ວສລ ຕີລາຄາວຽກງານ ປະຈຳປີ


...

     ວິທະຍຸກະຈາຍສຽງ ແຫ່ງຊາດລາວ (ວສລ) ໄດ້ຈັດ ກອງປະຊຸມສະຫຼຸຸບຜົນງານປະ ຈຳປີ 2015 - 2016 ແລະ ວາງ ທິດທາງແຜນການປີ 2017 ຂຶ້ນເມື່ອວັນທີ 16 ກຸມພານີ້ ພາຍໃຕ້ການເປັນປະທານ ຂອງທ່ານ ໂພສີ ແກ້ວມະນີວົງ ຜູ້ອຳນວຍການໃຫຍ່ ວສລ, ເປັນກຽດເຂົ້າຮ່ວມມີທ່ານ ສະຫວັນຄອນ ຣາຊມຸນຕຣີ ຮອງລັດຖະມົນຕີກະຊວງຖະ ແຫຼງຂ່າວ, ວັດທະນະທຳ ແລະ ທ່ອງທ່ຽວ ຜູ້ຊີ້ນຳວຽກງານຖະ ແຫຼງຂ່າວ. ໃນພິທີທ່ານ ວັນໄຊ ຕະ ວິນຍານ ຮອງຜູ້ອຳນວຍການ ໃຫຍ່ ວສລ ໄດ້ຂຶ້ນຜ່ານບົດສະ ຫຼຸຸບຜົນງານປະຈຳສົກປີ 2015 - 2016 ແລະ ຜ່ານທິດທາງ ແຜນການປີ 2017, ຊຶ່ງໂດຍ ລວມໜຶ່ງປີຜ່ານມາ ວສລ ສ້າງ ໄດ້ຜົນງານເດັ່ນຫຼາຍດ້ານ, ທັງ ມີຫຼາຍລາຍການເປັນທີ່ນິຍົມ ຂອງຜູ້ຟັງເຊັ່ນ: ລາຍການຂັບ ຂີ່ປອດໄພ, ຂ່າວປະຈຳວັນ ພາກເຊົ້າ, ສວາຍ ແລະ ແລງ, ນອກນັ້ນຂ່າວພາສາຕ່າງປະ ເທດ, ພາສາຊົນເຜົ່າ ຂອງ ວສລ ກໍໄດ້ຮັບຄວາມນິຍົມຈາກ ຜູ້ຟັງເຊັ່ນດຽວກັນ. ປັດຈຸບັນ ວສລ ໄດ້ອອກອາກາດພ້ອມ ກັນທັງລະບົບ AM, FM ຄື ເອເອັມຄື້ນກາງ 567 khz, ຄື້ນສັ້ນ 6130 khz ເອັຟເອັມ 103,7 MHZ, ພ້ອມນັ້ນຍັງ ຖ່າຍທອດຜ່ານດາວທຽມຈາກ ປະເທດອົດສະຕຣາລີ, ຝຣັ່ງ ຕື່ມອີກ. ໃນພິທີສູນກາງສະຫະ ພັນກຳມະບານລາວຍັງໄດ້ປະ ດັບຫຼຽນກາມິດຕະພາບ, ມອບ ໃບຍ້ອງຍໍ, ໃບຊົມເຊີຍໃຫ້ລວມ ໝູ່ ແລະ ບຸກຄົນໃຫ້ແກ່ ວສລ ທີ່ມີຜົນງານປະກອບສ່ວນໂຄ ສະນາໃຫ້ແກ່ວຽກງານກຳມະ ບານລາວ, ພ້ອມທັງໄດ້ມອບ ໃບຍ້ອງຍໍໃຫ້ຊາວໜຸ່ມ ວສລ ທີ່ມີຜົນງານປະກອບສ່ວນ ເນື່ອງໃນໂອກາດ 40 ປີ ສປປ ລາວ ແລະ 60 ປີວັນສ້າງຕັ້ງ ພັກ ປປ ລາວ. ຕອນທ້າຍຂອງ ກອງປະຊຸມຜູ້ເຂົ້າຮ່ວມໄດ້ຮັບ ຟັງການໂອ້ລົມຈາກທ່ານ ສະຫວັນຄອນ ຣາຊມຸນຕຣີ ຊຶ່ງກ່ອນອື່ນທ່ານໄດ້ ຍ້ອງຍໍ ຊົມເຊີຍການນຳກໍຄືພະນັກ ງານທົ່ວ ວສລ ທີ່ຍາດໄດ້ຜົນ ງານດີເດັ່ນຕະຫຼອດໄລຍະ 1 ປີຜ່ານມາ. ຈາກນັ້ນທ່ານໄດ້ ຍົກໃຫ້ເຫັນຄວາມໝາຍຄວາມ ສຳຄັນຂອງວຽກງານສື່ມວນ ຊົນໃນການປະກອບສ່ວນປົກ ປັກຮັກສາ ແລະ ສ້າງສາປະ ເທດຊາດ, ໂຄສະນາຮັບໃຊ້ ແນວທາງນະໂຍບາຍຂອງພັກ, ແຜນພັດທະນາເສດຖະກິດ - ສັງຄົມຂອງລັດຖະບານໃຫ້ມີ ຜົນສຳເລັດ. ໃນນັ້ນທ່ານໄດ້ ຍົກໃຫ້ເຫັນເຖິງຄວາມສຳຄັນ ຂອງສື່ໃນຍຸກແຫ່ງການເຊື່ອມ ໂຍງຕ້ອງໃຫ້ຂ່າວດ້ວຍຂໍ້ມູນ ທີ່ຖືກຕ້ອງ, ວ່ອງໄວທັນເຫດ ການ, ເຊື່ອຖືໄດ້, ທັງເຮັດໄດ້ ໜ້າທີ່ສຶກສາອົບຮົມຜູ້ຟັງດ້ວຍ ລາຍການທີ່ມີຫຼາຍຮູບຫຼາຍສີ ສັນ, ອຸດົມສົມບູນຮັ່ງມີເປັນຕາ ຟັງ ແລະ ມີສາລະປະໂຫຍດທີ່ ດີ. ນອກນັ້ນທ່ານ ສະຫວັນ ຄອນ ຣາຊມຸນຕຣີ ຍັງຮຽກຮ້ອງ ໃຫ້ທຸກສື່ມວນຊົນຈົ່ງສູ້ຊົນສ້າງ ລາຍຮັບເພື່ອກຸ້ມຕົນເອງໃຫ້ ຫຼາຍຂຶ້ນ ເພື່ອຫຼຸຸດຜ່ອນການ ແບກຫາບຈາກງົບປະມານລັດ.