ນັກສຶກສາລາວ ໄດ້ຮັບທຶນໄປສຶກສາຕໍ່ ທີ່ປະເທດຈີນ


...

29.08.2019 11:19     

   (ຂປລ) ສະຖານເອກອັກ ຄະລັດຖະທູດ ສປ ຈີນ ປະຈຳ ລາວໄດ້ມອບທຶນການສຶກສາ ຈຳນວນ 73 ທຶນໃຫ້ນັກສຶກສາ ລາວ ແລະ ພະນັກງານ-ລັດຖະ ກອນຂອງ ສປປ ລາວ ໄປສຶກ ສາຕໍ່ທີ່ ສປ ຈີນ ໃນລະດັບປະ ລິນຍາຕີ 28 ທຶນ, ປະລິນຍາໂທ 41 ທຶນ ແລະ ປະລິນຍາເອກ 4 ທຶນ ຊຶ່ງງານລ້ຽງສົ່ງນັກສຶກສາ ດັ່ງກ່າວໄດ້ມີຂຶ້ນໃນວັນທີ 27 ສິງຫາຜ່ານມາ ໃຫ້ກຽດເຂົ້າຮ່ວມ ໂດຍທ່ານນາງ ແສງເດືອນ ຫຼ້າຈັນທະບູນ ລັດຖະມົນຕີກະ ຊວງສຶກສາທິການ ແລະ ກິລາ, ທ່ານ ຈ່ຽງ ຈ້າຍຕົງ ເອກອັກຄະ ລັດຖະທູດແຫ່ງ ສປ ຈີນ ປະຈໍາ ສປປ ລາວ ພ້ອມດ້ວຍນັກສຶກ ສາເຂົ້າຮ່ວມ.
ທ່ານ ຈ່ຽງ ຈ້າຍຕົງ ໄດ້ສະແດງຄວາມຍິນດີຕໍ່ບັນດານັກສຶກສາລາວທີ່ໄດ້ຮັບທຶນການສຶກສາໃນຄັ້ງນີ້ ພ້ອມທັງ ເຊື່ອໝັ້ນວ່ານັກສຶກສາດັ່ງກ່າວ ຈະກາຍເປັນຂົວຕໍ່ໃນການ ຮັດແໜ້ນສາຍພົວພັນລະຫວ່າງ ປະຊາຊົນລາວ ແລະ ປະຊາ ຊົນຈີນ ຊຶ່ງປັດຈຸບັນມີນັກສຶກ ສາລາວໄດ້ຮັບທຶນຈາກລັດຖະ ບານຈີນເຂົ້າຮຽນຢູ່ມະຫາວິທະ ຍາໄລສະຖາບັນຕ່າງໆຂອງ ປະເທດຈີນຫຼາຍກວ່າ 10.000 ຄົນ ຈັດຢູ່ໃນອັນດັບທີ 3 ຂອງບັນດາປະເທດອາຊຽນ ພ້ອມທັງລັດຖະບານຈີນຢຶນຍັນວ່າ ຈະໄດ້ໃຫ້ທຶນການສຶກສາແກ່ ສປປ ລາວ 350 ທຶນຕໍ່ປີ ນອກ ຈາກນັ້ນຍັງມີທຶນຊັ້ນສູງ, ຝຶກອົບ ຮົມວິຊີບໄລຍະສັ້ນ-ຍາວ.
ໃນໂອກາດນີ້, ທ່ານນາງ ແສງເດືອນ ຫຼ້າຈັນທະບູນ ໄດ້ສະແດງຄວາມຂອບໃຈຕໍ່ສະ ຖານທູດຈີນ ປະຈຳລາວ ກໍຄືລັດຖະບານຈີນທີ່ໄດ້ໃຫ້ທຶນການສຶກສາແກ່ນັກສຶກສາ ແລະ ພະນັກງານ-ລັດຖະກອນໃນຄັ້ງນີ້ ພ້ອມທັງເນັ້ນໃຫ້ບັນ ດານັກສຶກສາເອົາໃຈໃສ່ປະຕິ ບັດຕາມກົດລະບຽບຂອງບັນ ດາມະຫາວິທະຍາໄລກໍຄືກົດ ໝາຍຂອງປະເທດຈີນຢ່າງເຄັ່ງ ຄັດ ແລະ ໃຫ້ເອົາໃຈໃສ່ສຶກສາ, ຄົ້ນຄວ້າ, ຮໍ່າຮຽນໃຫ້ປະສົບ ຜົນສຳເລັດຕາມລະດັບຄາດ ໝາຍ ແລະ ນຳເອົາວັດທະນະ ທຳ, ຮີດຄອງປະເພນີອັນດີງາມ ຂອງລາວໄປເຜີຍແຜ່ໃຫ້ກັບບັນດານັກຮຽນ, ນັກສຶກສາຂອງ ສປ ຈີນ ໄດ້ຮັບຮູ້ຢ່າງກວ້າງ ຂວາງ ພ້ອມທັງນຳເອົາຄວາມ ຮູ້ຄວາມສາມາດ ແລະ ບົດຮຽນ ທີ່ຖອດຖອນໄດ້ນຳມາພັດທະ ນາປະເທດຊາດຂອງຕົນໃຫ້ຈະ ເລີນງອກງາມເທື່ອລະກ້າວ.