ພະນັກງານຫຼັກແຫຼ່ງ ແຂວງໄຊຍະບູລີ ສຳເລັດຊຸດອົບຮົມກົດໝາຍ


...

19.09.2019 9:08     

   ຊຸດອົບຮົມກົດໝາຍຂັ້ນ ພື້ນຖານລະບົບບໍາລຸງ 45 ວັນພະນັກງານຫຼັກແຫຼ່ງອ້ອມຂ້າງແຂວງ ໄດ້ຈັດຂຶ້ນໃນວັນທີ 11 ກັນຍາຜ່ານມາ ທີ່ຫ້ອງປະຊຸມພະແນກກະສິກໍາ ແລະ ປ່າໄມ້ ແຂວງໄຊຍະບູລີ ໂດຍການເຂົ້າ ຮ່ວມຂອງທ່ານ ໄຊສີ ສັນຕິວົງ ກຳມະການສູນກາງພັກ ລັດຖະ ມົນຕີກະຊວງຍຸຕິທໍາ, ທ່ານ ຍັນຍົງ ສີປະເສີດ ຮອງເລຂາພັກແຂວງ ຮອງເຈົ້າແຂວງໄຊຍະບູລີ, ມີບັນດາຫົວໜ້າສະຖາບັນຍຸຕິທໍາແຫ່ງຊາດ, ຫົວໜ້າຫ້ອງການ, ຫົວໜ້າກົມ, ມີບັນ ດາຫົວໜ້າ, ຮອງຫົວໜ້າ ຕາງ ໜ້າພະແນກການ, ອົງການ, ກົມ ກອງ, ລັດວິສາຫະກິດອ້ອມຂ້າງ ແຂວງ ພ້ອມດ້ວຍຄູ-ອາຈານ ແລະ ນັກຝຶກອົບຮົມເຂົ້າຮ່ວມ. ໃນພິທີ ທ່ານ ຍັນຍົງ ສີປະ ເສີດ ໄດ້ໃຫ້ກຽດກ່າວປິດຊຸດອົບ ຮົມ ຊຶ່ງບາງຕອນໄດ້ກ່າວວ່າ: ໃນທ່າມກາງບັນຍາກາດທີ່ທົ່ວພັກ, ທົ່ວລັດ, ທົ່ວກອງທັບພວມຫ້າງຫາກະກຽມສືບຕໍ່ຈັດຕັ້ັງປະ ຕິບັດກອງປະຊຸມໃຫຍ່ 3 ຂັ້ັັນ ຂອງພັກ ແລະ ເພື່ອຈັດຕັ້ງຜັນ ຂະຫຍາຍມະຕິກອງປະຊຸມ ໃຫຍ່ ຄັ້ງທີ X ຂອງພັກປະຊາຊົນປະຕິວັດລາວ; ມະຕິກອງປະຊຸມໃຫຍ່ ຄັ້ງທີ VI ຂອງອົງຄະນະພັກແຂວງໄຊຍະບູລີ ແລະ ແຜນພັດທະນາເສດຖະກິດ-ສັງຄົມ 2015-2020 ທີ່ແຂວງວາງອອກໃຫ້ປະກົດຜົນເປັນຈິງ ເພື່ອສ້າງຄວາມໝັ້ັັນຄົງໃຫ້ແກ່ລັດ ປະຊາທິປະໄຕ ປະຊາຊົນ ຊຶ່ງເນື້ອໃນມະຕິກອງປະຊຸມໃຫຍ່ ຄັ້ງທີ X ຂອງພັກ ໄດ້ຂຽນໄວ້ວ່າ: ການຍົກສູງປະສິດທິພາບ ໃນການຄຸ້ມຄອງລັດດ້ວຍກົດໝາຍ ແມ່ນມີຄວາມສໍາຄັນຍິ່ງ ທັງແມ່ນຄວາມຈໍາເປັນພາວະວິໄສ ໃນການສ້າງຄວາມໝັ້ນຄົງໃຫ້ແກ່ລະບອບປະຊາທິປະໄຕ ປະຊາຊົນຂອງພວກເຮົາໃນຍຸກ ເຊື່ອມໂຍງກັບສາກົນ ແລະ ພາກພື້ນກົດໝາຍ ແລະ ນິຕິກໍາ ໃຕ້ກົດໝາຍເປັນມາດຖານເຕັກ ນິກຮັດກຸມເຄັ່ງຄັດແມ່ນເຄື່ອງມືໃນການຄຸ້ມຄອງເສດຖະກິດ-ສັງຄົມ ຮັບປະກັນສິດ ແລະ ຜົນປະໂຫຍດອັນຊອບທໍາຂອງລັດ-ຂອງລວມໝູ່ ແລະ ຂອງປະຊາຊົນ ຍ້ອນກົດໝາຍມີ ບົດບາດສໍາຄັນດັ່ງກ່າວມານັ້ັນ ໄດ້ເລັ່ງທວງໃຫ້ລັດເຮົາຕ້ອງສ້າງຄວາມເຂັ້ມແຂງ, ເອົາໃຈ ໃສ່ສ້າງບຸກຄະລາກອນກົດ ໝາຍ ຫຼື ຕ້ອງສຶກສາຮໍ່າຮຽນກົດໝາຍໃຫ້ພະນັກງານ, ທະ ຫານ, ຕໍາຫຼວດ ແລະ ພົນລະ ເມືອງລາວໃຫ້ມີຄວາມຮູ້, ມີຄວາມເຂົ້າໃຈຕໍ່ເນື້ອໃນກົດ ໝາຍ ຢ່າງທົ່ວເຖິງ ໂດຍຢຶດໝັ້ັັັນຫຼັກການທີ່ວ່າ ພັກນໍາພາ ແລະ ກຳອຳນາດຕາມກົດໝາຍ, ລັດຄຸ້ມຄອງສັງຄົມດ້ວຍກົດໝາຍ ປະຊາຊົນສະເໝີພາບຕໍ່ໜ້າກົດ ໝາຍ; ນີ້ແມ່ນຫຼັກການ ແລະ ຈຸດໝາຍຂອງພັກເຮົາແມ່ນຄວາມຮຽກຮ້ອງຕ້ອງການອັນຈໍາເປັນຂອງພາລະກິດປະຕິວັດ ເພື່ອສືບຕໍ່ບູລະນະລະບອບ ປະ ຊາທິປະໄຕ ປະຊາຊົນ ຢູ່ປະ ເທດເຮົາມີຄວາມຈໍາເປັນຕ້ອງ ໄດ້ໂຄສະນາ ແລະ ສ້າງສະຕິ ເຄົາລົບກົດໝາຍໃຫ້ທຸກອົງ ການຈັດຕັ້ັງພົນລະເມືອງທຸກຄົນຢູ່ໃນສັງຄົມ ເພາະວ່າ ລັດທີ່ປົກຄອງດ້ວຍກົດໝາຍແມ່ນ ລັດທີ່ຖືເອົາກົດໝາຍເປັນສິ່ງ ສູງສຸດ, ທຸກການຈັດຕັ້ງພົນ ລະເມືອງທຸກຄົນຕ້ອງຖືເອົາກົດ ໝາຍເປັນບ່ອນອີງ ໃນການດໍາລົງຊີວິດປະຈໍາວັນ ແລະ ເຄື່ອນໄຫວວຽກງານຂອງຕົນ. ຊຸດອົບຮົມຄັ້ງນີ້ມີພະນັກງານຫຼັກແຫຼ່ງອ້ອມຂ້າງແຂວງເຂົ້າຮ່ວມ 46 ຄົນ, ຍິງ 12 ຄົນ. ຫຼັກສູດການຮຽນ-ການສອນ ປະກອບມີ 32 ວິຊາຮຽນ, 225 ໜ່ວຍກິດ ແລະ ມີ 360 ຊົ່ວໂມງ. ໃນໂອກາດດຽວກັນນີ້ ທ່ານ ໄຊສີ ສັນຕິວົງ ໄດ້ໃຫ້ກຽດມອບໃບຢັ້ັັັງຢືນໃຫ້ຜູ້ທີ່ຈົບຊຸດອົບຮົມກົດໝາຍ 45 ວັນ ແລະ ໃບຍ້ອງຍໍ, ໃບຊົມເຊີຍ ພ້ອມມີຄໍາເຫັນໂອ້ລົມ ໂດຍເນັ້ນໃຫ້ທຸກອົງການຈັດຕັ້ງ, ພະນັກງານລັດ ຕ້ອງເຂົ້າໃຈກ່ຽວກັບກົດໝາຍ, ຕ້ອງໂຄສະນາເຜີຍແຜ່ໃຫ້ໝູ່ຄະນະ ແລະ ປະຊາຊົນໄດ້ຮັບ ຮູ້ ເພື່ອພ້ອມກັນຈັດຕັ້ັງປະຕິບັດ ແນໃສ່ຮັບປະກັນສິດ ແລະ ຜົນປະໂຫຍດອັນຊອບທໍາຂອງປະຊາຊົນບັນດາເຜົ່າ. ນີ້ແມ່ນໜ້າທີ່ລວມ, ພັນທະລວມ, ແມ່ນຄວາມຮັບຜິດຊອບລວມທີ່ສະມາຊິກພັກ, ພະນັກງານ- ລັດຖະກອນທຸກຖ້ວນໜ້າຈະຕ້ອງຮັບຮູ້ ແລະ ນໍາໄປຈັດຕັ້ັງ ປະຕິບັດໃຫ້ເກີດຄວາມເປັນ ເອກະພາບ ທັງເປັນການປະ ກອບສ່ວນເຂົ້າໃນການສ້າງລັດແຫ່ງ ສປປ ລາວ ໃຫ້ເປັນລັດທີ່ປົກຄອງດ້ວຍກົດໝາຍເທື່ອລະກ້າວ. (ຂ່າວ-ພາບ: ບຸນທີ)