ຫຼວງນ້ຳທາ ປັບປຸງການຈັັດຕັ້ງ


...

19.09.2019 9:06     

   ວັນທີ 17 ກັນຍາຜ່ານ ມາ ທີ່ພະແນກກະສິກຳ ແລະ ປ່າໄມ້ແຂວງຫຼວງນ້ຳທາໄດ້ຈັດ ພິທີມອບ-ຮັບໜ້າທີ່ຫົວໜ້າ ພະແນກກະສິກຳ ແລະ ປ່າໄມ້ ແຂວງ ໂດຍການເຂົ້າຮ່ວມຂອງ ທ່ານ ເພັດຖາວອນ ພິລາວັນ ກຳມະການສູນກາງພັກ ເລ ຂາພັກແຂວງ ເຈົ້າແຂວງໆຫຼວງນ້ຳທາ, ມີຄະນະຈັດຕັ້ງແຂວງ, ຫົວໜ້າພະແນກ-ຮອງຫົວໜ້າພະແນກ, ຫົວໜ້າຫ້ອງ ການກະສິກຳ ແລະ ປ່າໄມ້ 5 ເມືອງ ແລະ ພະນັກງານລັດຖະ ກອນ ພາຍໃນພະແນກກະສິກໍາ ແລະ ປ່າໄມ້ແຂວງເຂົ້າຮ່ວມ. ທ່ານ ຈັນທະໜອມ ຂັນທະລາດ ຮອງຫົວໜ້າຄະນະ ຈັດຕັ້ງແຂວງຫຼວງນ້ຳທາກ່າວໃນພິທີມອບ - ຮັບໜ້າທີ່ດັ່ງກ່າວ ເພື່ອປະຕິບັດຕາມມາດຕາ 19 ແລະ ມາດຕາ 20 ວ່າດ້ວຍພາ ລະບົດບາດສິດ ແລະ ໜ້າທີ່ຂອງເຈົ້າແຂວງ ເຈົ້ານະຄອນຫຼວງຂອງກົດໝາຍວ່າດ້ວຍການປົກຄອງທ້ອງຖິ່ນ ສະບັບປັບປຸງສະບັບເລກທີ 68/ສພຊ ລົງວັນທີ 14 ທັນວາ 2015 ແລະ ຂໍ້ຕົກລົງຂອງທ່ານເຈົ້າ ແຂວງສະບັບເລກທີ 686/ຈຂ ລົງວັນທີ 9 ກັນຍາ 2019 ວ່າດ້ວຍການຍົກຍ້າຍພະນັກງານໄປຮັບໜ້າທີ່ໃໝ່, ຂໍ້ຕົກລົງຂອງທ່ານເຈົ້າແຂວງ ສະບັບເລກທີ 685/ຈຂ ລົງວັນທີ 9 ກັນຍາ 2019 ວ່າດ້ວຍການແຕ່ງຕັ້ງຮອງເຈົ້າແຂວງໆຫຼວງນໍ້າທາ ແລະ ປະຕິບັດຕາມການແຈ້ງການຂອງຄະນະຈັດຕັ້ງສູນກາງພັກ ສະບັບເລກທີ 106/ຄຈສພ ລົງວັນທີ 10 ພຶດສະພາ 2019 ແລະ ມະຕິຕົກລົງຂອງກອງປະຊຸມສະພາປະຊາຊົນແຂວງຫຼວງນ້ຳທາ ວ່າດ້ວຍການຮັບຮອງເອົາການແຕ່ງຕັ້ງຮອງເຈົ້າແຂວງໆຫຼວງນ້ຳທາ ສະບັບເລກທີ 43/ສພຂ ລົງວັນທີ 28 ສິງຫາ 2019, ເຈົ້າແຂວງຕົກລົງແຕ່ງຕັ້ງທ່ານ ຄຳໄຫຼ ສີປະເສີດ ກຳມະການປະຈໍາພັກແຂວງ ຫົວໜ້າພະແນກກະສິກຳ ແລະ ປ່າໄມ້ແຂວງຜູ້ເກົ່າຂຶ້ນຮັບໜ້າທີ່ເປັນຮອງເຈົ້າແຂວງໆຫຼວງນ້ຳທາ ແລະ ແຕ່ງຕັ້ງທ່ານ ພິມແກ້ວ ທຳລະສິນ ຮອງຫົວໜ້າພະແນກກະສິກຳ ແລະ ປ່າໄມ້ແຂວງ ຂຶ້ນຮັກສາການຫົວໜ້າພະແນກ ກະສິກຳ ແລະ ປ່າໄມ້ແຂວງ, ໂອກາດນີ້ທ່ານ ເພັດຖາວອນ ພິລາວັນ ກໍໄດ້ໂອ້ລົມຕໍ່ພິທີກ່ອນອື່ນທ່ານກໍໄດ້ຍ້ອງຍໍຕໍ່ການຊີ້ນຳໆພາໃນໄລຍະຜ່ານມາ ແລະ ໄດ້ຮຽກຮ້ອງສືບຕໍ່ໃນ ການປະຕິບັດໜ້າທີ່ຂອງຫົວ ໜ້າພະແນກກະສິກໍາ-ປ່າໄມ້ ຜູ້ໃໝ່ ເພີ່ມທະວີຕໍ່ໜ້າທີ່ການ ເມືອງໃຫ້ໜັກແໜ້ນ, ຊີ້ນຳ-ນຳພາພະນັກງານ-ລັດຖະກອນໃຫ້ມີຄຸນທາດການເມືອງ, ສິນທຳປະຕິວັດ, ໃຫ້ມີແບບແຜນວິທີເຮັດວຽກ, ເພີ່ມທະວີຄວາມສາມັກຄີໃຫ້ເປັນເອກະພາບເຮັດວຽກແບບລວມສູນປະຊາ ທິປະໄຕ, ມີການແບ່ງວຽກໃຫ້ບຸກຄົນຮັບຜິດຊອບ, ເປັນເຈົ້າການປະຕິບັດລະບຽບກົດໝາຍຕີຕ້ານປະກົດການຫຍໍ້ທໍ້ໃນສັງ ຄົມ ແລະ ສືບຕໍ່ສູ້ຊົນເຮັດໃຫ້ວຽກ ງານວິຊາສະເພາະໃຫ້ໄດ້ຕາມຄາດໝາຍ. (ຂ່າວ-ພາບ: ກິ່ນນາລົມ)