັດເຮັສພີຊີ (HPC) ປະກັນໄພ ຈຳກັດ ໄດ້ເປີດຫ້ອງ ການໃໝ່ຂຶ້ນ ເມື່ອວັນທີ 7 ມິຖຸນາ ຜ່ານມານີ້ ທີ່ບ້ານດົງນາທອງ ເມືອງສີໂຄດຕະບອງ ນະຄອນ ຫຼວງວຽງຈັນ ໂດຍໃຫ້ກຽດເຂົ້າຮ່ວມຂອງທ່ານ ບຸນລັນ ລໍສະຫວັດ ປະທານບໍລິສັດເຮັສພີຊີ ປະກັນໄພ ຈຳກັດ, ແຂກຖືກເຊີນ ແລະ ບັນດາຕົວແທນຂອງບໍລິສັດເຂົ້າຮ່ວມ. ທ່ານ ບຸນລັນ ລໍສະຫວັດ ກ່າວວ່າ: ບໍລິສັດ ເຮັສພີຊີ ໄດ້ກໍ່ຕັ້ງຂຶ້ນມາແຕ່ທ້າຍປີ 2013 ເປັນຕົ້ນມາ ຊຶ່ງໃນເບື້ອງຕົ້ນໄດ້ເປີດບໍລິການປະກັນໄພຊີວິດ ເລີ່ມຈາກຈຸດນ້ອຍໆຈົນສາມາດ ຂະຫຍາຍ ຕາໜ່າງໃຫຍ່ຂຶ້ນເທື່ອລະກ້າວຈົນມາເຖິງປັດຈຸບັນໄດ້ເຮັດໃຫ້ພວກເຮົາມີຕົວແທນຂາຍປະກັນໄພ ໃນຂອບເຂດທົ່ວປະເທດ, ທ່ານກ່າວຕື່ມວ່າ: ຕະຫຼອດໄລຍະເວລາເກືອບ 6 ປີຜ່ານມາ ພວກເຮົາໄດ້ຕັ້ງໃຈ ສຸມໃສ່ບໍລິການວຽກປະກັນໄພຊີວິດທີ່ເປັນອັນພົ້ນເດັ່ນໃນສັງ ຄົມກໍຄືການຮັບໃຊ້ສັງຄົມລາວໃນຂອບເຂດທົ່ວປະເທດ ນັບມື້ນັບຫຼາຍຂຶ້ນຈາກປັດໄຈດັ່ງ ກ່າວໄດ້ເປັນແຮງອັນຈູງໃຈທີ່ເຮັດໃຫ້ພວກເຮົາສືບຕໍ່ພັດທະ ນາທຸລະກິດປະກັນໄພເພີ່ມຂື້ນ ຊຶ່ງປັດຈຸບັນບໍລິສັດໄດ້ຂະ ຫຍາຍກິດຈະການປະກັນໄພອີກໜຶ່ງຜະລິດຕະພັນ ເປັນຕົ້ນແມ່ນປະກັນໄພລົດ ແລະ ໃນປີນີ້ ທາງບໍລິສັດໄດ້ປ່ຽນຊື່ຈາກບໍລິສັດເຮັສພີຊີ ປະກັນຊີວິດ ມາເປັນ ບໍລິສັດເຮັສພີຊີ ປະກັນໄພ ຈຳກັດ ເພື່ອໃຫ້ສອດຄ່ອງກັບ ເປົ້າໝາຍ ແລະ ວິໄສທັດຂອງບໍລິສັດຄື: ການບໍລິການວ່ອງໄວ, ທັນໃຈ, ຈິງໃຈ, ຈ່າຍເງິນປະກັນງ່າຍ ແລະ ຕ່າງຝ່າຍບໍ່ເອົາປຽບກັນ ໃນນັ້ນຕໍ່ໜ້າ ພວກເຮົາຈະພັດທະນາທຸລະກິດປະ-ກັນໄພ ໃນຮູບແບບຕ່າງໆຂຶ້ນມາຕື່ມອີກ ເພື່ອຮັບໃຊ້ ພໍ່ແມ່, ພີ່ນ້ອງ, ປະຊາຊົນລາວທຸກຊັ້ນຄົນເພື່ອໃຫ້ແທດເໝາະກັບສັງ ຄົມລາວເຮົາ. ບໍລິສັດເຮັສພີຊີ ປະກັນຊີວິດລາວ ຈຳກັດ ເປີດຂຶ້ນຢ່າງ ເປັນທາງການ ໃນວັນທີ 6/ 11/2013 ໂດຍມີທຶນຈົດທະ ບຽນ 16 ຕື້ກີບ ເພື່ອຕອບສະ ໜອງຄວາມຮຽກຮ້ອງຕ້ອງການຂອງສັງຄົມ ໂດຍມີຜະລິດຕະ ພັນປະກັນຊີວິດຈ່າຍພຽງ 50.000 ກີບຕໍ່ເດືອນ ວົງເງິນປະກັນໄພສູງ 70 ລ້ານກີບ ນັບແຕ່ນັ້ນມາ ບໍລິສັດ ໄດ້ຮັບຄວາມໄວ້ວາງໃຈຈາກພໍ່ແມ່ປະຊາຊົນຢ່າງລົ້ນເຫຼືອມາເຖິງປັດຈຸບັນມີຜູ້ມາຊື້ປະກັນກັບບໍລິສັດພວກເຮົາ ນັບມື້ນັບຫຼາຍຂຶ້ນ ແລະ ພວກເຮົາມີຕົວແທນຂາຍປະ ກັນໄພທົ່ວປະເທດ, ມາຮອດປີ 2019 ໄດ້ມີການປັບປຸງ ແລະ ຂະຫຍາຍບໍລິສັດໃຫ້ໃຫຍ່ຂຶ້ນກວ່າເກົ່າ ແລະ ໄດ້ມີການປ່ຽນຊື່ບໍລິສັດຈາກຊື່ເກົ່າບໍລິສັດເຮັສພີຊີ ປະກັນຊີວິດລາວ ຈຳ-ກັດ ປ່ຽນມາເປັນ ບໍລິສັດເຮັສພີຊີ ປະກັນໄພ ຈຳກັດ ໄດ້ເພີ່ມທຶນຈົດທະບຽນ ຈາກ 16 ຕື້ກີບ ມາເປັນ 32 ຕື້ກີບ ແລະ ໃນຕໍ່ໜ້າ ບໍລິສັດ ຈະເປີດໂຕຜະລິດຕະພັນໃໝ່ ຄືຜະລິດຕະພັນ ປະກັນໄພລົດ ພຽງແຕ່ 50.000 ກີບຕໍ່ເດືອນຄຸ້ມຄອງສູງສຸດເຖິງປີລະ 100 ລ້ານກີບຕໍ່ປີ ປັດຈຸບັນຫ້ອງ ການໃໝ່ຂອງບໍລິສັດແມ່ນຕັ້ງຢູ່ຮ່ອມ 4,ບ້ານດົງນາທອງ ເມືອງສີໂຄດຕະບອງ ນະຄອນຫຼວງວຽງຈັນ. (ຂ່າວ: ສະຫວັນຄຳ)