ອອປສ ເຜີຍແຜ່ເນື້ອໃນກອງປະຊຸມວຽກງານ ກວດກາທົ່ວປະເທດ


...

   ອົງການໄອຍະການ ປະຊາຊົນສູງສຸດ (ອອປສ) ໄດ້ ຈັດກອງປະຊຸມເຜີຍແຜ່ເນື້ອ ໃນຈິດໃຈກອງປະຊຸມວຽກງານ ກວດກາ ທົ່ວປະເທດ ປະຈຳປີ 2016 ເມື່ອວັນທີ 21 ກຸມພາ ນີ້ ທີ່ອົງການດັ່ງກ່າວ ໂດຍການ ເປັນປະທານຂອງທ່ານ ບຸນຍັງ ຈັນດາລາສານ ຄະນະປະຈຳ ພັກ ປະທານກວດກາພັກ ຮອງ ຫົວໜ້າອົງການໄອຍະການປະ ຊາຊົນສູງສຸດ, ມີບັນດາຫົວໜ້າ ກົມ, ຮອງກົມ ແລະ ພະນັກງານ ເຂົ້າຮ່ວມ. ກອງປະຊຸມຄັ້ງນີ້ ບັນດາ ຜູ້ເຂົ້າຮ່ວມໄດ້ຮັບຟັງການເຜີຍ ແຜ່ບົດສະຫຼຸຸບການເຄື່ອນໄຫວ ວຽກງານກວດກາປີ 2016 ແລະ ທິດທາງແຜນການປີ 2017, ບົດ ໂອ້ລົມຂອງສະຫາຍ ບຸນທອງ ຈິດມະນີ ກຳມະການກົມການ ເມືອງສູນກາງພັກ ເລຂາທີການ ສູນກາງພັກ ຮອງນາຍົກລັດຖະ ມົນຕີ, ປະທານຄະນະກວດກາ ສູນກາງພັກ ປະທານກວດກາ ອົງການກວດກາລັດຖະບານ, ຫົວໜ້າອົງການຕ້ານການສໍ້ ລາດບັງຫຼວງຂັ້ນ ສູນກາງຕໍ່ກອງ ປະຊຸມວຽກງານກວດກາທົ່ວ ປະເທດ ປະຈຳປີ 2016, ຮັບ ຟັງການເຄື່ອນໄຫວວຽກງານ ກວດກາ ປະຈຳປີ 2016 ແລະ ທິດທາງແຜນການ 2017 ຂອງ ຄະນະກວດກາອົງການໄອຍະ ການປະຊາຊົນສູງສຸດ, ຈຸດປະ ສົງກໍເພື່ອເຮັດໃຫ້ຜູ້ເຂົ້າຮ່ວມ ໄດ້ຮັບຮູ້ ແລະ ເຂົ້າໃຈຕໍ່ວຽກ ງານດັ່ງກ່າວ ແນໃສ່ເພື່ອກ້າວ ໄປໃນການຈັດຕັ້ງປະຕິບັດເຂົ້າ ໃນວຽກງານຕົວຈິງໃຫ້ມີຜົນສຳ ເລັດດີຂຶ້ນເປັນກ້າວໆ. ໂອກາດດັ່ງກ່າວ ກໍໄດ້ມີ ການປາຖະກະຖາ ມູນເຊື້ອວັນ ສ້າງຕັ້ງອົງການກວດກາພັກ-ລັດ ຄົບຮອບ 35 ປີ ຊຶ່ງການປາ ຖະກະຖາຄັ້ງນີ້ ໂດຍໄດ້ຍົກໃຫ້ ເຫັນການເຕີບໃຫຍ່ຂະຫຍາຍ ຕົວ, ຜົນງານໃນແຕ່ລະໄລຍະ ນັບແຕ່ມື້ສ້າງຕັ້ງມາຮອດປັດຈຸ ບັນ ຄົບຮອດ 35 ປີ, ການປາຖະ ກະຖາດັ່ງກ່າວ ເພື່ອເຮັດໃຫ້ສະ ມາຊິກພັກ-ພະນັກງານທົ່ວອົງ ການປະຊາຊົນສູງສຸດໄດ້ເຊື່ອມ ຊຶມ ແລະ ກຳແໜ້ນໄດ້ຄວາມ ໝາຍ, ຄວາມສຳຄັນ ແລະ ການ ເຕີບໃຫຍ່ຂະຫຍາຍຕົວຂອງ ວຽກງານກວດກາພັກ-ລັດ. ( ຂ່າວ: ສຳນານ)