ເຈົ້າແຂວງອຸດົມໄຊ ພົບປະໂອ້ລົມການນຳ ແລະ ປະຊາຊົນ ເມືອງແບງ


...

...

13.09.2019 12:14     

   ໃນວັນທີ 7 ກັນຍາຜ່ານມາ ທ່ານ ຄຳພັນ ເຜີຍຍະວົງ ເລຂາພັກແຂວງ ເຈົ້າແຂວງ ອຸດົມໄຊໄດ້ພົບປະໂອ້ລົມກັບ ການນຳ, ພະນັກງານຫຼັກແຫຼ່ງ ແລະ ພໍ່ແມ່ປະຊາຊົນພາຍໃນເທດສະບານເມືອງແບງ.
    ໂອກາດດັ່ງກ່າວ ທ່ານ ເຈົ້າແຂວງໄດ້ຍົກໃຫ້ເຫັນສະ ພາບໄພພິບັດທຳມະຊາດ ແລະ ການລະບາດຂອງພະຍາດຕ່າງໆ ໂດຍສະເພາະແມ່ນພະ ຍາດໝາກແດງ, ພະຍາດໄຂ້ ຍຸງ, ພະຍາດອັກເສບສະໝອງຍີ່ປຸ່ນ, ພະຍາດອະຫິວາໝູ, ສະ ພາບໄພແຫ້ງແລ້ງ, ໄພນ້ຳຖ້ວມ ແລະ ພະຍາດອື່ນໆທີ່ເກີດຂຶ້ນຢູ່ພາຍໃນແຂວງອຸດົມໄຊກໍຄື ເມືອງແບງ. ຕໍ່ກັບບັນຫາດັ່ງ ກ່າວ ທ່ານເຈົ້າແຂວງກໍໄດ້ເນັ້ນໃຫ້ການນຳ ແລະ ປະຊາຊົນພາຍໃນເມືອງແບງ ຈົ່ງເປັນ ເຈົ້າການໃນການປ້ອງກັນ, ຕ້ານ ແລະ ສະກັດກັ້ນ ເພື່ອບໍ່ໃຫ້ມີ ການແຜ່ລະບາດໄປສູ່ວົງກວ້າງ, ພ້ອມກັນຮັກສາສຸຂະພາບລູກຫຼານຂອງທ່ານໃຫ້ມີສຸຂະພາບແຂງແຮງຢູ່ສະເໝີ ສຳລັບສະ ພາບນ້ຳຖ້ວມ, ທ່ານເຈົ້າແຂວງ ໄດ້ເນັ້ນໃຫ້ການນຳເມືອງປະ ສານສົມທົບກັບພາກສ່ວນກ່ຽວ ຂ້ອງ ແລະ ອົງການປົກຄອງທຸກ ຂັ້ນໃຫ້ການຊ່ວຍເຫຼືອ ແລະ ແກ້ໄຂ ໂດຍການຈັດສັນບ່ອນທຳ ການຜະລິດ, ອາຊີບ ແລະ ບ່ອນຢູ່ອາໄສໃຫ້ແກ່ຄອບຄົວທີ່ໄດ້ຮັບຜົນກະທົບໜັກ. ສ່ວນຄອບຄົວທີ່ໄດ້ຮັບຜົນກະທົບໜ້ອຍແມ່ນໃຫ້ການຊ່ວຍເຫຼືອຢ່າງເໝາະສົມ ເພື່ອເປັນການຊ່ວຍເຫຼືອໃຫ້ແກ່ບັນດາຄອບຄົວທີ່ໄດ້ຮັບຜົນກະທົບຈາກໄພນ້ຳຖ້ວມ ແລະ ໄພແຫ້ງແລ້ງທີ່ເກີດຂຶ້ນ ໃນເດືອນສິງຫາຜ່ານມາ, ທ່ານ ເຈົ້າແຂວງຍັງໄດ້ນຳເອົາເຂົ້າ ສານຈຳນວນ 18 ໂຕນມອບໃຫ້ແກ່ອົງການປົກຄອງເມືອງແບງ ເພື່ອນຳໄປແຈກຢາຍໃຫ້ແກ່ພໍ່ແມ່ປະຊາຊົນທີ່ຖືກຜົນກະທົບຈາກໄພທຳມະຊາດໂດຍສະ ເພາະແມ່ນໄພນ້ຳຖ້ວມ ແລະ ໄພແຫ້ງແລ້ງ ພ້ອມທັງໄດ້ລົງຊຸກຍູ້ຂະບວນການສັກຢາ ແລະ ຢອດຢາຂອງທີມແພດຢູ່ພາຍໃນເມືອງແບງຕື່ມອີກ. (ຂ່າວ-ພາບ: ໄມພອນ)