ອຄ ຊີ້ແຈງ ມີພຽງບາງຊະນິດສິນຄ້າເທົ່ານັ້ນ ທີ່ປັບຂຶ້ນລາຄາ

15.11.2019 8:30     

  ໃນວາລະດໍາເນີນກອງປະຊຸມສະໄໝສາມັນ ເທື່ອທີ 8 ຂອງສະພາແຫ່ງຊາດ ຊຸດທີ VIII ໃນວັນທີ 13 ພະຈິກ ພາຍໃຕ້ການເປັນປະທານຂອງທ່ານ ນາງ ປານີ ຢາທໍ່ຕູ້ ປະທານສະ ພາແຫ່ງຊາດ, ທ່ານ ນາງ ເຂັມມະນີ ພົນເສນາ ລັດຖະມົນຕີກະຊວງ ອຸດສາຫະກໍາ ແລະ ການຄ້າ (ອຄ) ໄດ້ຊີ້ແຈງຕໍ່ຄໍາຊັກຖາມ ຂອງສະມາຊິກສະພາແຫ່ງ ຊາດກ່ຽວກັບວຽກງານຄຸ້ມຄອງ ລາຄາສິນຄ້າ, ຄ່າບໍລິການ ແລະ ມາດຕະການແກ້ໄຂ ເພື່ອຫຼຸດ ຜ່ອນຜົນກະທົບຕໍ່ການຜະລິດ ແລະ ການດໍາລົງຊີວິດຂອງປະ ຊາຊົນ. ທ່ານ ນາງ ເຂັມມະນີ ພົນເສນາ ກ່າວວ່າ: ກະຊວງອຸດ ສາຫະກຳ ແລະ ການຄ້າ ໄດ້ສົມ ທົບກັບພາກສ່ວນກ່ຽວຂ້ອງລົງຕິດຕາມກວດກາການເໜັງຕີງຂອງລາຄາສິນຄ້າ ຊຶ່ງຜ່ານການລົງຕິດຕາມ ເຫັນວ່າລາຄາສິນ ຄ້າມີຄວາມສະຫງົບ ໂດຍພື້ນ ຖານ, ບໍ່ມີການປັບຂຶ້ນແບບກ້າວກະໂດດ ແລະ ການປັບຂຶ້ນກໍມີບາງປະເພດສິນຄ້າເທົ່ານັ້ນ. ກະຊວງອຸດສາຫະກຳ ແລະ ການຄ້າ ໄດ້ວາງ 5 ແຜນ ງານຄື: ແຜນງານນິຕິກໍາ ໂດຍ ໄດ້ ແຕ່ງຕັ້ງຄະນະຊີ້ນໍາວຽກງານ ຄຸ້ມຄອງລາຄາສິນ ຄ້າ ແລະ ຄ່າບໍລິການ, ແຜນງານຄຸ້ມຄອງ ແລະ ສົ່ງເສີມລະບົບຕາໜ່າງ ການຕະຫຼາດ ໂດຍໄດ້ມອບໃຫ້ຂະແໜງອຸດສາຫະກໍາ ແລະ ການຄ້າແຂວງ, ນະຄອນຫຼວງເປັນເຈົ້າການຮ່ວມກັບຂະແໜງ ການກ່ຽວຂ້ອງ ແລະ ຜູ້ປະກອບການລົງຈັດຕັ້ງປະຕິບັດຕົວຈິງ ໂດຍຍົກເອົາຕະຫຼາດ ໃນເທດ ສະບານແຂວງ ແລະ ເມືອງ ເພື່ອສ້າງເປັນຕະຫຼາດຕະຫຼາດຕົວແບບໃຫ້ໄດ້ຕາມມາດຖານເງື່ອນໄຂ. ປັດຈຸບັນຢູ່ນະຄອນຫຼວງວຽງຈັນ ກະຊວງອຸດສາຫະກໍາ-ການຄ້າ, ພະແນກນະຄອນຫຼວງ ແລະ ຫ້ອງການເມືອງ ຢັ້ງຢືນມາດຕະຖານຕະຫຼາດມາດຕະ ຖານໄດ້ທັງໝົດໄດ້ 5 ແຫ່ງຄື: ຕະຫຼາດໂຊກທະວີ, ຕະຫຼາດສົ່ງເສີມກະສິກໍາ ເມືອງນາຊາຍ ທອງ, ຕະຫຼາດລາວ-ອົດຊີ ເມືອງສີໂຄດຕະບອງ, ຕະຫຼາດສະອາດ ບ້ານດົງຄໍາຊ້າງ ເມືອງຫາດຊາຍຟອງ ແລະ ຕະຫຼາດໂພນຕ້ອງ-ຈອມມະນີ ເມືອງຈັນ ທະບູລີ, ສ່ວນຢູ່ທ້ອງຖິ່ນ ພະແນກ ອຄ ແຂວງ ແລະ ເມືອງໄດ້ປະສານສົມທົບກັບທ້ອງຖິ່ນກ່ຽວຂ້ອງຄຸ້ມຄອງ ແລະ ປັບປຸງຕະຫຼາດຈໍາໜ່າຍຢູ່ບັນດາເມືອງ ແລະ ຕະຫຼາດເຂດຊຸມຊົນ, ຕະຫຼາດນັດຈາກເຂດຊຸມຊົນ, ຕະຫຼາດນັດຈາກ ເຂດຕົວເມືອງຮອດເຂດຊົນນະ ບົດຫ່າງໄກສອກຫຼີກ ເພື່ອເປັນການພັດທະນາລະບົບຕາໜ່າງຕະຫຼາດໃຫ້ກວ້າງ ແລະ ເຮັດໃຫ້ປະຊາຊົນຜູ້ຊົມໃຊ້ມີບ່ອນຊື້-ຂາຍຫຼາຍຂຶ້ນ. ແຜນງານຄຸ້ມຄອງລາຄາສິນຄ້າ ໂດຍສະເພາະແມ່ນລາຄາຂາຍຍົກ-ຂາຍຍ່ອຍ, ກະ ຊວງ ອຄ ໄດ້ເປັນເຈົ້າການໃນ ການຈັດຕັ້ງປະຕິບັດວຽກງານຄຸ້ມຄອງລາຄາສິນຄ້າ ແລະ ຄ່າ ບໍລິການຢ່າງຕັ້ງໜ້າ ພ້ອມທັງມີ ກົນໄກປະສານງານກັບຂະ ແໜງການກ່ຽວຂ້ອງຂັ້ນສູນກາງ ແລະ ທ້ອງຖິ່ນປະສານສົມ ທົບ ໃນການກວດກາຕິດ ຕາມ, ຄຸ້ມຄອງລາຄາສິນຄ້າໂດຍສະ ເພາະສິນຄ້າອຸປະໂພກ-ບໍລິ ໂພກ, ເຄື່ອງໃຊ້ສອຍປະຈໍາວັນ. ຮອດປັດຈຸບັນມີ 6 ຂະແໜງ ການໄດ້ສ້າງຕັ້ງອົງການຄຸ້ມຄອງ ຫຼື ຈຸດປະສານງານຕາມດໍາລັດ ວ່າດ້ວຍການຄຸ້ມຄອງລາຄາ ແລະ ຄ່າບໍລິການ ແລະ ຍັງ 2 ຂະແໜງການຍັງບໍ່ທັນໄດ້ສ້າງຕັ້ງອົງການຄຸ້ມຄອງ ຫຼື ຈຸປະສານງານຂອງຕົນເອງ. ສໍາລັບຂັ້ນທ້ອງຖິ່ນ ແຕ່ລະແຂວງກໍໄດ້ແຕ່ງຕັ້ງຄະນະຊີ້ນໍາວຽກງານດັ່ງກ່າວ ພ້ອມທັງໄດ້ປຶກສາຫາລືແບ່ງຄວາມຮັບຜິດຊອບ ເພື່ອຄຸ້ມຄອງ, ຄົ້ນ ຄວ້າ, ວິໄຈສາເຫດການເໜັງຕີງຂອງລາຄາສິນຄ້າໄດ້ກໍານົດໂຄງປະກອບລາຄາຂາຍຍົກ-ຂາຍຍ່ອຍຂອງສິນຄ້າຄວບຄຸມ ໂດຍສະເພາະເຂົ້າ, ຊີ້ນ, ປາ, ເຫຼັກ, ຊີມັງ ເຫຼົ່ານີ້ ເປັນຕົ້ນ. ທ່ານກ່າວອີກວ່າ: ພາກ ສ່ວນກ່ຽວຂ້ອງໄດ້ສົມທົບກັບບໍລິສັດນໍາເຂົ້າ-ສົ່ງອອກຈໍານວນໜຶ່ງ ໃນການສ້າງໂຄງປະ ກອບລາຄາຂາຍຍົກ-ຂາຍຍ່ອຍ ເພື່ອກ້າວໄປເຖິງການກໍານົດອັດຕາກໍາໄລໃຫ້ຜູ້ປະກອບການຢ່າງສົມເຫດສົມຜົນ (ກໍາໄລໃຫ້ບໍລິສັດທີ່ນໍາເຂົ້າ ຫຼື ຜູ້ຜະລິດ 10-20%) ຂອງຕົ້ນທຶນຕົວຈິງ. ສຳລັບຢູ່ນະຄອນຫຼວງວຽງຈັນ ໄດ້ກໍານົດລາຄາສິນຄ້າຂາຍຍົກ-ຂາຍຍ່ອຍບາງປະເພດສິນ ຄ້າ ເຊັ່ນ: ຊີ້ນໝູ ປະເພດ 1 (ຊີ້ນກ້ອນ, ຊີ້ນສັນ ແລະ ດູກຂ້າງ) ສູງສຸດບໍ່ໃຫ້ເກີນ 36 ພັນກີບຕໍ່ໂລ, ຊີ້ນໝູປະເພດ 2 (ຊີ້ນ ລວມ) ລາຄາຂາຍຍ່ອຍສູງສຸດບໍ່ໃຫ້ເກີນ 33 ພັນກີບຕໍ່ໂລ. ຜ່ານການປະຕິບັດ 5 ແຜນ ງານດັ່ງກ່າວ, ເຫັນວ່າ ເຮັດ ໃຫ້ລາຄາສິນຄ້າ ແລະ ການບໍລິການມີຄວາມສະຫງົບໂດຍພື້ນຖານ, ບໍ່ມີການຂຶ້ນລາຄາແບບກະໂດດແຮງ, ມີພຽງບາງຊະນິດສິນຄ້າທີ່ຂຶ້ນລາຄາຕາມລະດູການ. (ພາບ-ຂ່າວ: ແສງຈັນ)