ໂຮງຮຽນການເມືອງ-ການປົກຄອງຫຼວງນ້ຳທາ ສ້າງບຸກຄະລາກອນຮັບໃຊ້ຊາດ


...

11.11.2019 9:26     

   ວັນທີ 5 ພະຈິກ ຜ່ານມາ ໂຮງຮຽນທິດສະດີການເມືອງ-ການປົກຄອງແຂວງຫຼວງນໍ້າທາປິດການຮຽນ-ການສອນທິດສະດີການເມືອງ-ການປົກຄອງລະບົບຊັ້ນກາງ ຮຸ່ນທີ 10 ສົກ 2018-2019 ເປັນກຽດເຂົ້າຮ່ວມໂດຍ ທ່ານ ພູວົງ ອຸ່ນຄຳແສນ ຮັກສາການຫົວໜ້າສະຖາບັນການເມືອງ-ການປົກຄອງແຫ່ງຊາດ, ທ່ານ ຈັນທອງ ແກ້ວປະເສີດ ກຳມະການປະຈຳພັກແຂວງ ຫົວໜ້າຄະນະຈັດຕັ້ງແຂວງ ຜູ້ຊີ້ນຳທິດສະດີການເມືອງ-ການປົກຄອງແຂວງ, ທ່ານ ສິງໄຊ ວັນຄໍາ ຮັກສາການຜູ້ອຳນວຍການໂຮງຮຽນທິດສະດີ ການເມືອງ - ການປົກຄອງແຂວງພ້ອມດ້ວຍຄະນະ, ຄູ-ອາ ຈານຕະຫຼອດຮອດນັກສຶກສາເຂົ້າຮ່ວມ. ທ່ານ ແສງ ເຊືອຍສົມບັດ ຫົວໜ້າຂະແໜງວິຊາການໂຮງ ຮຽນທິດສະດີການເມືອງການປົກຄອງແຂວງໄດ້ຜ່ານບົດສະຫຼຸບການຈັດຕັ້ງປະຕິບັດການຮຽນ-ການສອນທິດສະດີການເມືອງ-ການປົກຄອງ ລະບົບຊັ້ນກາງຮຸ່ນທີ 10 ສົກ 2018-2019 ແລະ ທິດທາງແຜນການລວມຂອງຊຸດຮຽນ 2019-2020 ຊຶ່ງໄດ້ເລີ່ມເປີດຮຽນຮຸ່ນທີ 10 ມາແຕ່ວັນທີ 21/6/2018-30/10/2019 ໄດ້ສຳເລັດຕາມໂຄງການຫຼັກສູດ ຊຶ່ງມີນັກສຶກສາທັງໝົດ 58 ຄົນ ຍິງ 23 ຄົນເປັນພະນັກງານຫຼັກແຫຼ່ງ ທີ່ມາຈາກພະແນກການອ້ອມຂ້າງແຂວງ ແລະ ບັນດາເມືອງທີ່ຜ່ານການຈັດຕັ້ງປະຕິ ບັດໂຄງການຫຼັກສູດການຮຽນ- ການສອນດັ່ງກ່າວ ຈາກນັ້ນ, ທ່ານ ພູວົງ ອຸ່ນຄຳແສນ ກໍໄດ້ ມອບໃບປະກາສະນີຍະບັດໃຫ້ນັກສຶກສາທິດສະດີການເມືອງ-ການປົກຄອງ ຮຸ່ນທີ 10 ທີ່ຮຽນຈົບໂຄງການຫຼັກສູດທິດສະດີການເມືອງການປົກຄອງຊັ້ນກາງ ຈໍານວນ 58 ຄົນ ຍິງ 23 ຄົນ ຢ່າງເປັນທາງການ. (ຂ່າວ: ມຸນຕີ)