ການນຳ ສສຍລ ຊຸກຍູ້ວຽກງານຮັກສາສຸຂະພາບຢູ່ທ້ອງຖິ່ນ


...

   ທ່ານ ນາງ ອິນລາວັນ ແກ້ວບຸນພັນ ກຳມະການສູນ ກາງພັກ ປະທານຄະນະບໍລິຫານ ງານ ສູນກາງສະຫະພັນແມ່ຍິງ ລາວ (ສສຍລ) ໄດ້ລົງຕິດຕາມຊຸກ ຍູ້ກິດຈະກຳການເຄື່ອນໄຫວ ວຽກງານຢອດຢາ-ສັກຢາປ້ອງ ກັນພະຍາດທີ່ບ້ານຜາເມືອງ ເມືອງບໍລິຄັນ ແຂວງບໍລິຄຳໄຊ ເມື່ອບໍດົນມານີ້ ການຢອດຢາ- ສັກຢາປ້ອງກັນພະຍາດທີ່ບ້ານ ຜາເມືອງ ເລີ່ມຈັດຕັ້ງປະຕິບັດ ມາແຕ່ເດືອນຕຸລາ 2005 ເປັນ ຕົ້ນມາ ປັດຈຸບັນວຽກງານດັ່ງ ກ່າວແມ່ນຢູ່ໃນຮອບທີ 10 ແລະ ມີປະຊາຊົນນຳເອົາລູກຫຼານ ມາຮັບການຢອດຢາ-ສັກຢາ ປ້ອງກັນພະຍາດຢ່າງເປັນຂະ ບວນຟົດຟື້ນ. ກິດຈະກຳດັ່ງ ກ່າວແມ່ນເພື່ອປ້ອງກັນບໍ່ໃຫ້ ເດັກເປັນພະຍາດໂປລີໂອ ແລະ ພະຍາດໝາກແດງນ້ອຍ, ໝາກແດງໃຫຍ່ ໃນໂອກາດທີ່ ມີຄວາມໝາຍສຳຄັນນີ້ ທ່ານ ນາງ ອິນລາວັນ ແກ້ວບຸນພັນ ໄດ້ປຸກລະດົມປະຊາຊົນ ຈົ່ງ ເອົາໃຈໃສ່ໃນການຮັກສາສຸຂະ ພາບ ໂດຍສະເພາະແມ່ນການ ຮັກສາສຸຂະພາບຂອງແມ່ ແລະ ເດັກ ແລະ ໃຫ້ມີສະຕິໃນການ ເບິ່ງແຍງສຸຂະພາບຂອງລູກ ຫຼານທີ່ມີອາຍຸ 1 ປີ ລົງມາ ຄວນ ພາລູກຫຼານມາຮັບການຢອດ ຢາ-ສັກຢາປ້ອງກັນພະຍາດ ຢ່າງເປັນປົກກະຕິ ເພື່ອເຮັດໃຫ້ ເດັກນ້ອຍມີພູມຕ້ານທານທີ່ ແຂງແຮງສາມາດປ້ອງກັນພະ ຍາດຕ່າງໆໄດ້. ກິດຈະກຳໃນ ຄັ້ງນີ້ເຂົ້າຮ່ວມໂດຍທ່ານ ນາງ ບຸນຊອນ ວໍລະສານ ກຳມະ ການພັກແຂວງ ປະທານ ສຍ ແຂວງບໍລິຄຳໄຊ, ທ່ານ ໂພວາ ພົມມາບຸດດີ ຄະນະປະຈຳພັກ ເມືອງ ປະທານແນວລາວສ້າງ ຊາດເມືອງບໍລິຄັນ, ພ້ອມອົງ ການປົກຄອງບ້ານຜາເມືອງ, ພໍ່ ແມ່ປະຊາຊົນ ແລະ ພາກສ່ວນ ທີ່ກ່ຽວຂ້ອງເຂົ້າຮ່ວມ. ໃນໂອກາດດຽວກັນນີ້ ທ່ານ ນາງ ບົວຈັນ ສີຫານາດ ຮອງປະທານຄະນະບໍລິຫານ ງານ ສສຍລ ກໍໄດ້ລົງເຄື່ອນ ໄຫວຊຸກຍູ້ວຽກງານຢອດຢາ- ສັກຢາປ້ອງກັນພະຍາດແຫ່ງ ຊາດ ຮອບວຽນ ທີ 8 ທີ່ບ້ານ ນາບົວ ເມືອງໝື່ນ ແຂວງວຽງ ຈັນ ເຫັນວ່າສາມາດເຮັດສຳ ເລັດແລ້ວ 74% ຍັງບໍ່ສາມາດ ບັນລຸໄດ້ 26% ຂອງຈຳນວນ ເດັກນ້ອຍທັງໝົດ. ນອກຈາກ ນີ້, ທ່ານຍັງໄດ້ລົງປຸກລະດົມ ບັນດາຄອບຄົວທີ່ຍັງບໍ່ເຂົ້າໃຈ ກ່ຽວກັບວຽກງານການສັກຢາ- ຢອດຢາໄດ້ສຳເລັດຕື່ມອີກ 5 ຄອບຄົວ ໃນຈຳນວນທັງໝົດ 8 ຄອບຄົວ. ເຂົ້າຮ່ວມກິດຈະກຳ ໃນຄັ້ງນີ້ມີທ່ານ ນາງ ຈັນທະບູນ ໂພສາລາດ ປະທານສະຫະພັນ ແມ່ຍິງ ແຂວງວຽງຈັນ, ມີຕາງ ໜ້າຂະແໜງສາທາລະນະສຸກ ເມືອງ, ການຈັດຕັ້ງບ້ານ ແລະ ປະຊາຊົນເຂົ້າຮ່ວມຢ່າງພ້ອມ ພຽງ. (ຂ່າວ: ສູນກາງສະຫະ ພັນແມ່ຍິງລາວ)