ໄຂການນຳໃຊ້ອາຄານພະແນກການເງິນສະຫວັນນະເຂດຫຼັງໃໝ່


...

     ພະແນກການເງິນ ແຂວງຫຼັງໃໝ່ ຊຶ່ງຕັ້ງຢູ່ບ້ານຫົວ ເມືອງເໜືອ ເມືອງໄກສອນ ພົມ ວິຫານ ແຂວງສະຫວັນນະເຂດ ໄດ້ໄຂການນຳໃຊ້ຢ່າງເປັນທາງ ການຫວ່າງແລ້ວນີ້ ພາຍຫຼັງທີ່ ໄດ້ລົງມືກໍ່ສ້າງແຕ່ວັນທີ 10 ເດືອນກັນຍາ ປີ 2015 ເປັນຕົ້ນ ມາ ແລະ ມາຮອດວັນທີ 12 ເດືອນ ມັງກອນ ປີ 2017 ແມ່ນສຳເລັດ ຕາມລະດັບຄາດໝາຍ (16 ເດືອນ) ໂດຍມີທ່ານ ກົງຈັກ ໜໍ່ ແກ້ວ ກຳມະການປະຈຳພັກ ແຂວງ ຫົວໜ້າພະແນກການ ເງິນແຂວງ, ມີບໍລິສັດຮັບເໝົາ ກໍ່ສ້າງ ພ້ອມກັບແຂກຖືກເຊີນ ແລະ ພາກສ່ວນກ່ຽວຂ້ອງເຂົ້າ ຮ່ວມ. ຕຶກອາຄານພະແນກການ ເງິນແຂວງຫຼັງໃໝ່ນີ້ ແມ່ນຖືກກໍ່ ສ້າງໃນເນື້ອທີ່ດິນ 4.695 ຕາ ແມັດ ຊຶ່ງເປັນໂຄງສ້າງເບຕ້ົງ ເສີມເຫຼັກມີຂະໜາດ 12 X48 ແມັດ, ສູງ 3 ຊັ້ນ, ອາຄານເບຕົ້ງ ເສີມເຫຼັກ ຂະໜາດ 6X12 ແມັດ 1 ຊັ້ນ ຈຳນວນ 2 ຫຼັງ ສຳ ເລັດແລ້ວ 1 ຫຼັງ ແລະ ຈະສືບ ຕໍ່ອີກ 1 ຫຼັງ ຊຶ່ງປະກອບມີຫ້ອງ ເຮັດວຽກ 36 ຫ້ອງ, ຫ້ອງປະຊຸມ ນ້ອຍ 2 ຫ້ອງ, ຫ້ອງປະຊຸມໃຫຍ່ 1 ຫ້ອງ ສາມາດບັນຈຸໄດ້ 160 ຄົນ, ມີລະບົບໄຟຟ້າພາຍໃນ ຄົບຊຸດ, ດຶງຕາຂ່າຍໄຟຟ້າ ແລະ ຕິດຕັ້ງໝໍ້ແປງໄຟ 250 KVA, ປະກອບເຄື່ອງສຽງ, ເຄື່ອງສາຍ ໂປຣເຈັກເຕີ ໃນຫ້ອງປະຊຸມ. ລະບົບນ້ຳປະປາ, ໂທລະສັບ, ອິນເຕີເນັດ, ລະບົບເຄືອຂ່າຍ ທາງດ້ານວິຊາສະເພາະຂອງ ງົບປະມານ, ເຄື່ອງປັບອາກາດ, ຫ້ອງນ້ຳ, ເດີ່ນຫຼີ້ນກິລາ, ບ່ອນ ຈອດລົດ, ລະບົບກ້ອງວົງຈອນ ປິດ ແລະ ຮົ້ວຂອງອາຄານຊຶ່ງ ສາມາດສ້າງສິ່ງອຳນວຍຄວາມ ສະດວກໃຫ້ການປະຕິບັດໜ້າ ທີ່ຂອງພະນັກງານໄດ້ເປັນຢ່າງ ດີ ໂຄງການດັ່ງກ່າວມີມູນຄ່າ 12.701 ລ້ານກວ່າກີບ ໂດຍ ແມ່ນທ່ານ ໄຊປັນຍາ ພຸດທະວົງ ຜູ້ອຳນວຍການບໍລິສັດໄຊທະ ວົງ ຂາເຂົ້າ-ຂາອອກ ຈຳກັດເປັນ ຜູ້ສະໜອງທຶນເປັນຕົ້ນແມ່ນ ຮັບຜິດຊອບວັດສະດຸ ແລະ ອຸ ປະກອນການກໍ່ສ້າງຕ່າງໆ ແລະ ບໍລິສັດສະຫວັນຄຳ ກໍ່ສ້າງເປັນ ຜູ້ຮັບເໝົາ. ຕຶກອາຄານພະແນກການ ເງິນແຂວງຫຼັງໃໝ່ເປັນໂຄງ ການຫັນທີ່ດິນ ແລະ ອາຄານ ພະແນກການເງິນແຂວງຫຼັງ ເກົ່າເປັນທຶນໂດຍການເຫັນດີ ເປັນເອກະພາບຂອງອຳນາດ ການປົກຄອງແຂວງ. (ຂ່າວ: ສະຫວັນນະເຂດ)