ຣັດເຊຍ ປະດັບຫຼຽນຍ້ອງຍໍໃຫ້ ທ່ານ ທ່ຽງ ບຸບຜາ


...

   ທ່ານ ທ່ຽງ ບຸບຜາ ຫົວໜ້າສະຖາບັນການຕ່າງປະ ເທດ ອະດີດເອກອັກຄະລັດຖະ ທູດວິສາມັນ ຜູ້ມີອຳນາດເຕັມ ແຫ່ງ ສປປ ລາວ ປະຈຳສະຫະ ພັນຣັດເຊຍໄດ້ຮັບຫຼຽນຍ້ອງຍໍ ຂອງກະຊວງການຕ່າງປະເທດ ຣັດເຊຍ, ໂດຍພິທີມອບຫຼຽນ ດັ່ງກ່າວໄດ້ຈັດຂຶ້ນໃນວັນທີ 8 ກຸມພາ ຜ່ານມານີ້, ສະຖານທູດ ຣັດເຊຍ ທີ່ນະຄອນຫຼວງວຽງ ຈັນ, ມອບໂດຍ ທ່ານ ມີຄາອີນ ບາຣານນົບ, ເອກອັກຄະລັດ ຖະທູດແຫ່ງສະຫະພັນຣັດເຊຍ ປະຈຳ ສປປ ລາວ. ການມອບຫຼຽນຍ້ອງຍໍ ຂອງກະຊວງການຕ່າງປະເທດ ຣັດເຊຍ ໃຫ້ແກ່ ທ່ານ ທ່ຽງ ບຸບຜາ ໃນຄັ້ງນີ້ ແມ່ນຜົນງານ ຂອງຜູ້ກ່ຽວໃນໄລຍະປະຕິບັດ ໜ້າທີ່ການທູດຢູ່ຣັດເຊຍ ແຕ່ປີ 2011-2016 ທີ່ໄດ້ປະກອບ ສ່ວນຢ່າງຕັ້ງໜ້າເຂົ້າໃນການ ຮັດແໜ້ນ ແລະ ເສີມຂະຫຍາຍ ສາຍພົວພັນມິດຕະພາບທີ່ເປັນ ມູນເຊື້ອ ແລະ ການຮ່ວມມືມີ ມາແຕ່ຍາວນານລະຫວ່າງລາວ - ຣັດເຊຍ ມີບາດກ້າວຂະຫຍາຍ ຕົວຕໍ່ເນື່ອງຕະຫຼອດມາອັນພົ້ນ ເດັ່ນແມ່ນການຊຸກຍູ້ໃຫ້ມີການ ແລກປ່ຽນການຢ້ຽມຢາມໄປ ມາຫາສູ່ກັນ ລະຫວ່າງການນຳ ຂັ້ນສູງຂອງ ສປປ ລາວ ແລະ ສະຫະພັນຣັດເຊຍ ຢ່າງເປັນ ປົກກະຕິ ຊຶ່ງມາໃນໄລຍະໜຶ່ງ ການພົວພັນຮ່ວມມືຂອງສອງ ປະເທດ ລາວ-ຣັດເຊຍ ໄດ້ ກ້າວ ຂຶ້ນສູ່ລະດັບໃໝ່ເປັນປະເທດຄູ່ ຮ່ວມມືຍຸດທະສາດນຳກັນ. ຄຽງຄູ່ກັບການຮ່ວມມື ທາງ ດ້ານການເມືອງແລ້ວ ທ່ານ ທ່ຽງ ບຸບຜາ ຍັງມີບົດບາດປະ ກອບສ່ວນຊຸກຍູ້ການຮ່ວມມື ດ້ານເສດຖະກິດ-ການຄ້າ, ການ ທ່ອງທ່ຽວ, ການສຶກສາ-ວັດທະ ນະທຳ ແລະ ດ້ານອື່ນໆ ຕໍ່ຜົນ ງານ ແລະ ຄຸນງາມຄວາມດີໃນ ການປະກອບສ່ວນຢ່າງຫ້າວ ຫັນດັ່ງກ່າວ ກະຊວງການຕ່າງ ປະເທດຣັດເຊຍ ຈຶ່ງໄດ້ມອບ ຫຼຽນຍ້ອງຍໍໃຫ້ແກ່ທ່ານ ທ່ຽງ ບຸບຜາ ອະດີດເອກອັກຄະລັດ ຖະທູດວິສາມັນຜູ້ມີອຳນາດ ເຕັມ ແຫ່ງ ສປປ ລາວ ປະຈຳ ສະຫະພັນຣັດເຊຍ ໃນໂອກາດ ສຳເລັດການປະຕິບັດໜ້າທີ່ ການທູດຂອງຕົນຢູ່ ຣັດເຊຍ.