ໄຂສະຖາບັນການເງິນວີແອລວີ


...

   ສະຖາບັນການເງິນ ຈຸລະພາກທີ່ບໍ່ຮັບຝາກເງິນວີ ແອລວີ ໄດ້ໄຂການບໍລິການຢ່າງ ເປັນທາງການໃນວັນທີ 9 ກຸມ ພາ ຜ່ານມານີ້ ທີ່ເມືອງໄຊເສດ ຖາ ນະຄອນຫຼວງວຽງຈັນ ໂດຍ ການໃຫ້ກຽດເຂົ້າຮ່ວມຂອງທ່ານ ຄຳແພງ ໄຊສົມແພງ ລັດຖະ ມົນຕີກະຊວງແຮງງານ ແລະ ສະຫວັດດີການສັງຄົມ, ມີຜູ້ຕາງ ໜ້າທະນາຄານແຫ່ງ ສປປ ລາວ, ພ້ອມດ້ວຍແຂກຖືກເຊີນຕະ ຫຼອດຮອດຜູ້ບໍລິຫານ ແລະ ພາກສ່ວນທີ່ກ່ຽວຂ້ອງ. ທ່ານ ວັນນະກອນ ເດດ ວົງສາ ຜູ້ອຳນວຍການຂອງສະ ຖາບັນການເງິນຈຸລະພາກທີ່ບໍ່ ຮັບເງິນຝາກວີແອລວີ ກ່າວວ່າ: ສະຖາບັນການເງິນຈຸລະພາກ ທີ່ບໍ່ຮັບເງິນຝາກວີແອລວີນີ້ ຖື ວ່າເປັນສະຖາບັນໃໝ່ໃນວົງ ການທາງດ້ານການເງິນໄດ້ຈົດ ທະບຽນໃນວົງເງິນທັງໝົດ 5 ຕື້ ກີບ, ໂດຍເກີດຈາກກຸ່ມນັກທຸ ລະກິດ ທີ່ມີອຸດົມການອັນດຽວ ກັນ ເພື່ອເຊື່ອມໂຍງ ແລະ ຕໍ່ ຍອດທາງທຸລະກິດຮ່ວມກັນ, ຊຶ່ງປັດຈຸບັນມີຈຳນວນບຸກຄະ ລາກອນ ທີ່ຄອຍໃຫ້ບໍລິການ ດ້ານການເງິນຈຳນວນທັງໝົດ 8 ຄົນ, ໃນນີ້ລວມທັງຜູ້ຈັດການ ແລະ ຮອງຜູ້ຈັດການນຳ. ສຳລັບວິໄສທັດຂອງສະ ຖາບັນແມ່ນເພື່ອການໃຫ້ບໍລິ ການທາງດ້ານການເງິນແບບ ເປັນກັນເອງ ແລະ ວ່ອງໄວກ້າວ ໜ້າໄປດ້ວຍກັນ. ຊຶ່ງຈຸດປະສົງ ນັ້ນແມ່ນໃຫ້ບໍລິການທາງດ້ານ ສິນເຊື່ອຈຸລະພາກທີ່ມີການໄລ່ ລຽງຕາມກົນໄກຕະຫຼາດ ແລະ ຖືກຕ້ອງຕາມກົດໝາຍ, ພັດ ທະນາເສດຖະກິດໃຫ້ມີການ ຂະຫຍາຍຕົວສ້າງລາຍຮັບບົນ ພື້ນຖານຄວາມຖືກຕ້ອງ ແລະ ຍຸຕິທຳ, ຊ່ວຍແກ້ໄຂເລື່ອງທຶນ ຮອນໃຫ້ປະຊາຊົນຜູ້ມີເງິນ ໜ້ອຍໃຫ້ພົ້ນອອກຈາກການກູ້ ຢືມເງິນນອກລະບົບທີ່ມີອັດ ຕາດອດເບ້ຍສູງ, ຊ່ວຍເຫຼືອຜູ້ ດ້ອຍໂອກາດທີ່ບໍ່ສາມາດເຂົ້າ ເຖິງແຫຼ່ງທຶນຈາກທະນາຄານ.