ໂຮງຮຽນສິນໄຊ ໄດ້ຮັບຕົວຢ່າງແຮ່ທາດ ເພື່ອສຶກສາຮຽນຮູ້


...

03.07.2019 9:33     

   ທ່ານ ຈັນສອນ ແສນບຸດ ຕະລາດ ຮອງລັດຖະມົນຕີກະ ຊວງພະລັງງານ ແລະ ບໍ່ແຮ່ ໄດ້ນຳເອົາຕົວຢ່າງແຮ່ທາດ ໄປມອບໃຫ້ໂຮງຮຽນປະຖົມ-ມັດທະຍົມສົມບູນສິນໄຊ ເພື່ອໃຫ້ຄູ-ອາຈານ ແລະ ນັກຮຽນໄດ້ສຶກສາຮຽນຮູ້ກ່ຽວກັບຊະນິດຂອງແຮ່ທາດ ໃນ ສປປ ລາວ. ຕົວຢ່າງແຮ່ທາດດັ່ງກ່າວປະກອບມີ 40 ຊະນິດ ເພື່ອໃຫ້ຄູ-ອາຈານ ແລະ ນັກຮຽນປະຖົມ-ມັດທະຍົມສົມບູນສິນໄຊສຶກສາຮຽນຮູ້ ແລະ ນຳໃຊ້ເຂົ້າໃນການຮຽນ-ການສອນ ເພື່ອເຮັດໃຫ້ນັກຮຽນໄດ້ຮຽນຮູ້ ເຖິງປະໂຫຍດຂອງແຮ່ທາດຊະນິດຕ່າງໆ. ພິທີມອບ-ຮັບຕົວຢ່າງແຮ່ທາດດັ່ງກ່າວ ມີຂຶ້ນເມື່ອບໍ່ດົນມານີ້ ລະຫວ່າງ ທ່ານ ຈັນສອນ ແສນບຸດຕະລາດ ເປັນຜູ້ກ່າວມອບ ແລະ ກ່າວຮັບໂດຍ ທ່ານ ນາງ ອາລີ ພົນເສນາ ຜູ້ອຳນວຍການໂຮງຮຽນປະຖົມ-ມັດທະຍົມສົມບູນສິນໄຊ. ທ່ານ ນາງ ອາລີ ພົນເສນາ ໄດ້ກ່າວ ສະແດງຄວາມຂອບໃຈ ຕໍ່ ທ່ານ ຈັນສອນ ບຸດຕະລາດ ທີ່ໄດ້ນຳຕົວຢ່າງແຮ່ທາດມາມອບໃຫ້ໂຮງຮຽນ, ພ້ອມທັງສັນຍາວ່າ ຈະປົກປັກຮັກສາ ແລະ ນຳໃຊ້ເຂົ້າໃນການສຶກສາ ຮຽນຮູ້ ຂອງຄູ-ອາຈານ ແລະ ນັກຮຽນໃຫ້ເກີດປະໂຫຍດສູງສຸດ. (ຂ່າວ-ພາບ: ສົມສະຫວັນ)