ຈະຈັດງານວາງສະແດງສິນຄ້າ ໜຶ່ງເມືອງໜຶ່ງຜະລິດຕະພັນ ທົ່ວປະເທດ


...

     ກົມສົ່ງເສີມການຄ້າ ກະຊວງອຸດສາຫະກຳການຄ້າ ໄດ້ຈັດງານຖະແຫຼງຂ່າວງານ ວາງສະແດງສິນຄ້າໜຶ່ງເມືອງ ໜຶ່ງຜະລິດຕະພັນໂອດ໋ອບ (ODOP) ແຫ່ງຊາດທົ່ວປະເທດ ຄັ້ງທີ 1 ຂຶ້ນເມື່ອວັນທີ 14 ກຸມພາ ຜ່ານມານີ້, ທີ່ສະມາຄົມ ນັກຂ່າວແຫຼ່ງ ສປປ ລາວ ໂດຍ ການໃຫ້ກຽດຖະແຫຼງຂ່າວ ຂອງ ທ່ານ ສົມຫວັງ ນິນທະວົງ ຫົວ ໜ້າກົມສົ່ງເສີມການຄ້າກະຊວງ ອຸດສາຫະກຳ ແລະ ການຄ້າ ຊຶ່ງມີ ທ່ານ ສົມສະໜຸກ ມີໄຊ ຮອງປະ ທານສະມາຄົມນັກຂ່າວແຫ່ງ ສປປ ລາວ, ມີບັນດາສື່ມວນຊົນ ຈາກພາກສ່ວນຕ່າງໆເຂົ້າຮ່ວມ. ງານວາງສະແດງດັ່ງກ່າວ ຈະໄດ້ຈັດຂຶ້ນໃນລະຫວ່າງວັນ ທີ 22-26 ກຸມພາ 2017 ນີ້, ທີ່ ສູນການຄ້າລາວ-ໄອເຕັກ (ຕຶກ ເກົ່າ), ຈຸດປະສົງເພື່ອນຳສະ ເໜີສິນຄ້າໜຶ່ງເມືອງໜຶ່ງຜະລິດ ຕະພັນແຫ່ງຊາດ ໃນຂອບເຂດ ທົ່ວປະເທດພ້ອມທັງເປັນການ ເປີດໂອກາດໃຫ້ແກ່ຫົວໜ່ວຍ ທຸລະກິດໂອດ໋ອບ ແລະ ຫົວ ໜ່ວຍທຸລະກິດທີ່ຍັງບໍ່ທັນໄດ້ ຮັບກາໝາຍໂອດ໋ອບແຫ່ງຊາດ ໃນຂອບເຂດທົ່ວປະເທດໄດ້ ນຳເອົາຜະລິດຕະພັນຜົນງານ ຂອງຕົນເອງມາວາງສະແດງ ແລະ ຈຳໜ່າຍພົບປະແລກປ່ຽນ ຖອດຖອນບົດຮຽນຊຶ່ງກັນ ແລະ ກັນ ເພື່ອໂຄສະນາຜະລິດຕະ ພັນຂອງຕົນໃຫ້ແກ່ແຂກທີ່ມາ ທ່ຽວຊົມໃນງານໄດ້ຢ່າງທົ່ວເຖິງ ຊຶ່ງກິດຈະກຳຫຼັກພາຍໃນງານ ມີການວາງສະແດງຈຳໜ່າຍ ຜະລິດຕະພັນ ODOP ແຫ່ງ ຊາດທົ່ວປະເທດ, ມີສິນຄ້າທີ່ ພົ້ນເດັ່ນຂອງຫົວໜ່ວຍທຸລະ ກິດຈາກທົ່ວປະເທດ, ມີອາຫານ ພືນເມືອງລາວ, ມີກອງປະຊຸມ ຖອດຖອນບົດຮຽນ, ກອງປະ ຊຸມສຳມະນາການພັດທະນາ ຜະລິດຕະພັນລາວ ແລະ ການ ແຂ່ງຂັນການສະແດງສິລະປະ, ການປະກວດກະຕ່າຂອງຂັວນ ສິນຄ້າກາໝາຍໂອດ໋ອບ ປັດຈຸ ບັນມີຜູ້ສະໝັກເຂົ້າຮ່ວມງານ ທັງໝົດຫຼາຍກວ່າ 250 ຫ້ອງ. ນັບແຕ່ປີ 2012 ເປັນຕົ້ນ ມາ ກົມສົ່ງເສີມການຄ້າໄດ້ຈັດ ຕັ້ງນະໂຍບາຍສົ່ງເສີມໃຫ້ມີຫົວ ໜ່ວຍໂອດ໋ອບໃຫ້ແກ່ຫົວໜ່ວຍ ກຸ່ມການຜະລິດໄດ້ທັງໝົດ 129 ຫົວໜ່ວຍ, 472 ຜະລິດຕະພັນ, 119 ບ້ານ, 67 ເມືອງ, 16 ແຂວງ ທົ່ວປະເທດ. (ຂ່າວ: ພູວັນ)