ຫ້ອງວ່າການສູນກາງພັກ ເຜີຍແຜ່ລະບົບເອເລັກໂຕຣນິກ


...

13.09.2019 12:15     

   ເມື່ອບໍ່ດົນມານີ້ ກົມບໍລິ ຫານ, ກົມໄອທີ ຫ້ອງວ່າການສູນ ກາງພັກໄດ້ຮ່ວມກັບສູນບໍລິ ຫານລັດດ້ວຍເອເລັກໂຕຣນິກ ກະຊວງໄປສະນີໂທລະຄົມມະ ນາຄົມ ແລະ ການສື່ສານຈັດຕັ້ງ ການເຜີຍແຜ່ກ່ຽວກັບລະບົບຫ້ອງການທັນສະໄໝ, ຈົດໝາຍເອເລັກໂຕຣນິກ ແລະ ກອງປະ ຊຸມທາງໄກຢູ່ຫ້ອງວ່າການສູນກາງພັກ ໂດຍການເປັນປະທານຮ່ວມຂອງທ່ານ ຈັນທະບູນ ລັດຕະນະວົງ ຄະນະປະຈໍາພັກ ຮອງຫົວໜ້າຫ້ອງວ່າການສູນກາງພັກ ປະຊາຊົນ ປະຕິວັດລາວ ແລະ ທ່ານ ທະວີສັກ ມະໂນທໍາ ຫົວໜ້າສູນບໍລິຫານລັດດ້ວຍເອເລັກໂຕຣນິກ ກະຊວງໄປສະນີໂທລະຄົມມະນາຄົມ ແລະ ການສື່ສານ ໂດຍການເຂົ້າຮ່ວມຂອງບັນດານັກວິທະຍາກອນ ແລະ ພະນັກງານ ລັດຖະກອນຈາກ ບັນດາກົມພາຍໃນຫ້ອງວ່າການ ສູນກາງພັກ ປະຊາຊົນ ປະຕິວັດລາວ ຈໍານວນ 200 ກວ່າທ່ານ.
    ການເຜີຍແຜ່ຄັ້ງນີ້ແມ່ນເປັນສ່ວນໜຶ່ງຂອງການສ້າງຂະບວນການວິຊາສະເພາະ ເພື່ອຂໍ່ານັບຮັບຕ້ອນກອງປະ ຊຸມໃຫຍ່ ຄັ້ງທີ VII ຂອງອົງຄະ ນະພັກຫ້ອງວ່າການສູນກາງພັກທີ່ຈະມາເຖິງ ທັງເປັນການ ຈັດຕັ້ງຜັນຂະຫຍາຍທິດນໍາການຫັນເປັນທັນສະໄໝ ໃນວຽກງານເສນາທິການຮັບໃຊ້ການນໍາຂອງຫ້ອງວ່າການສູນກາງພັກໃຫ້ເປັນຈິງ ແລະ ມີບາດລ້ຽວໃໝ່ທີ່ດີກວ່າເກົ່າ. ພ້ອມນັ້ນ, ສູນບໍລິຫານລັດດ້ວຍເອເລັກໂຕຣນິກ ຍັງໄດ້ມອບເຄື່ອງອຸປະກອນລະບົບກອງປະຊຸມທາງໄກ ມູນຄ່າ 88 ລ້ານກວ່າກີບ ໃຫ້ແກ່ຫ້ອງວ່າການສູນກາງພັກ ເພື່ອນໍາໃຊ້ເຂົ້າໃນ ການຈັດຕັ້ງປະຕິບັດໜ້າທີ່ການ ເມືອງຂອງຕົນ ໃນໄລຍະໃໝ່ ໃຫ້ມີຄວາມສະດວກ, ວ່ອງໄວ ແລະ ປະຢັດກວ່າເກົ່າ ໂດຍສະ ເພາະແມ່ນການຈັດກອງປະຊຸມກັບບັນດາກະຊວງ, ອົງການ ແລະ ທ້ອງຖິ່ນ.
    ໃນໂອກາດທີ່ມີຄວາມໝາຍຄວາມສໍາຄັນນີ້, ທ່ານ ຈັນທະບູນ ລັດຕະນະວົງ ໄດ້ມີຄວາມເຫັນບາງຕອນທີ່ສໍາຄັນ ວ່າ: ການພັດທະນາວຽກງານເຕັກໂນໂລຊີຂໍ້ມູນຂ່າວສານ ໃນຍຸກດີຈີຕອນແມ່ນມີບົດບາດສໍາຄັນທີ່ສຸດ ໃນການສືບຕໍ່ພາ ລະກິດປ່ຽນແປງໃໝ່ຂອງພັກ ຊຶ່ງຫ້ອງວ່າການສູນກາງພັກ ປະຊາຊົນ ປະຕິວັດລາວ ໄດ້ຖື ເອົາວຽກຫັນເປັນທັນສະໄໝເປັນຍຸດທະສາດໜຶ່ງຂອງຕົນຕະຫຼອດມາ ເພື່ອຍົກລະດັບການເປັນເສນາທິການໃຫ້ການນໍາຂັ້ນສູງໃຫ້ວ່ອງໄວ, ຊັດເຈນ, ມີຄວາມປອດໄພ ແລະ ມີປະສິດ ທິພາບສູງຂຶ້ນກວ່າເກົ່າ, ໃຫ້ຖືເປັນຂໍ້ແຂ່ງຂັນຮັກຊາດ ແລະ ພັດທະ ນາໜຶ່ງຂອງແຕ່ລະກົມກອງ; ນອກນັ້ນ, ທ່ານຍັງກ່າວອີກວ່າ: ການພັດທະນາຂົງເຂດນີ້ບັນຫາສໍາຄັນແມ່ນຕ້ອງມີຍຸດທະສາດໃນການສ້າງບຸກຄະລາກອນ, ມີງົບປະມານ ແລະ ການຈັດວາງລະບົບທີ່ເຂັ້ມແຂງ; ອີກປະການໜຶ່ງແມ່ນການເສີມຂະຫຍາຍບົດບາດຂອງເຕັກໂນໂລຊີທັນສະໄໝ ໃນການພັດທະນາເສດ ຖະກິດ ໃນຮູບແບບດີຈີຕອນ ເພື່ອປະກອບສ່ວນຢ່າງແຂງແຮງເຂົ້າໃນການພັດທະນາເສດຖະກິດ-ສັງຄົມຂອງປະເທດໃນອະນາຄົດ. (ຂ່າວ-ພາບ: ຫ້ອງວ່າ ການ)