ອາດສະພອນ ທຳລາຍສິນຄ້າໝົດອາຍຸ


...

   ເມື່ອບໍ່ດົນຜ່ານມານີ້ ຢູ່ສະໜາມຖິ້ມຂີ້ເຫຍື້ອເກົ່າ ບ້ານທາດດອກແກ້ວ ເມືອງອາດ ສະພອນ ແຂວງສະຫວັນນະເຂດ ໄດ້ຈັດພິທີທຳລາຍສິນຄ້າຫ້າມ ຈຳໜ່າຍ, ສິນຄ້າເສື່ອມຄຸນ ແລະ ສິນຄ້າໝົດອາຍຸນຳໃຊ້ໂດຍການ ເຂົ້າຮ່ວມເປັນປະທານ ຂອງທ່ານ ແສງທອງ ວັງແກ້ວມະນີ ກຳ ມະການພັກແຂວງ ເລຂາພັກ ເມືອງ ເຈົ້າເມືອງອາດສະພອນ, ມີການນຳຂອງເມືອງພ້ອມດ້ວຍ ຫ້ອງການຕ່າງໆອ້ອມຂ້າງ ເມືອງເຂົ້າຮ່ວມຢ່າງພ້ອມພຽງ. ທ່ານ ອິນທິພອນ ໄຊຍະ ວົງສາ ກຳມະການພັກເມືອງ ຫົວໜ້າຫ້ອງການອຸດສາຫະ ກຳ ແລະ ການຄ້າເມືອງ ໄດ້ ລາຍງານການຈັດຕັ້ງປະຕິບັດ ວຽກງານກວດກາການຄ້າ ສົກ ປີ 2015-2016 ຊຶ່ງໃຫ້ຮູ້ວ່າ: ໃນການກວດກາຕົວຈິງຂອງຄະ ນະກຳມະການກວດກາ ແລະ ປົກປ້ອງຜູ້ຊົມໃຊ້ຂັ້ນເມືອງ ແລະ ຈຸງານກວດກາການຄ້າຂັ້ນເມືອງ ຂອງຫ້ອງການອຸດສາຫະກຳ ແລະ ການຄ້າເມືອງຂອງພວກ ເຮົາສາມາດຢຶດ ແລະ ອາຍັດ ສິນຄ້າທີ່ຫ້າມນຳເຂົ້າ, ສິນຄ້າ ນຳເຂົ້າບໍ່ຖືກຕ້ອງ, ສິນຄ້າຫ້າມ ຈຳໜ່າຍ, ສິນຄ້າເສື່ອມຄຸນນະ ພາບ ແລະ ໝົດອາຍຸການນຳ ໃຊ້ ຊຶ່ງມີລາຍລະອຽດດັ່ງນີ້: ສິນ ຄ້າປະເພດເຄື່ອງໃຊ້ເຂົ້າໃນ ດ້ານກະສິກຳ 9 ລາຍການ, ປະ ເພດເຄື່ອງສຳອາງມີ 43 ລາຍ ການ, ສິນຄ້າປະເພດອາຫານ ສຳເລັດຮູບ, ເຄື່ອງປຸງແຕ່ງອາ ຫານມີ 9 ລາຍການ, ປະເພດ ເຄື່ອງດື່ມມີ 22 ລາຍການ, ປະ ເພດເຂົ້າໜົມມີ 8 ລາຍການ, ລວມມູນຄ່າທັງໝົດ 20 ລ້ານ ກວ່າກີບ.