ສົກຮຽນ 2018-2019 ສມປຊ ມີຜູ້ສຳເລັດ ການສຶກສາ 256 ຄົນ


...

23.07.2019 9:18     

   ໃນສົກຮຽນ 2018-2019 ນີ້ ສະຖາບັນການເມືອງ ແລະ ການປົກຄອງແຫ່ງຊາດ (ສມປຊ) ມີຜູ້ສຳເລັດການສຶກສາ ແລະ ໄດ້ຮັບໃບປະກາສະນິຍະບັດ ທັງໝົດ ຈຳນວນ 256 ຄົນ, ຍິງ 59 ຄົນ,ໃນນີ້ປະກອບມີ ລະບົບຊັ້ນສູງເລັ່ງລັດ, ລະບົບອະນຸປະລິນຍາ, ປະລິນຍາຕີ ແລະ ປະລິນຍາໂທ. ພິທີປິດສົກຮຽນ ທິດສະດີການເມືອງ-ການປົກຄອງແຫ່ງຊາດປະຈຳສົກຮຽນ 2018-2019 ໄດ້ຈັດຂຶ້ນໃນວັນທີ 19 ກໍລະກົດນີ້, ທີ່ ສມປຊ,ໂດຍການເປັນປະທານຂອງ ທ່ານ ທອງສະລິດ ມັງໜໍ່ເມກ ຫົວໜ້າສະຖາບັນການເມືອງ-ການປົກຄອງແຫ່ງຊາດ, ມີພະນັກງານຄູອາຈານ ແລະ ນັກສຶກສາເຂົ້າຮ່ວມ. ທ່ານ ນາງ ໄກສອນ ຈັນສີນາ ຫົວໜ້າກົມວິຊາການ ສມປຊ ໄດ້ລາຍງານໃຫ້ຮູ້ວ່າ: ໃນສົກຮຽນ 2018-2019 ສມປຊ ມີນັກສຶກສາທັງໝົດ 859 ຄົນ,ຍິງ 212 ຄົນ,ໃນນັ້ນ ມີນັກສຶກສາຊັ້ນສູງເລັ່ງລັດ 5 ເດືອນ ຮຸ່ນທີ 23-24 ຈຳນວນ 107 ຄົນ, ຍິງ 19 ຄົນ, ນັກສຶກສາລະບົບປະລິນຕີ ຮຸ່ນທີ 21, 22, 23 ແລະ 24 ຈຳນວນ 456 ຄົນ, ຍິງ 123 ຄົນ ແລະ ປະລິນຍາຕີຕໍ່ເນື່ອງ ຮຸ່ນທີ 12-13 ຈຳນວນ 59 ຄົນ, ຍິງ 13 ຄົນ, ນັກສຶກສາລະບົບປະລິນຍາໂທ ຮຸ່ນທີ 13,14 ຈຳນວນ 118 ຄົນ, ຍິງ 25 ຄົນ. ທ່ານຍັງໄດ້ກ່າວອີກວ່າ: ໃນສົກຮຽນ 2018-2019 ມີຜູ້ສຳເລັດການສຶກສາ ແລະ ໄດ້ຮັບໃບປະກາສະນິຍະບັດ ທັງໝົດ ຈຳນວນ 256 ຄົນ, ຍິງ 59 ຄົນ,ໃນນີ້ປະກອບມີ: ລະບົບຊັ້ນສູງເລັ່ງລັດ 5 ເດືອນ ຮຸ່ນທີ 24, ຈຳນວນ 53 ຄົນ, ຍິງ 10 ຄົນ, ລະບົບອະນຸປະລິນຍາ ຮຸ່ນທີ 16 ຈຳນວນ 60 ຄົນ, ຍິງ 18 ຄົນ, ປະລິນຍາຕີ ຮຸ່ນທີ 21 ແລະ ເຊື່ອມຕໍໍ່ຮຸ່ນທີ 12 ຈຳນວນ 141 ຄົນ, ຍິງ 31 ຄົນ ແລະ ປະລິນຍາໂທ ຮຸ່ນທີ 12 ຈຳນວນ 2 ຄົນ ແລະ ນັກສຶກສາທີ່ຍັງບໍ່ທັນໄດ້ສຳເລັດການສຶກສາ ແລະ ກຳລັງສຶກສາຢູ່ມີທັງໝົດ 493 ຄົນ, ຍິງ 140 ຄົນ, ໃນນັ້ນ ມີນັກສຶກສາຊັ້ນອະນຸປະລິນຍາ ຮຸ່ນທີ 17 ຈຳນວນ 59 ຄົນ, ຍິງ 14 ຄົນ, ນັກສຶກສາຊັ້ນປະລິນຍາຕີ ຮຸ່ນທີ 22,23 ແລະ 24 ແລະ ເຊື່ອມຕໍ່ຮຸ່ນທີ 13 ຈຳນວນ 373 ຄົນ, ຍິງ 119 ຄົນ ແລະ ນັກສຶກສາຊັ້ນປະລິນຍາໂທ ຮຸ່ນທີ 14 ຈຳນວນ 60 ຄົນ, ຍິງ 15 ຄົນ, ສຳລັບປະລິນຍາໂທ ຮຸ່ນທີ 13 ແມ່ນຢູ່ໃນໄລຍະຂຽນບົດປ້ອງກັນ. ນອກຈາກນີ້ຍັງມີນັກສຶກສາຮຽນເກັ່ງມີວິໃນດີໄດ້ຮັບໃບຍ້ອງຍໍ ຈາກ ສມປຊ ຄື: ປະເພດທີ I ມີຈຳນວນ 32 ຄົນ, ຍິງ 6 ຄົນ,ປະເພດທີ II ຈຳນວນ 61 ຄົນ,ຍິງ 19 ຄົນ ແລະ ປະເພດທີ III ຈຳນວນ 39 ຄົນ,ຍິງ 13 ຄົນ. ທ່ານ ທອງສະລິດ ມັງໜໍ່ເມກ ໄດ້ໃຫ້ກຽດຂຶ້ນມອບໃບຍ້ອງຍໍໃຫ້ແກ່ນັກສຶກສາຮຽນເກັ່ງມີວິໃນຕາມລຳດັບ ແລະ ໄດ້ໂອ້ລົມຕໍ່ນັກສຶກສາທີ່ສຳເລັດການໃນຄັ້ງນີ້ ເພື່ອເປັນເຂັ້ມທິດເຍືອງທາງ ໃນການປະຕິບັດໜ້າທີ່ ກໍຄືປະກອບສ່ວນເຂົ້າໃນການ ບູລະນະແນວທາງ ນະໂນຍາຍຂອງພັກ, ລະບຽບກົດໝາຍຂອງລັດໃນແຕ່ລະໄລຍະ ແລະ ເຮັດສຳເລັດໜ້າທີ່ການເມືອງຂອງຕົນທີ່ການຈັດຕັ້ງມອບໝາຍໃຫ້. (ຂ່າວ ແລະ ຮູບ ບຸນຕອມ)