ທະນາຄານຮ່ວມພັດທະນາ ໄດ້ຮັບຂັນລາງວັນໂລ້ຄຳ ລະດັບສາກົນ


...

30.07.2019 13:14     

   ທະນາຄານຮ່ວມພັດທະ ນາໄດ້ຖືກຄັດເລືອກຈາກ The Association OTHERWAYS - Paris ປະເທດຝຣັ່ງ ໃຫ້ໄດ້ຮັບຂັນລາງວັນ ໂລ້ຄຳ THE GOLDEN EUROPE AWARD FOR QUALITY and COMMERCIAL PRESTIGE. ພິທີມອບ-ຮັບຂັນລາງວັນດັ່ງກ່າວແມ່ນໄດ້ຈັດຂຶ້ນໃນເມື່ອບໍ່ດົນຜ່ານມາ ທີ່ນະຄອນຫຼວງ ເບີລີນ ປະເທດເຢຍລະມັນ ຊຶ່ງ ຕາງໜ້າໃຫ້ທະນາຄານຮ່ວມ ພັດທະນາຮັບຂັນລາງວັນຄັ້ງນີ້ແມ່ນທ່ານ ຄຳຮູ້ ທອງທະວີ ສະມາຊິກສະພາບໍລິຫານ ທັງເປັນທີ່ປຶກສາທະນາຄານ ແລະ ທ່ານ ບົວວອນ ຈັນທະນີເລີດ ສະມາຊິກສະພາບໍລິຫານ ທັງ ເປັນຫົວໜ້າຫ້ອງການທະນາ ຄານຮ່ວມພັດທະນາ ແລະ ມອບ ຕໍ່ໃຫ້ທ່ານ ເອກະພັນ ພະພິທັກ ປະທານສະພາບໍລິຫານທະນາ ຄານຮ່ວມພັດທະນາ ເນື່ອງໃນ ໂອກາດກອງປະຊຸມສະຫຼຸບຜົນ ງານ 6 ເດືອນ ຕົ້ນປີ ແລະ ວາງແຜນການ 6 ເດືອນທ້າຍປີ 2019 ໃນວັນທີ 20 ກໍລະກົດຜ່ານມາ. ຂັນລາງວັນໂລ້ຄຳດັ່ງກ່າວ ເປັນລາງວັນທຳອິດທີ່ທະນາ ຄານ ຮ່ວມພັດທະນາໄດ້ຮັບໃນລະ ດັບສາກົນທີ່ເປັນລາງວັນຈາກຢູໂຣບ ທີ່ຢັ້ງຢືນເຖິງການບໍລິການທີ່ມີຄຸນນະພາບ ແລະ ມີຊື່ສຽງທີ່ດີ. ການມອບລາງວັນໃຫ້ຂະ ແໜງການທະນາຄານໃນປີນີ້ມີແຕ່ທະນາຄານຮ່ວມພັດທະນາ (JDB) ທະນາຄານດຽວທີ່ໄດ້ຮັບຂັນລາງວັນດັ່ງກ່າວ. ອົງ ກອນຜູ້ຈັດການມອບລາງວັນໄດ້ຄັດເລືອກບໍລິສັດຕ່າງໆ ທົ່ວໂລກມີທັງໝົດ 30 ບໍລິສັດທີ່ໄດ້ຮັບລາງວັນໃນຄັ້ງນີ້ ສຳລັບປະເທດລາວຂອງພວກເຮົາມີແຕ່ທະນາຄານຮ່ວມພັດທະນາ JDB ທີ່ໄດ້ຖືກຄັດເລືອກ ຊຶ່ງເປັນລາງວັນທີ່ຊົງກຽດຢູ່ໃນລະ ດັບສາກົນ ເພາະຕາມຊື່ຂອງ ລາງວັນແມ່ນ: ລາງວັນໂລ້ຄຳຢູໂຣບ ທີ່ໃຫ້ສໍາລັບບັນດາບໍລິສັດ ຫຼື ວ່າທະນາຄານທີ່ມີການບໍລິ ການທີ່ມີຄຸນນະພາບມີການເຕີບໃຫຍ່, ມີຊື່ສຽງທາງດ້ານການຄ້າ. ທະນາຄານຮ່ວມພັດທະ ນາ JDB ເປັນທະນາຄານທີ່ບໍລິການລູກຄ້າ ດ້ວຍມາດ ຕະ ຖານສາກົນ ISO: 9001: 2015, ບໍລິການດ້ວຍຄວາມສະດວກ, ວ່ອງໄວ ຮັບປະກັນຄວາມປອດໄພ, ສ້າງຄວາມເພິ່ງພໍໃຈໃຫ້ລູກຄ້າ ແລະ ລູກຄ້າກໍ່ມີຄວາມເຊື່ອໝັ້ນຕໍ່ທະນາຄານ ແລະ ມານຳໃຊ້ບໍລິການນັບມື້ນັບເພີ່ມຂຶ້ນ. ອັດຕາການຂະຫຍາຍຕົວ ສະເລ່ຍຕໍ່ປີ ໃນໄລຍະ 6 ປີຜ່ານ ມາ ຍອດຊັບສິນ ເພີ່ມຂຶ້ນ 33%, ເງິນຝາກຂະຫຍາຍຕົວ 37%, ເງິນກູ້ຂະຫຍາຍຕົວ 43% ແລະ ກຳໄລຂະຫຍາຍຕົວ 49% ເຫັນວ່າ ໃນໄລຍະ 6 ປີຜ່ານມາທະນາຄານ JDB ໄດ້ມີການເຕີບໃຫຍ່ຂະຫຍາຍຕົວໄວຮອບດ້ານ. ປັດຈຸບັນກຳ ລັງພັດທະນາໃຫ້ກາຍເປັນທະ ນາຄານທີ່ບໍລິການລູກຄ້າ ດ້ວຍລະບົບ Digital ຫຼື ເອີ້ນວ່າ Digital Banking ມີພະລິດຕະພັນທີ່ຫຼາກຫຼາຍ, ມີລະບົບຕາໜ່າງການບໍລິການກວ້າງຂວາງ ແລະ ມີການເຊື່ອມໂຍງກັບສາກົນເປັນທີ່ຍອມຮັບຂອງລູກຄ້າ ທັງລູກຄ້າພາຍໃນ ແລະ ລູກຄ້າຕ່າງປະເທດ, ຊື່ສຽງຂອງ JDB ນັບມື້ນັບເພີ່ມຂຶ້ນ. ທັງໝົດນັ້ນຄືເຫດຜົນທີ່ພຽງພໍ ໃນການໄດ້ຮັບລາງວັນ ອັນມີກຽດດັ່ງກ່າວ. ຄະນະຜູ້ບໍ ລິຫານ ແລະ ພະນັກງານທະ ນາຄານຮ່ວມພັດທະນາທຸກຄົນມີຄວາມພາກພູມໃຈຫຼາຍທີ່ໄດ້ຮັບລາງວັນໂລ້ຄຳລະດັບສາກົນ ດັ່ງກ່າວ ເປັນການຢັ້ງຢືນເຖິງ ຜົນງານຂອງພະນັກງານທັງໝົດ ທີ່ໄດ້ທຸ້ມເທທຸກເຫື່ອແຮງ, ສະຕິປັນຍາພັດທະນາທະນາ ຄານ JDB ໃຫ້ມີການເຕີບໃຫຍ່ຂະຫຍາຍຕົວ ແລະ ບໍລິການລູກຄ້າດ້ວຍມາດຕະຖານສາກົນ ແລະ ພິເສດສຸດຄືຜົນງານອັນຍິ່ງໃຫຍ່ຂອງລູກຄ້າທຸກຄົນ ແລະ ທຸກພາກສ່ວນທີ່ມີສ່ວນຮ່ວມ JDB ເຊັ່ນດຽວກັນ. (ພາບ-ຂ່າວ: ຄຳຕົ້ນ ວໍລະຈັກ)