ຮອງລັດຖະມົນຕີ ກະຊວງ ປທສ ຢ້ຽມຢາມບໍລິສັດ ໄມໂຄຣຊ໊ອບ ທີ່ສິງກະໂປ


...

   ທ່ານ ບຸນສະເຫຼີມໄຊ ເຄນນາວົງ ຮອງລັດຖະມົນຕີ ກະຊວງ ໄປສະນີໂທລະຄົມມະ ນາຄົມ ແລະ ການສື່ສານ (ປທສ) ພ້ອມດ້ວຍຄະນະໄດ້ເດີນທາງ ໄປຢ້ຽມຢາມບໍລິສັດໄມໂຄຣ ຊ໊ອບທີ່ປະເທດສິງກະໂປເມື່ອບໍ່ດົນມານີ້. ໃນການຢ້ຽມຢາມຄັ້ງນີ້, ຮອງລັດຖະມົນຕີກະຊວງ ປທສ ໄດ້ຢ້ຽມຢາມຊົມລະບົບ ຊ໊ອບແວ ຄລາວຄອມພິວຕິ້ງ ຢູ່ ສູນຂໍ້ມູນຂອງບໍລິສັດ ໄມໂຄຣ ຊ໊ອບ ແລະ ກໍໄດ້ສະເໜີໃຫ້ທາງ ບໍລິສັດໄມໂຄຣຊ໊ອບ ພິຈາລະ ນາຮັບຮອງເອົາຕົວອັກສອນ ເພັດສະຣາດ (Phetsarath OT) ທີ່ເປັນຕົວອັກສອນມາດ ຕະຖານແຫ່ງຊາດ ເຂົ້າໃນບັນ ດາລະບົບປະຕິບັດການ ແລະ ຊ໊ອບແວອື່ນໆທີ່ເປັນຜະລິດ ຕະພັນສິນຄ້າຂອງໄມໂຄຣຊ໊ອບ ເພື່ອໃຫ້ສິນຄ້າດັ່ງກ່າວສາມາດ ສະແດງພາສາລາວ ແລະ ແປ້ນ ພິມພາສາລາວໄດ້ຢ່າງຖືກຕ້ອງ. ທັງນີ້ ກໍເພື່ອເປັນການຜັນ ຂະຫຍາຍບົດບັນທຶກຄວາມ ເຂົ້າໃຈ (MOU) ລະຫວ່າງ ກະ ຊວງ ປທສ, ກະຊວງສຶກສາທິ ການ ແລະ ກິລາ ແລະ ບໍລິສັດ ໄມໂຄຣຊ໊ອບ ທີ່ໄດ້ລົງນາມກັນ ໃນເດືອນ 09/2016 ທີ່ຜ່ານມາ ນັ້ນ, ພ້ອມກັນນັ້ນກໍໄດ້ປຶກສາ ຫາລືເລື່ອງການພັດທະນາຊັບ ພະຍາກອນມະນຸດ ໂດຍການ ສະເໜີໃຫ້ບໍລິສັດໄມໂຄຣ ຊ໊ອບ ເປີດສູນຝຶກອົບຮົມ ແລະ ສະໜອງຫຼັກສູດການຝຶກອົບ ຮົມ ທີ່ກ່ຽວຂ້ອງກັບຂະແໜງ ICT ຢູ່ທີ່ສະຖາບັນເຕັກໂນໂລ ຊີການສື່ສານຂໍ້ມູນຂ່າວສານ (ສະຖາບັນ ICT) ທີ່ຂຶ້ນກັບກະ ຊວງ ປທສ. ໃນຂະນະດຽວກັນ, ບໍລິ ສັດ ໄມໂຄຣຊ໊ອບ ຍັງເຫັນດີ ໃຫ້ການຮ່ວມມືສະໜອງຂໍ້ມູນ ທີ່ກ່ຽວຂ້ອງກັບບັນດາການແຜ່ ກະຈາຍຂອງຄອມພິວເຕີໄວ ຣັດ ແລະ ການໂຈມຕີທາງໄຊ ເບີ ໃຫ້ແກ່ສູນສະກັດກັ້ນ ແລະ ແກ້ໄຂເຫດການສຸກເສີນທາງ ຄອມພິວເຕີ (ສູນ LAOCERT) ເພື່ອເປັນຂໍ້ມູນອ້າງອີງໃນການ ຮັບມື ແລະ ເຜີຍແຜ່ຂໍ້ມູນແຈ້ງ ເຕືອນ ທີ່ກ່ຽວຂ້ອງກັບການນຳ ໃຊ້ ICT ໃຫ້ປອດໄພ ໂດຍມອບ ໃຫ້ສູນ Microsoft Digital Crimes Unit ເປັນຜູ້ຈັດຕັ້ງປະ ຕິບັດ. ໃນໂອກາດດັ່ງກ່າວ, ທ່ານ ຮອງລັດຖະມົນຕີ ກະຊວງ ປທສ ພ້ອມດ້ວຍຄະນະ ກໍໄດ້ສະແດງ ຄວາມຂອບໃຈຕໍ່ບໍລິສັດໄມໂຄຣ ຊ໊ອບ ທີ່ໄດ້ຮ່ວມກັບບໍລິສັດ Top Value Service ທີ່ເປັນ ບໍລິສັດຕົວແທນຈຳໜ່າຍ ໃນ ສປປ ລາວ ເຂົ້າຮ່ວມງານ Lao ICT Expo 2016 ທີ່ຜ່ານມາ, ຊຶ່ງເຫັນວ່າມວນຊົນຈຳນວນ ຫຼາຍໄດ້ໃຫ້ຄວາມສົນໃຈຕໍ່ກັບ ຜະລິດຕະພັນສິນຄ້າຂອງໄມ ໂຄຣຊ໊ອບ ແລະ ໄດ້ເຊື້ອເຊີນ ບໍລິສັດໄມໂຄຣຊ໊ອບ ໃຫ້ການ ຮ່ວມມື ແລະ ສືບຕໍ່ເຂົ້າຮ່ວມ ງານ Lao ICT Expo 2017 ຊຶ່ງກະຊວງ ປທສ ໄດ້ວາງແຜນ ຈະຈັດຂຶ້ນໃນທ້າຍປີ 2017 ນີ້.