ທ່ານ ນາງ ເຂັມມະນີ ພົນເສນາ ຢ້ຽມຢາມ ໂຮງງານຜະລິດຊີມັງຄຳມ່ວນ


...

   ເມື່ອບໍ່ດົນຜ່ານມານີ້ ທ່ານ ນາງ ເຂັມມະນີ ພົນເສນາ ລັດຖະມົນຕີກະຊວງອຸດສາຫະ ກຳ ແລະ ການຄ້າ ພ້ອມຄະນະ ແລະ ພະນັກງານວິຊາການໄດ້ ເຄື່ອນໄຫວຢ້ຽມຢາມໂຮງງານ ຜະລິດຊີມັງຂອງບໍລິສັດຄຳ ມ່ວນຊີມັງຈຳກັດຢູ່ທີ່ ບ້ານ ໂພ ວາ ເມືອງມະຫາໄຊ ແຂວງຄຳ ມ່ວນ ຮ່ວມເຄື່ອນໄຫວໃນຄັ້ງນີ້ ມີ ທ່ານ ບຸນມີ ພິມມະສອນ ຮອງເຈົ້າແຂວງຄຳມ່ວນ, ທ່ານ ທອງໄຊ ມັງໜໍ່ເມກ ຫົວໜ້າພະ ແນກອຸດສາຫະກຳ ແລະ ການ ຄ້າແຂວງ, ມີຕາງໜ້າການນຳ ຂັ້ນເມືອງຕະຫຼອດຮອດພະນັກ ງານວິຊາການທີ່ກ່ຽວຂ້ອງເຂົ້າ ຮ່ວມ. ໃນໂອກາດພົບປະຢ້ຽມ ຢາມຂອງທ່ານລັດຖະມົນຕີໃນ ຄັ້ງນີ້ໄດ້ຮັບການຕ້ອນຮັບຢ່າງ ອົບອຸ່ນຈາກບໍລິສັດ ພ້ອມນັ້ນ ຍັງໄດ້ຮັບຟັງການລາຍງານສະ ພາບການໂດຍລວມກ່ຽວກັບ ການເຄື່ອນໄຫວດຳເນີນທຸລະ ກິດຂອງບໍລິສັດດັ່ງກ່າວຈາກ ທ່ານ ວໍລະການ ພົງສິລິກຸນ ຜູ້ ອຳນວຍການບໍລິສັດຄຳມ່ວນ ຊີມັງຈຳກັດ ຊຶ່ງໂຮງງານດັ່ງ ກ່າວໄດ້ດຳເນີນການກໍ່ສ້າງ ເລີ່ມແຕ່ປີ 2015 ເປັນຕົ້ນມາ ຮອດປັດຈຸບັນໄດ້ສຳເລັດການ ກໍ່ສ້າງ ແລະ ຕິດຕັ້ງເຄື່ອງຈັກ ເປັນທີ່ຮຽບຮ້ອຍພ້ອມທັງໄດ້ ດຳເນີນການຜະລິດໂດຍເລີ່ມ ແຕ່ວັນທີ 3 ມັງກອນ 2017 ທາງບໍລິສັດໄດ້ນຳເອົາຜະລິດ ຕະພັນຊີມັງອອກຈຳໜ່າຍ ຂາຍຢູ່ຕະຫຼາດໃນລາວ ແລະ ສົ່ງອອກໄປປະເທດໄທຈຳ ນວນໜຶ່ງ. ສ່ວນປະລິມານການ ຜະລິດສາມາດປະຕິບັດໄດ້ 1.800.000 ໂຕນຕໍ່ປີ ປັດຈຸບັນ ທົ່ວໂຮງງານປະກອບມີພະນັກ ງານກຳມະກອນຈຳນວນ 200 ກວ່າຄົນ ໃນນັ້ນແຮງງານລາວ ກວມເປັນສ່ວນໃຫຍ່ພ້ອມດຽວ ກັນນີ້ ທາງຄະນະດັ່ງກ່າວຍັງ ໄດ້ເຂົ້າຊົມສູນຄວບຄຸມການ ຜະລິດ ແລະ ສູນຄວບຄຸມຄຸນ ນະພາບມາດຕະຖານຊີມັງ ພາຍໃນໂຮງງານອີກດ້ວຍ. (ຂ່າວ: ມະນີວັນ)