ເຊັນສັນຍາວ່າດ້ວຍການບໍລິການຊຳລະຄ່າບໍລິການ ຕ່າງໆຜ່ານ ທຄຕລ


...

   ທະນາຄານການຄ້າ ຕ່າງປະເທດລາວ ມະຫາຊົນ (ທຄຕລ) ແລະ ບໍລິສັດກຸງສີບໍ ລິການເຊົ່າສິນເຊື່ອ ຈຳກັດໄດ້ ຮ່ວມກັນລົງນາມໃນສັນຍາ ການຮ່ວມມືວ່າດ້ວຍການບໍລິ ການຊຳລະຄ່າບໍລິການຕ່າງໆ ຜ່ານ ທຄຕລ. ພິທີເຊັນສັນຍາ ດັ່ງກ່າວໄດ້ຈັດຂຶ້ນໃນວັນທີ 6 ຜ່ານມາ ນີ້ ທີ່ ທຄຕລ ໂດຍ ການຮ່ວມລົງນາມລະຫວ່າງ ທ່ານ ພັນຊະນະ ຄຸນນຸວົງ ຮອງ ຜູ້ອຳນວຍການທະນາຄານ ການຄ້າຕ່າງປະເທດລາວ ມະ ຫາຊົນ ແລະ ທ່ານ ຊັດຊະວານ ເພີ່ມສຸກຈາຣູຊັບ ກຳມະການ ຜູ້ຈັດການໃຫຍ່ບໍລິສັດກຸງສີບໍ ລິການເຊົ່າສິນເຊື່ອຈຳກັດໂດຍ ການໃຫ້ກຽດເຂົ້າຮ່ວມເປັນສັກ ຂີພິຍານຂອງທ່ານ ຄຳສຸກ ສູນ ດາລາ ຮອງປະທານສະພາບໍລິ ຫານ ທຄຕລ ພ້ອມດ້ວຍແຂກ ຖືກເຊີນ ແລະ ພາກສ່ວນທີ່ກ່ຽວ ຂ້ອງທັງສອງຝ່າຍເຂົ້າຮ່ວມ. ສັນຍາວ່າດ້ວຍການບໍລິ ການຊຳລະຄ່າບໍລິການຜ່ານ ທຄຕລ ທີ່ເຊັນໃນຄັ້ງນີ້ ຈຸດປະ ສົງຫຼັກແມ່ນການຕົກລົງຮ່ວມ ມືກັນລະຫວ່າງ ທຄຕລ ແລະ ບໍ ລິສັດ ກຸງສີ ບໍລິການເຊົ່າສິນເຊື່ອ ຈຳກັດ ໃນການອຳນວຍຄວາມ ສະດວກໃຫ້ແກ່ລູກຄ້າບໍລິສັດ ກຸງສີ ບໍລິການເຊົ່າສິນເຊື່ອເພື່ອ ສາມາດຊຳລະຄ່າຜ່ອນສິນຄ້າ ຜ່ານຊ່ອງທາງຕ່າງໆຂອງ ທຄຕລ ເຊັ່ນ: ຜ່ານຊ່ອງທາງເຄົາເຕີ້, ຜ່ານຊ່ອງທາງ BCELONE, ຜ່ານຊ່ອງທາງ I-BANK ແລະ ຜ່ານຊ່ອງທາງ ATM. ນອກຈາກນີ້, ລູກຄ້າຍັງ ສາມາດເລືອກບໍລິການຊຳລະ ເງິນແບບອັດຕະໂນມັດ (Auto -Payment) ເຊິ່ງ Auto-Pay ment ເປັນບໍລິການຕັດເງິນ ຈາກບັນຊີຂອງລູກຄ້າຂອງບໍລິ ສັດທີ່ມີບັນຊີຢູ່ທະນາຄານ ການຄ້າຕ່າງປະເທດລາວເຂົ້າ ບັນຊີບໍລິສັດ ເພື່ອຊຳລະຄ່າບໍ ລິການຕ່າງໆຕາມການຕົກລົງ ເຫັນດີລະຫວ່າງລູກຄ້າ ແລະ ບໍລິສັດ ໂດຍລູກຄ້າບໍ່ຈຳເປັນ ຕ້ອງເດີນທາງເຂົ້າມາດຳເນີນ ທຸລະກຳຢູ່ທະນາຄານ ຫຼື ເດີນ ທາງໄປຊຳລະເງິນໃຫ້ບໍລິສັດ. ທ່ານ ພັນຊະນະ ຄຸນນຸວົງ ໄດ້ກ່າວວ່າ: "ການຮ່ວມມືໃນ ຄັ້ງນີ້ລະຫວ່າງ ທຄຕລ ແລະ ບໍລິສັດກຸງສີບໍລິການເຊົ່າສິນ ເຊື່ອຖືວ່າເປັນຂີດໝາຍອັນສຳ ຄັນຕໍ່ ທຄຕລ ໃນການເພີ່ມ ຄວາມຫຼາກຫຼາຍດ້ານຊ່ອງທາງ ບໍລິການໃຫ້ແກ່ລູກຄ້າທັງເບື້ອງ ທຄຕລ ແລະ ລູກຄ້າຂອງທາງ ບໍລິສັດ."