ກະຊວງພາຍໃນ ເຜີຍແຜ່ນິຕິກຳໃຫ້ແກ່ອົງການຈັດຕັ້ງສັງຄົມ ເມືອງໄຊຍະບູລີ


...

13.09.2019 12:16     

   ກະຊວງພາຍໃນໄດ້ຈັດກອງປະຊຸມເຜີຍແຜ່ນິຕິກຳກ່ຽວກັບວຽກງານອົງການຈັດຕັ້ງສັງຄົມໃຫ້ແກ່ຫ້ອງການຂັ້ນເມືອງ, ນາຍບ້ານ, ອົງການຈັດຕັ້ງສັງຄົມ ແລະ ບາງອົງການຈັດຕັ້ງສາກົນ ເມື່ອບໍ່ດົນມານີ້ທີ່ຮ້ານອາຫານສາຍນ້ຳຮຸ່ງ ເມືອງໄຊຍະບູລີ ແຂວງໄຊຍະບູລີ ໂດຍການເປັນປະທານຂອງທ່ານ ບຸນແທນ ທີແກ້ວ ກຳ ມະການພັກແຂວງ ເລຂາພັກ ເມືອງ ເຈົ້າເມືອງໄຊຍະບູລີ, ມີ ທ່ານ ອໍາພາ ສີມມະສອນ ຫົວ ໜ້າກົມພັດທະນາບໍລິຫານລັດ ກະຊວງພາຍໃນ, ມີບັນດາທ່ານຄະນະຮັບຜິດຊອບຈາກກະຊວງພາຍໃນ, ກະຊວງການຕ່າງປະເທດ, ກະຊວງປ້ອງກັນຄວາມສະຫງົບ, ມີກຳມະການພັກເມືອງ, ຫົວໜ້າ, ຮອງຫົວໜ້າຫ້ອງການ, ນາຍບ້ານທີ່ມາຈາກ ເມືອງໄຊຍະບູລີ, ເມືອງຄອບ ແລະ ເມືອງຊຽງຮ່ອນ, ມີອົງການຈັດຕັ້ງສັງຄົມ, ພະນັກງານວິຊາການພະແນກພາຍໃນແຂວງ, ຫ້ອງການພາຍໃນເມືອງໄຊຍະບູລີ ເຂົ້າຮ່ວມຢ່າງພ້ອມພຽງ.
    ໃນກອງປະຊຸມຜູ້ເຂົ້າຮ່ວມ ໄດ້ຮັບຟັງການນຳສະເໜີດຳ ລັດວ່າດ້ວຍສະມາຄົມ ສະບັບເລກທີ 238/ລບ ລົງວັນທີ 11 ສິງຫາ 2017 ມີ 16 ໝວດ 81 ມາດຕາ, ຄໍາແນະນໍາການຈັດ ຕັ້ງປະຕິບັດດຳລັດວ່າດ້ວຍສະ ມາຄົມເລກທີ 05/ພນ ລົງວັນທີ 11 ຕຸລາ 2017, ດຳລັດ ວ່າ ດ້ວຍມູນນິທິ ສະບັບເລກທີ 149/ນຍ ລົງວັນທີ 19 ພຶດສະ ພາ 2011 ມີທັງໝົດ 10 ໝວດ 49 ມາດຕາ, ຄຳແນະນຳການ ຈັດຕັ້ງປະຕິບັດດຳລັດວ່າດ້ວຍມູນນິທິ ເລກທີ 02/ພນ ລົງວັນທີ 27 ເມສາ 2012, ຂໍ້ແນະນຳ ກ່ຽວກັບການຈັດຕັ້ງມາດຕາ 55 ວັກ 2 ຂອງດຳລັດວ່າດ້ວຍສະມາຄົມກ່ຽວກັບການອະນຸມັດໃຫ້ສະມາຄົມ ແລະ ມູນນິທິຮັບເອົາທຶນ ແລະ ຊັບສິນ ແລະ ຊ່ຽວຊານຈາກຕ່າງປະເທດສະ ບັບເລກທີ 4289/ຕປທ.ຈສກ ລົງວັນທີ 22 ມິຖຸນາ 2018, ນໍາສະເໜີຂັ້ນຕອນ ໃນການຄວັດກາປະທັບ, ການຄຸ້ມຄອງ ແລະ ຮູບແບບກາປະທັບຂອງສັງຄົມມູນນິທິ ສະບັບເລກທີ 322/ລບ ລົງວັນທີ 1 ຕຸລາ 2018, ບົດສະເໜີກ່ຽວກັບສະ ພາບການທີ່ພົ້ນເດັ່ນ ໃນພາກພື້ນ ແລະ ສາກົນ ແລະ ສະພາບ ການເຄື່ອນໄຫວຂອງອົງການ ຈັດຕັ້ງສັງຄົມ, ບົດສະເໜີ ກ່ຽວກັບການເຄື່ອນໄຫວຂອງ ອົງການຈັດຕັ້ງສັງຄົມ ແລະ ການກວດກາຊີວະປະຫວັດຂອງຄະນະສ້າງຕັ້ງສະມາຄົມ, ບົດສະເໜີບົດຮຽນການເຄື່ອນ ໄຫວ ໃນໄລຍະຜ່ານມາຂອງອົງການຈັດຕັ້ງສັງຄົມ ແລະ ການພົວພັນປະສານງານກັບພາກລັດ, ຈາກນັ້ນ ບັນດາຜູ້ເຂົ້າຮ່ວມໃນກອງປະຊຸມຍັງໄດ້ພ້ອມກັນສົນທະນາແລກປ່ຽນບົດຮຽນຊຶ່ງກັນ ແລະ ກັນໃນການສະເໜີຫົວຂໍ້ຕ່າງໆ ທັງນີ້ເພື່ອເຮັດໃຫ້ຜູ້ເຂົ້າຮ່ວມໄດ້ຮັບຮູ້ເຂົ້າໃຈຢ່າງຈະແຈ້ງ ແລະ ນຳ ໄປຈັດຕັ້ງປະຕິບັດຕົວຈິງໃຫ້ເກີດຜົນປະໂຫຍດສູງ.
(ຂ່າວ: ສົມພົງ ສີສະຫວັດ)