ກອງປະຊຸມ ຂອງໜ່ວຍພັກນິຕິກຳ ອົງການກວດສອບແຫ່ງລັດ


...

   ກອງປະຊຸມສະມາ ຊິກພັກຂອງໜ່ວຍພັກນິຕິກຳ ທີ່ຂຶ້ນກັບຄະນະພັກອົງການ ກວດສອບແຫ່ງລັດໄດ້ໄຂຂຶ້ນ ຢ່າງເປັນທາງການ ໃນວັນທີ 10 ມີນານີ້ ແລະ ໄດ້ສຳເລັດ ລົງໃນວັນດຽວກັນ, ກອງປະຊຸມ ໃນຄັ້ງນີ້ໃຫ້ກຽດເປັນປະທານ ກອງປະຊຸມຂອງສະຫາຍ ເຄນ ລໍວັນໄຊ ຮອງເລຂາຄະນະພັກ ອົງການກວດສອບແຫ່ງລັດ ຊຶ່ງ ມີໜ່ວຍພັກຫ້ອງການ, ບັນດາ ກົມ, ສະຖາບັນຝຶກອົບຮົມ, ຫ້ອງ ການຊ່ວຍວຽກຄະນະພັກ ແລະ ສາມອົງການຈັດຕັ້ງມະຫາຊົນ ເຂົ້າຮ່ວມ. ໃນກອງປະຊຸມສະ ຫາຍ ສາລະວັນ ອິນທະວົງ ເລ ຂາໜ່ວຍພັກນິຕິກຳ ອົງການ ກວດສອບແຫ່ງລັດໄດ້ຂຶ້ນຜ່ານ ບົດລາຍງານການເມືອງຂອງ ໜ່ວຍພັກ ໂດຍສະຫາຍໄດ້ຍົກ ໃຫ້ເຫັນຄວາມເອົາໃຈໃສ່ໃນ ການນຳພາ-ຊີ້ນຳ ຈັດຕັ້ງປະຕິ ບັດໜ້າທີ່ວຽກງານ ຕາມພາລະ ບົດບາດ ແລະ ການມອບໝາຍ ຂອງຄະນະພັກ ຄະນະນຳ ອົງ ການກວດສອບແຫ່ງລັດ ຈຶ່ງ ເຮັດໃຫ້ການເຄື່ອນໄຫວວຽກ ງານໄດ້ຮັບຜົນສຳເລັດ ແລະ ຍາດໄດ້ຜົນງານຫຼາຍດ້ານອັນ ພົ້ນເດັ່ນແມ່ນຄົ້ນຄວ້າເນື້ອໃນ ວຽກງານກວດສອບເຂົ້າໃນລັດ ຖະທຳມະນູນແຫ່ງ ສປປ ລາວ ສະບັບປັບປຸງປີ 2015, ສຳເລັດ ການປັບປຸງກົດໝາຍ ວ່າດ້ວຍ ການກວດສອບຄັ້ງທີ 2 ໄດ້ ຮັບຮອງຈາກສະພາແຫ່ງຊາດ ແລະ ປະກາດໃຊ້ຢ່າງເປັນທາງ ການໃນປີ 2016, ຄົ້ນຄວ້າເນື້ອ ໃນວຽກງານກວດສອບເຂົ້າໃນ ຮ່າງບົດລາຍງານການເມືອງ ຄັ້ງທີ X ຂອງພັກ, ສຳເລັດການ ຄົ້ນຄວ້າສ້າງຂໍ້ຕົກລົງ ວ່າດ້ວຍ ມາດຕະຖານການກວດສອບ ແຫ່ງລັດ ຊຶ່ງໄດ້ຮັບຮອງຈາກ ສະພາແຫ່ງຊາດ ແລະ ປະທານ ອົງການກວດສອບແຫ່ງລັດ ໃນ ປີ 2016, ຄົ້ນຄວ້າສ້າງຂໍ້ຕົກ ລົງ ວ່າດ້ວຍການຈັດຕັ້ງ ແລະ ການເຄື່ອນໄຫວຂອງອົງການ ກວດສອບແຫ່ງລັດ, ອົງການ ກວດສອບປະຈຳພາກ, ບັນດາ ກົມ ແລະ ສະຖາບັນຝຶກອົບຮົມ. ຊຶ່ງປັດຈຸບັນກຳລັງຄົ້ນຄວ້າບັນ ດານິຕິກຳລຸ່ມກົດໝາຍອື່ນໆ ເພື່ອຮັບໃຊ້ເຂົ້າໃນວຽກງານກວດ ສອບ. ພ້ອມທັງໄດ້ກຳນິດທິດທາງແຜນການ, ຄາດໝາຍສູ້ ຊົນ ແລະ ວຽກງານຈຸດສຸມໃນ 5 ປີຕໍ່ໜ້າ (ແຕ່ປີ 2016 ຫາ 2020) ແລະ ໄດ້ຈັດຕັ້ງປະຊາ ມະຕິເປັນເອກະພາບກັນຮັບ ຮອງເອົາເນື້ອໃນບົດລາຍງານ ການເມືອງ. ພ້ອມກັນນັ້ນກໍຍັງໄດ້ຮັບ ຟັງການໂອ້ລົມຂອງສະຫາຍ ເຄນ ລໍວັນໄຊ ເພື່ອເປັນເຂັມຊີ້ ທິດເຍືອງທາງໃຫ້ແກ່ຄະນະ ໜ່ວຍພັກນິຕິກຳ ຕະຫຼອດເຖິງ ສະມາຊິກພັກ, ພະນັກງານ- ລັດຖະກອນ ພາຍໃນກົມນິຕິ ກຳໃນການສືບຕໍ່ຜັນຂະຫຍາຍ ມະຕິກອງປະຊຸມໃຫຍ່ ຄັ້ງທີ X ຂອງພັກ, ມະຕິກອງປະຊຸມໃຫຍ່ ຄັ້ງທີ I ຂອງອົງຄະນະພັກ ອົງ ການກວດສອບແຫ່ງລັດໃຫ້ ເກີດດອກອອກຜົນ.