ສມປຊ ສະຫຼອງວັນແມ່ຍິງສາກົນຄົບຮອບ 107 ປີ


...

   ໃນວັນທີ 7 ມີນາ ຜ່ານມານີ້ ທີ່ສະໂມສອນໃຫຍ່ ຂອງສະຖາບັນການເມືອງການ ປົກຄອງແຫ່ງຊາດ (ສມປຊ) ໄດ້ຈັດພິທີສະເຫຼີມສະຫຼອງວັນ ແມ່ຍິງສາກົນຄົບຮອບ 107 ປີ ຂຶ້ນໂດຍມີທ່ານ ບຸນທີ ເຄືອມີໄຊ ຫົວໜ້າກົມຄຸ້ມຄອງການຄົ້ນ ຄວ້າວິທະຍາສາດ, ຜູ້ຊີ້ນຳວຽກ ງານອົງການຈັດຕັ້ງມະຫາຊົນ, ທ່ານ ນາງ ພອນໄຊ ລາດຊະວົງ ປະທານສະຫະພັນແມ່ຍິງ ສມປຊ, ມີພາກສ່ວນກ່ຽວຂ້ອງ ເຂົ້າຮ່ວມ. ໃນພິທີຜູ້ເຂົ້າຮ່ວມໄດ້ຮັບ ຟັງການຫວນຄືນມູນເຊື້ອຂອງ ວັນດັ່ງກ່າວ ໂດຍທ່ານ ນາງ ພອນ ໄຊ ລາດຊະວົງ ໄດ້ຍົກໃຫ້ເຫັນ ປະຫວັດຄວາມເປັນມາຂອງ ວັນທີ 8 ມີນາ, ນອກນັ້ນ ໄດ້ມີ ການຜ່ານບົດສະຫຼຸຸບຜົນງານ ການຈັດຕັ້ງປະຕິບັດຂໍ້ແຂ່ງຂັນ 3 ດີ ແລະ ທິດທາງໃນຕໍ່ໜ້າ ພ້ອມທັງມີການມອບ-ຮັບ ໃບ ຍ້ອງຍໍ 3 ດີ ຊຶ່ງລວມມີ 2 ປະ ເພດ: ປະເພດ 1 ມີ 116 ທ່ານ ໃນນັ້ນມີນັກສຶກສາ 56 ທ່ານ ປະເພດ 2 ມີ 75 ທ່ານ ເປັນນັກ ສຶກສາທັງໝົດ. ໃນຕອນແລງຂອງວັນ ດຽວກັນ ໄດ້ມີການຈັດງານລ້ຽງ ໂດຍເປັນການສົມທົບລະຫວ່າງ 3 ອົງການຈັດຕັ້ງ ຊຶ່ງຈຸດປະສົງ ຂອງການຈັດງານແມ່ນເພື່ອ ເປັນການສະເຫຼີມສະຫຼອງວັນ ແມ່ຍິງສາກົນທັງເປັນການຊົມ ເຊີຍຜົນງານການເຄື່ອນໄຫວ ຂອງສະມາຊິກສະຫະພັນແມ່ ຍິງກໍຄືນັກສຶກສາທົ່ວສະຖາບັນ ທັງເປັນການພົບປະສ້າງສັນ ລະຫວ່າງພາກສ່ວນຕ່າງໆອີກ ດ້ວຍ.