ເມືອງປາກຊັນ ເຜີຍແຜ່ຜົນສຳເລັດກອງປະຊຸມສະໄໝສາມັນ ເທື່ອທີ 7


...

13.09.2019 10:58     

   ທ່ານ ນາງ ສີໃສ ລືເດດມູນສອນ ຮອງປະທານສະພາແຫ່ງຊາດ ທັງເປັນສະມາຊິກສະພາແຫ່ງຊາດປະຈໍາເຂດເລືອກຕັ້ງທີ 11 ແຂວງບໍລິຄຳໄຊ ພ້ອມດ້ວຍຄະນະສະມາຊິກສະພາປະຊາຊົນແຂວງ (ສພຂ) ປະຈຳເມືອງໄດ້ລົງເຄື່ອນໄຫວພົບປະຢ້ຽມຢາມ ແລະ ເຜີຍແຜ່ຜົນສຳເລັດກອງປະຊຸມສະໄໝສາມັນເທື່ອທີ 7 ຂອງສະພາແຫ່ງຊາດ ຊຸດທີ VIII ແລະ ສະ ພາປະຊາຊົນແຂວງ ຊຸດທີ I ຕໍ່ພະນັກງານ-ລັດຖະກອນ, ທະຫານ-ຕຳຫຼວດ, ຕະຫຼອດຮອດພໍ່ແມ່ປະຊາຊົນຜູ້ມີສິດເລືອກຕັ້ງເມື່ອບໍ່ດົນຜ່ານມາ ທີ່ເມືອງປາກຊັນ.
    ຈຸດປະສົງການລົງເຜີຍ ແຜ່ໃນຄັ້ງນີ້ ເພື່ອເຮັດໃຫ້ພະ ນັກງານ-ລັດຖະກອນ, ທະຫານ ຕໍາຫຼວດ, ອໍານາດການປົກຄອງ ບ້ານ ຕະຫຼອດຮອດພໍ່ແມ່ປະ ຊາຊົນຢູ່ທ້ອງຖິ່ນ ແລະ ຮາກຖານໄດ້ມີຄວາມຮັບຮູ້ ແລະ ເຂົ້າໃຈຕໍ່ແນວທາງ, ແຜນນະ ໂຍບາຍຂອງພັກ-ລັດ ເວົ້າລວມ, ເວົ້າສະເພາະ ກໍຄືວຽກງານຂອງສະພາແຫ່ງຊາດ (ສພຊ) ແລະ ສະພາປະຊາຊົນແຂວງ (ສພຂ) ທັງເປັນການເກັບກຳສະພາບການ, ການປະກອບຄຳຄິດ- ຄຳເຫັນ, ຄຳສະເໜີຕ່າງໆຂອງ ປະຊາຊົນໃນເຂດເລືອກຕັ້ງຕໍ່ກັບການປົກປັກຮັກສາ ແລະ ສ້າງສາພັດທະນາປະເທດຊາດ ພ້ອມທັງຮັບຟັງການລາຍງານສະພາບການພັດທະນາເສດຖະກິດ-ສັງຄົມຂອງເມືອງ, ບ້ານ. ພ້ອມນີ້ຄະນະ ສສຊ, ສສຂ ຍັງໄດ້ຍົກໃຫ້ເຫັນບາງມາດຕາ ຂອງກົດໝາຍທີ່ຕິດພັນກັບຊີ ວິດການເປັນຢູ່ຂອງປະ ຊາຊົນ, ວຽກງານບົດບາດຍິງ-ຊາຍ, ໄພຄຸກຄາມ ແລະ ຜົນຮ້າຍຂອງ ຢາເສບຕິດ ພ້ອມທັງເປີດໂອ ກາດໃຫ້ພໍ່ແມ່ປະຊາຊົນໄດ້ປະ ກອບຄຳຄິດ-ຄຳເຫັນ ແລະ ຄຳ ສະເໜີບາງບັນຫາທີ່ຂັດຂ້ອງ ໝອງໃຈຈຳນວນໜຶ່ງ ເປັນຕົ້ນ ແມ່ນບັນດາໂຄງການລົງທຶນຂອງລັດທີ່ສົ່ງຜົນກະທົບຕໍ່ການດຳລົງຊີວິດຂອງພໍ່ແມ່ປະ ຊາຊົນບັນດາເຜົ່າ ແລະ ສິ່ງ ແວດລ້ອມ, ບັນຫາພື້ນຖານໂຄງ ລ່າງ, ເສັ້ນທາງ, ໄຟຟ້າ, ນ້ຳກິນ-ນ້ຳໃຊ້ ແລະ ບັນຫາອື່ນໆ. ເພື່ອໃຫ້ຜູ້ແທນນໍາໄປພິຈາລະນາ ແລະ ສະເໜີຕໍ່ກອງປະຊຸມສະ ໄໝສາມັນເທື່ອທີ 8 ທີ່ຈະເປີດ ຂຶ້ນໃນຕໍ່ໜ້າ ຊຶ່ງບັນຫາທີ່ປະຊາ ຊົນສະເໜີມານັ້ນ ບາງບັນຫາ ທາງຄະນະສະມາຊິກສະພາແຫ່ງຊາດ ປະຈຳເຂດເລືອກຕັ້ງ, ສະມາຊິກສະພາປະຊາຊົນແຂວງ ກໍໄດ້ຊີ້ແຈງ ແລະ ໃຫ້ຄວາມກະຈ່າງແຈ້ງ ແລະ ຍັງມີບາງບັນຫາທາງຄະນະ ສສຊ, ສສຂ ແມ່ນຈະໄດ້ນຳເອົາໄປສະເໜີຕໍ່ກອງປະຊຸມ ສພຊ ແລະ ສພຂ ເພື່ອໃຫ້ພາກສ່ວນກ່ຽວຂ້ອງນຳໄປຄົ້ນຄວ້າພິຈາ ລະນາແກ້ໄຂໃນຕໍ່ໜ້າ ພ້ອມນີ້ ທ່ານຮອງປະທານສະພາແຫ່ງຊາດຍັງໄດ້ເນັ້ນ ແລະ ໃຫ້ທິດຊີ້ນຳຕໍ່ອຳນາດການປົກຄອງຂອງເມືອງ, ອຳນາດການປົກຄອງບ້ານ ຕະຫຼອດຮອດພໍ່ແມ່ປະ ຊາຊົນ ຈົ່ງພ້ອມກັນຮັກສາໄດ້ຄວາມສາມັກຄີ, ຮັກແພງ ຊຶ່ງກັນ ແລະ ກັນ, ຕ້ານທຸກປະກົດການຫຍໍ້ທໍ້ຕ່າງໆທີ່ຈະເກີດຂຶ້ນ, ເອົາໃຈໃສ່ສ້າງເສດຖະກິດຄອບ ຄົວຂອງຕົນໃຫ້ມີຄວາມເຂັ້ມ ແຂງ ເພື່ອເຮັດໃຫ້ຊີວິດການເປັນຢູ່ໃຫ້ນັບມື້ດີຂຶ້ນເປັນກ້າວໆ.
(ຂ່າວ: ບຸນນໍາ ແພງສີແກ້ວ)