JDB ເຊັນບົດບັນທຶກຄວາມເຂົ້າໃຈ (MOU) ກັບທະນາຄານ Exim Thailand


...

05.09.2019 8:48     

   ພິທີເຊັນບົດບັນທຶກຄວາມເຂົ້າໃຈ MOU ລະຫວ່າງ ທະນາຄານຮ່ວມພັດທະນາ (JDB) ແລະ ທະນາຄານ ເພື່ອການສົ່ງ ອອກ ແລະ ນໍາເຂົ້າ ແຫ່ງ ປະເທດໄທ Exim Thailand ໄດ້ຈັດຂຶ້ນໃນວັນທີ 30 ສິງຫາຜ່ານມາ ທີ່ສໍານັກງານໃຫຍ່ທະນາ ຄານ JDB ນະຄອນຫຼວງວຽງ ຈັນ ໂດຍເປັນກຽດເຂົ້າຮ່ວມ ຂອງທ່ານ ເອກະພັນ ພະພິທັກ ປະທານສະພາບໍລິຫານທະ ນາຄານຮ່ວມພັດທະນາຕະ ຫຼອດເຖິງຜູ້ບໍລິຫານລະດັບສູງ ຂອງທະນາຄານຮ່ວມພັດທະ ນາ, ຝ່າຍທະນາຄານ ເພື່ອການ ສົ່ງອອກ ແລະ ນໍາເຂົ້າ ແຫ່ງ ປະ ເທດໄທ Exim Thailand, ມີທ່ານ ສິດທິກອນ ດິເຣກສູນທອນ ຮອງກໍາມະການຜູ້ຈັດການ Exim Thailand ພ້ອມດ້ວຍຜູ້ບໍລິຫານ ລະດັບສູງເຂົ້າຮ່ວມ. ຈຸດປະສົງຂອງການເຊັນສັນຍາຄັ້ງນີ້ ເພື່ອເປັນການສະ ໜັບສະໜູນທາງດ້ານການ ເງິນໃຫ້ກັບລູກຄ້າຂອງທະນາ ຄານຮ່ວມພັດທະນາ JDB ແລະ ລູກຄ້າຂອງ Exim Thailand ໃຫ້ມີຄວາມສະດວກສະບາຍ ໃນການເຂົ້າເຖິງແຫຼ່ງທຶນຂອງ 2 ທະນາຄານດັ່ງກ່າວ. ທ່ານ ວິວັດ ກິດຕິພົງໂກສົນ ທີ່ປຶກສາດ້ານເສດຖະກິດທະ ນາຄານຮ່ວມພັດທະນາໄດ້ນໍາ ສະເໜີພາບລວມຂອງເສດຖະ ກິດ ຂອງ ສປປ ລາວ ໃນກຸ່ມເສດຖະກິດອາຊຽນ ແລະ ທ່າ ແຮງຄວາມອາດສາມາດໃນການຂະຫຍາຍຕົວດ້ານເສດຖະກິດ-ສັງຄົມຂອງລາວ ແລະ ການຂະຫຍາຍຕົວຢ່າງບໍ່ຢຸດຢັ້ງຂອງທະນາຄານຮ່ວມພັດ ທະນາ JDB ຊຶ່ງປີນີ້, ໄດ້ຄົບ ຮອບ 30 ປີ ຈາກ 4 ໜ່ວຍບໍລິການ ໃນ ປີ 2012 ມາເປັນ 60 ໜ່ວຍບໍລິການ ໃນປີ 2019 ເພື່ອຂັບເຄື່ອນທຸລະກິດ ຂອງທະນາຄານຮ່ວມພັດທະນາໄດ້ມີການຂະຫຍາຍຕົວຢ່າງບໍ່ຢຸດຢັ້ງ ແລະ ໃຫ້ບຸກທະລຸເປົ້າໝາຍການປ່ອຍສິນເຊື່ອ ໃຫ້ໄດ້ຕາມເປົ້າໝາຍ KPI ທີ່ວາງໄວ້ ເພື່ອພັດທະນາເສດຖະກິດຂອງປະເທດຊາດ ແລະ ຍົກສູງລະດັບຊີວິດການເປັນຢູ່ຂອງປະຊາຊົນບັນດາເຜົ່າ ແລະ ພະນັກງານ ລັດຖະກອນໃຫ້ດີຂຶ້ນເທື່ອລະກ້າວ. ທ່ານ ສິດທິກອນ ດິເຣກສູນທອນ ໄດ້ມີຄໍາເຫັນ ຊຶ່ງໄດ້ ຍົກໃຫ້ເຫັນພາບລວມຂອງທະ ນາຄານ ເພື່ອການສົ່ງອອກ ແລະ ນໍາເຂົ້າ ແຫ່ງ ປະເທດໄທ Exim Thailand ຊຶ່ງເປັນສະຖາບັນການເງິນສະເພາະກິດ ຂອງລັດ ຊຶ່ງຢູ່ພາຍໃຕ້ການຊີ້ນໍາດູແລຂອງກະຊວງການເງິນ ແລະ ເປັນລັດວິສາຫະກິດ ຊຶ່ງຢູ່ພາຍໃຕ້ການຄຸ້ມຄອງ ຂອງທະນາຄານກາງ ແຫ່ງປະ ເທດໄທ. Exim Thailand ໃຫ້ການບໍລິການ ທາງດ້ານການເງິນ, ການຄ້າ, ການລົງທຶນ, ການຮັບປະກັນ ສະເພາະຜູ້ທີ່ສົ່ງອອກ ແລະ ນໍາເຂົ້າຈາກຕ່າງປະເທດ ລວມເຖິງຜູ້ທີ່ຈະລົງທຶນໄປໃນຕ່າງປະເທດ ຫຼື ຜູ້ທີ່ລົງທຶນເຂົ້າໃນປະເທດໄທ ເພື່ອພັດທະນາໂຄງລ່າງພື້ນຖານ. ຈາກນັ້ນກໍໄດ້ມີພິທີ ເຊັນບົດບັນທຶກຄວາມເຂົ້າໃຈ MOU, ຝ່າຍທະນາຄານຮ່ວມພັດທະນາ JDB ລົງນາມໂດຍ ທ່ານ ວິໄລ ສີພະພອນ ຜູ້ອໍານວຍການໃຫຍ່ ທະນາຄານຮ່ວມພັດທະນາ ແລະ ຝ່າຍທະນາຄານ ເພື່ອການສົ່ງອອກ ແລະ ນໍາເຂົ້າ ແຫ່ງ ປະເທດໄທ Exim Thailand ລົງນາມໂດຍ ທ່ານ ພິສິດ ເສຣີ ວິວັດທະນາ ກໍາມະການຜູ້ຈັດການທະນາຄານ Exim Thailand ໂດຍການເປັນສັກຂີພິຍານໂດຍ ຜູ້ບໍລິຫານລະດັບສູງທັງສອງຝ່າຍ . ທະນາຄານຮ່ວມພັດ ທະນາ JDB ເປັນທະນາຄານ ທີ່ບໍລິການລູກຄ້າດ້ວຍມາດ ຕະຖານສາກົນ ISO:9001: 2015, ບໍລິການດ້ວຍຄວາມສະດວກ, ວ່ອງໄວຮັບປະກັນຄວາມປອດໄພ, ສ້າງຄວາມປະທັບໃຈໃຫ້ລູກຄ້າ ແລະ ລູກ ຄ້າກໍ່ມີຄວາມເຊື່ອໝັ້ນຕໍ່ທະ ນາຄານ ແລະ ມານໍາໃຊ້ບໍລິ ການ ນັບມື້ນັບເພີ່ມຂຶ້ນ. JDB ໄດ້ມີການເຕີບໃຫຍ່ຂະຫຍາຍຕົວໄວຮອບດ້ານ. ປັດຈຸບັນກໍາລັງພັດທະນາໃຫ້ກາຍເປັນທະນາຄານ ທີ່ບໍລິການລູກຄ້າ ດ້ວຍລະບົບ Digital ຫຼື ເອີ້ນວ່າ Digital Banking ມີຜະລິດຕະພັນທີ່ຫຼາກຫຼາຍ, ມີລະບົບຕາໜ່າງການບໍລິການກວ້າງຂວາງ ແລະ ມີການເຊື່ອມໂຍງກັບສາກົນ, ທະນາຄານຮ່ວມພັດທະນາມີແຫຼ່ງທຶນພຽງພໍທີ່ຈະສະໜອງໃຫ້ລູກຄ້າ ເພື່ອສະໜັບສະໜູນທຸລະກິດຂອງລູກຄ້າໃຫ້ມີຄວາມເຕີບໃຫຍ່ຂະຫຍາຍຕົວຂຶ້ນໄປເລື້ອຍໆ, ສົມກັບຄຳຂວັນທີ່ວ່າ "ເຕີບໃຫຍ່ໄປພ້ອມກັນ". (ຂ່າວ-ພາບ: ຄໍາຕົ້ນ ວໍລະຈັກ)