ຈີດີບີ ສະຫຼຸບຜົນງານ 6 ເດືອນຕົ້ນປີ ແລະ ວາງແຜນການ 6 ເດືອນທ້າຍປີ 2019


...

02.08.2019 9:26     

   ທະນາຄານຮ່ວມພັດທະ ນາ (ຈີດີບີ) ໄດ້ຈັດກອງປະຊຸມສະຫຼຸບຜົນງານ 6 ເດືອນຕົ້ນປີ ແລະ ວາງແຜນການ 6 ເດືອນທ້າຍປີ 2019 ຂຶ້ນໃນທ້າຍເດືອນກໍລະກົດ ຜ່ານມາ ທີ່ທະນາຄານດັ່ງກ່າວ ໂດຍເປັນກຽດເຂົ້າຮ່ວມຂອງທ່ານ ເອກະພັນ ພະພິທັກ ປະທານສະພາບໍລິຫານທະນາຄານຮ່ວມພັດ ທະນາ ແລະ ຜູ້ບໍລິຫານລະດັບ ສູງຕະຫຼອດຮອດ ຫົວໜ້າໜ່ວຍບໍລິການທີ່ມາຈາກທົ່ວປະເທດເຂົ້າຮ່ວມຢ່າງພ້ອມພຽງ.
ໃນພິທີດັ່ງກ່າວໄດ້ສະຫຼຸບຜົນງານໃນໄລຍະ 6 ເດືອນທີ່ຜ່ານມາ ແລະ ວາງແຜນການ 6 ເດືອນທ້າຍປີ 2019 ໃຫ້ບັນລຸເປົ້າໝາຍທີ່ວາງໄວ້. ໃນກອງປະຊຸມຄັ້ງນີ້ ໄດ້ມີການປັບປຸງໂຄງຮ່າງການຈັດຕັ້ງຄືນໃໝ່ ເພື່ອເຮັດໃຫ້ການຂັບເຄື່ອນທຸ ລະກິດຂອງທະນາຄານຮ່ວມພັດທະນາໄດ້ມີການຂະຫຍາຍ ຕົວຢ່າງບໍ່ຢຸດຢັ້ງ ແລະ ໃຫ້ບຸກທະລຸເປົ້າໝາຍການປ່ອຍສິນເຊື່ອເພື່ອພັດທະນາເສດຖະກິດຂອງປະເທດຊາດ ແລະ ຍົກສູງລະດັບຊີວິດການເປັນຢູ່ຂອງປະຊາຊົນບັນດາເຜົ່າ ແລະ ພະນັກງານລັດຖະກອນໃຫ້ດີຂຶ້ນເທື່ອລະກ້າວ. ທ່ານ ເອກະພັນ ພະພິທັກ ໄດ້ອອກຂໍ້ຕົກລົງແຕ່ງຕັ້ງ ທ່ານ ວິໄລ ສີພະພອນ ເປັນຜູ້ອໍານວຍການໃຫຍ່ຄົນໃໝ່ ແລະ ແຕ່ງຕັ້ງ ທ່ານ ບຸນສະຫວ່າງ ພິລາໄຊພິທັກ ຜູ້ອໍານວຍການໃຫຍ່ຄົນເກົ່າ ໄປເປັນສະມາຊິກສະພາບໍລິຫານ ທະນາຄານຮ່ວມພັດທະນາ.
ທະນາຄານຮ່ວມພັດ ທະນາ JDB ເປັນທະນາຄານ ທີ່ບໍລິການລູກຄ້າ ດ້ວຍມາດ ຕະຖານສາກົນ ISO: 9001: 2015, ບໍລິການດ້ວຍຄວາມສະດວກ, ວ່ອງໄວຮັບປະກັນຄວາມປອດໄພ, ສ້າງຄວາມປະທັບໃຈ ໃຫ້ລູກຄ້າ ແລະ ລູກຄ້າ ກໍມີຄວາມເຊື່ອໝັ້ນ ຕໍ່ທະນາຄານ ແລະ ມານໍາໃຊ້ບໍລິການ ນັບມື້ນັບເພີ່ມຂຶ້ນ. ອັດຕາການຂະຫຍາຍຕົວ ສະເລ່ຍຕໍ່ປີ ໃນໄລຍະ 6 ປີ ຜ່ານມາ ຍອດຊັບສິນເພີ່ມຂຶ້ນ 33%, ເງິນຝາກຂະຫຍາຍຕົວ 37%, ເງິນກູ້ ຂະຫຍາຍຕົວ 43% ແລະ ກໍາໄລ ຂະຫຍາຍຕົວ 49% ເຫັນວ່າໃນໄລຍະ 6 ປີ ຜ່ານມາ ທະນາຄານ JDB ໄດ້ມີການເຕີບໃຫຍ່ຂະຫຍາຍຕົວໄວຮອບດ້ານ ປັດຈຸບັນກໍາລັງພັດທະນາໃຫ້ກາຍເປັນທະນາຄານທີ່ບໍລິການລູກຄ້າ ດ້ວຍລະບົບ Digital ຫຼື ເອີ້ນວ່າ Digital Banking ມີຜະລິດຕະພັນທີ່ຫຼາກຫຼາຍ, ມີລະບົບຕາໜ່າງການບໍລິການກ້ວາງຂວາງ ແລະ ມີການເຊື່ອມໂຍງກັບສາກົນ ເປັນທີ່ຍອມຮັບ ຂອງລູກຄ້າທັງລູກຄ້າພາຍໃນປະເທດ ແລະ ລູກຄ້າຕ່າງປະເທດ, ຊື່ສຽງຂອງ JDB ນັບມື້ນັບເພີ່ມຂຶ້ນ. ທັງໝົດກໍແມ່ນຜົນງານຂອງພະນັກງານທັງໝົດ ທີ່ໄດ້ທຸ້ມເທທຸກເຫື່ອແຮງ, ສະຕິປັນຍາ ພັດທະນາທະນາຄານ JDB ໃຫ້ມີການເຕີບໃຫຍ່ຂະຫຍາຍຕົວ ແລະ ບໍລິການລູກຄ້າດ້ວຍມາດຕະຖານສາກົນ, JDB ມຸ່ງໝັ້ນໃນການບໍລິການທາງດ້ານການເງິນແບບຄົບວົງຈອນ ໃຫ້ແກ່ປະຊາຊົນບັນດາເຜົ່າໄດ້ມີຄວາມສະດວກສະບາຍໃນການເຂົ້າຫາແຫຼ່ງທຶນທີ່ໝັ້ນຄົງ ແລະ ການບໍລິການທີ່ສະດວກສະບາຍ , ທະນາຄານຮ່ວມພັດທະນາມີແຫຼ່ງທຶນພຽງພໍທີ່ຈະສະໜອງໃຫ້ລູກຄ້າ ເພື່ອສະໜັບສະໜູນທຸລະກິດຂອງລູກຄ້າໃຫ້ມີຄວາມເຕີບໃຫຍ່ຂະຫຍາຍຕົວຂຶ້ນໄປເລື້ອຍໆ, ສົມກັບຄໍາຂວັນທີ່ວ່າ "ເຕີບໃຫຍ່ໄປພ້ອມກັນ".
(ພາບ - ຂ່າວ: ຄໍາຕົ້ນ ວໍລະຈັກ)