ສາລະວັນ ເຊັນສັນຍາຄຸ້ມຄອງໂຄງການກໍ່ສ້າງ ເຂື່ອນໄຟຟ້າຫ້ວຍໄລ່ ຂະໜາດ 3 MW


...

     ໂຄງການກໍ່ສ້າງເຂື່ອນ ໄຟຟ້າຫ້ວຍໄລ່ (ຂະໜາດ ນ້ອຍ 3 MW) ເຂດບ້ານກະເຕັນ ເມືອງຕະໂອ້ຍ ແຂວງສາລະ ວັນ ໄດ້ດຳເນີນການສຳຫຼວດ ມາແຕ່ປີ 2012 ພາຍຫຼັງທີ່ໄດ້ ເຊັນ MOU (ບົດບັນທຶກຄວາມ ເຂົ້າໃຈ) ຮ່ວມກັບອຳນາດການ ປົກຄອງແຂວງສາລະວັນ ໃນ ວັນທີ 13 ສິງຫາ 2012 ເປັນ ຕົ້ນມາ ໂດຍແມ່ນບໍລິສັດ P&P ພາວເວີຈຳກັດ ເປັນຜູ້ດຳ ເນີນການກໍ່ສ້າງ. ຊຶ່ງມາໃນເມື່ອ ບໍ່ດົນຜ່ານມານີ້ ຢູ່ພະແນກ ແຜນການ ແລະ ການລົງທຶນ ແຂວງ ໄດ້ຈັດພິທີເຊັນສັນຍາ ຄຸ້ມຄອງໂຄງການ (SHOA) ກໍ່ສ້າງເຂື່ອນໄຟຟ້າພະລັງງານ ນ້ຳຂະໜາດນ້ອຍຫ້ວຍໄລ່. ໃຫ້ ກຽດເຊັນບົດບັນທຶກ ໂດຍທ່ານ ໄຊຍະເດດ ວົງສາລະວັນ ຫົວໜ້າ ພະແນກແຜນການ ແລະການ ລົງທຶນ, ທ່ານ ບຸນນາ ແກ້ວ ອ່ອນສາ ຫົວໜ້າພະແນກພະ ລັງງານ ແລະ ບໍ່ແຮ່ ແລະ ທ່ານ ບຸນຖິດ ໄພຈິດ ປະທານ ບໍລິສັດພີເອັນພີ ໂດຍຊ້ອງໜ້າ ທ່ານ ຄຳຈັນ ແຈ່ມສະໝອນ ປະທານກວດກາພັກ-ລັດ ແຂວງ ແລະ ພາກສ່ວນກ່ຽວ ຂ້ອງເຂົ້າຮ່ວມ. ທ່ານ ບຸນຖິດ ໄພຈິດ ໄດ້ ລາຍງານກ່ຽວກັບຂັ້ນຕອນ ການດຳເນີນການກໍ່ສ້າງເຂື່ອນ ໄຟຟ້າແຫ່ງນີ້ ຊຶ່ງຕັ້ງຢູ່ເຂດ ບ້ານກະເຕັນ ເມືອງຕະໂອ້ຍ ແຂວງສາລະວັນ ມີຂະໜາດ ກຳລັງຕິດຕັ້ງ 3 MW ຊຶ່ງຂະ ໜາດຂອງອ່າງໂຕ່ງ 39,31 ຕາຕະລາງກິໂລແມັດ ເປັນ ເຂື່ອນຄອນເກດ (concret) ມີລວງສູງຫາເຮືອນຈັກ 134 ແມັດ ສາມາດຜະລິດກະແສ ໄຟຟ້າໄດ້ 12, 28 Gwh ຫຼື ເທົ່າກັບ 12.280.000 Kwh ຕໍ່ປີ, ສາຍສົ່ງຫາສະຖານີເມືອງ ຕະໂອ້ຍຂອງໄຟຟ້າລາວ ມີ ລວງຍາວ 5 ກິໂລແມັດ ມີ ມູນຄ່າການລົງທຶນທັງໝົດ 7.886.361 ໂດລາສະຫະລັດ. ພາຍຫຼັງສຳເລັດການເຊັນ MOU ສຳເລັດແລ້ວກໍ່ສຳຫຼວດ ຄວາມເປັນໄປໄດ້ຂອງໂຄງ ການ ແລະ ໄດ້ປະຕິບັດຕາມ ບົດວິພາກເສດຖະກິດ-ເຕັກ ນິກຂອງພະແນກພະລັງງານ ແລະ ບໍ່ແຮ່, ໄດ້ສຳເລັດເຊັນ ສັນຍາພັດທະນາໂຄງການ (PDA) ແລະ ໄດ້ຈັດຕັ້ງປະຕິ ບັດ 4 ໜ້າວຽກຕາມຂັ້ນຕອນ ຂອງ PDA ຖືກຕ້ອງຕາມກົດ ໝາຍໄຟຟ້າຂອງ ສປປ ລາວ.ສຳເລັດການສຳຫຼວດອອກ ແບບຂັ້ນລະອຽດ ແລະ ບົດວິ ພາກເສດຖະກິດເຕັກນິກ-ການ ເງິນ ໄລຍະກາງ ແລະ ສຸດ ທ້າຍ, ສຳເລັດການເກັບກຳຂໍ້ ມູນຜົນກະທົບຂອງໂຄງການ ແລະ ສຳຫຼວດຜົນກະທົບຕໍ່ສິ່ງ ແວດລ້ອມ-ສົງຄົມ. ພ້ອມນັ້ນ ສຳລັບການຊື້ຂາຍໄຟຟ້າ ກໍໄດ້ ສຳເລັດການເຈລະຈາ Taliff MOU ລາຄາຊື້-ຂາຍໄຟຟ້າ ແລະ ປະຕິບັດຕາມຂໍ້ຕົກລົງ ຊົ່ວຄາວຂອງທ່ານລັດຖະມົນຕີ ກະຊວງພະລັງງານ ແລະ ບໍ່ແຮ່ ວ່າດ້ວຍ: ຫຼັກການພິຈາລະນາ ຄ່າໄຟຟ້າຂອງບັນດາໂຄງ ການຜະລິດໄຟຟ້າທີ່ຈະຂາຍ ໃຫ້ລັດວິສາຫະກິດໄຟຟ້າລາວ ເພື່ອປະຕິບັດຕາມຂໍ້ຕົກລົງ ທ່ານເຈົ້າແຂວງສາລະວັນ ສະບັບເລກທີ 565/ຈຂ.ສວ ລົງວັນທີ 26 ສິງຫາ 2016 ຕົກ ລົງໃຫ້ບໍລສັດ P&P ພາວເວີ ຈຳກັດ (ບໍລິສັດດັ່ງກ່າວສຳນັກ ງານໃຫຍ່ຕັ້ງຢູ່ບ້ານຫ້ວຍເພັກ ເມືອງໂພນທອງ ແຂວງຈຳປາ ສັກ) ສືບຕໍ່ພັດທະນາໂຄງການ (SHOA) ກໍ່ສ້າງເຂື່ອນໄຟຟ້າ ຫ້ວຍໄລ່ໃຫ້ສຳເລັດຕາມລະ ດັບຄາດໝາຍ ແລະ ປະຕິບັດ ໃຫ້ຖືກຕ້ອງຕາມລະບຽບກົດ ໝາຍ. (ຂ່າວ: ວິໄລວອນ ສິດທິໄຊ)